XAVI AVUNJA REKODI YA PASI ULAYA, AWAFUNIKA WOTE UNAOWAJUA

HAKIKUWA kiwango bora kilichoonyeshwa na Barcelona, lakini kwa Xavi ulikuwa ni usiku mzuri wa kuukumbuka: akipatia kwa asilimia 100 katika pasi zake zote 96 alizopiga dhidi ya Paris St Germain jana.  

Vigogo hao wa Catalan walitolewa jasho kupata nafasi ya kutinga Nusu Fainali ya Ligi ya Mabingwa, walipokuwa nyuma kwa bao 1-0 ndani ya dakika ya 50 na hatimaye kufuzu tu kwa faida ya mabao ya ugenini, baada ya Pedro kusawazisha dakika ya 71. 

Rekodi: Xavi alimfikishia kila pasi kila mchezaji mwenzake aliyempelekea jana dhidi ya Paris St Germain

Wengi watasifia kuingia kwa Lionel Messi katikati ya kipindi cha pili kama siri ya mafanikio ya Barca jana, lakini alikuwa ni Xavi aliyecheza kwa ubora wa hali ya juu katika nafasi ya kiungo. 

Tabasamu: Xavi akifurahia kwenye Uwanja wa Nou Camp jana na mchezaji mwenzake Andres Iniesta

Mspanyola huyo mwenye umri wa miaka, 33, alikaribia kufunga dakika ya kwanza tu baada ya shuti lake la mpira wa ashabu kudondokea nyuma ya nyavu na wengi uwanjani kudhani ni bao.  

Alicheza dakika zote 90 katika mechi hiyo na alifanikiwa kumfikishia pasi kila mchezaji mwenzake aliyempelekea na kuwapiku wachezaji wengine wote kwa miaka 10.

Kazi nzuri ya Xavi jana kwa asilimia 100 anawapiku Javier Zanetti dhidi ya Tottenham miaka mitatu iliyopita na nyota wa zamani wa Arsenal, Emmanuel Eboue anayeshika nafasi ya tatu katika orodha. 

Lakini wakati Mspanyola huyo anamudu kupiga pasi zake kwa asilimia 100, Zanetti na Eboue walipiga kwa usahihi pasi 72 na 54 katika mechi zao.   

Inafahamika uwezo wa Cristiano Ronaldo unamfanya awepo katika orodha, lakini hamuachi mbali Nahodha wa Chelsea, John Terry aliyefanya kazi nzuri dhidi ya Werder Bremen kwenye michuano hiyo mwaka 2008.

Mkamate kama unaweza: Xavi alikuwa kila kitu Barca ikifuzu Nusu Fainali ya Ligi ya Mabingwa jana

WAKALI WA PASI MURUWA LIGI YA MABINGWA TANGU MSIMU WA 2003/04 

MECHI	MWAKA	MCHEZAJI	IDADI YA PASI
Barcelona v PSG	2013	Xavi	96
Inter vs Tottenham	2010	Javier Zanetti	72
FC Porto vs Arsenal	2006	Emmanuel Eboue	54
Barcelona vs Stuttgart	2007	Lilian Thuram	50
Real Madrid vs Man City	2012	Cristiano Ronaldo	50
Braga vs Galatasaray	2012	Paulo Vinicius	48
Basel vs Barcelona	2006	Martin Caceres	48
Chelsea vs Werder Bremen	2008	John Terry	47
FC Porto vs Dynamo Kiev	2006	Rolando	45
Roma vs Real Madrid	2004	Ivan Helguera	43
Real Madrid vs Dinamo Zagreb	2011	Sergio Ramos	43

Thursday, April 11, 2013