BongoSTAZ

Wamisri kuchezesha Simba v Wydad

2011-05-23T02:41:00.000-07:00

SHIRIKISHO la Soka wa Afrika (CAF) limeteua waamuzi kutoka Misri kuchezesha mechi ya mkondo mmoja kati ya Simba ya Tanzania na Wydad Casablanca ya Morocco, itakayofanyika Mei 28 mwaka huu Uwanja wa Petrosport mijini Cairo, Misri.
Boniface Wambura, Ofisa Habari TFF amesema leo kwamba mechi hiyo ya kutafuta timu ya kucheza hatua ya makundi ya Ligi ya Mabingwa Afrika itaanza saa 12 kamili jioni kwa saa za Cairo.
Waamuzi hao ni Farouk Mohamed atakayepuliza filimbi wakati wasaidizi wake ni Mohamed Waleed na Hassan Sherif. Mwamuzi wa mezani (fourth official) ni Omar Fahim wakati Kamishna wa mchezo huo ni Magdy Shams El Din kutoka Sudan.
Mshindi atacheza kundi B pamoja na timu za Al Ahly ya Misri, Esperance ya Tunisia na Moloudia Club d’Alger ya Algeria. Timu itakayoshindwa itaingia katika hatua ya 16 bora ya michuano ya Kombe la Shirikisho ambapo itacheza mechi ya kwanza nyumbani dhidi ya Daring Club Motema Pembe ya DRC kati ya Juni 10, 11 na 12 mwaka huu.
Mjumbe wa Kamati ya Utendaji ya Shirikisho la Mpira wa Miguu Tanzania (TFF), Muhsin Balhabou ndiye atakayeongoza msafara wa timu ya Simba kwenda Cairo kwa ajili ya mechi hiyo.

ANAKWENDA SHEKHAN, GOOOOOOO…

2011-03-19T09:47:00.001-07:00

Kipa wa Yanga Veterans, Manyika Peter akichupa bila mafanikio kuokoa shuti la mpira wa adhabu uliopigwa na kiungo wa Simba Veterans, Shekhan Rashid (hayupo pichani) katika mechi ya jana baina ya wakongwe hao, iliyofanyika kwenye Uwanja wa Taifa, Dar es Salaam. Simba ilishinda 1-0. Mechi hiyo ilikuwa ya kuchangia waathirika wa milipuko ya mabomu Gongolamboto

MISS KINONDONI 2010

2010-07-03T05:29:00.000-07:00

DAR Indian Ocean imeendelea kutamba katika Miss Kinondoni, baada ya juzi kushika nafasi mbili za ujuu kwenye shindano hilo, lililofanyika ukumbi wa MIimani City, Dar es Salaam.
Alice Lushiku ndiye aliyetwaa taji la Miss Kinondoni, nafasi ya pili ikienda kwa Amisuu Malick na watatu alikuwa ni Irene Hezron. Kwa ushindi huo, Alice alizawadiwa fedha taslimu Sh Milioni 1.5, Amisuu Milioni 1 na Irene Hezron Sh. 800,000 sambamba na wote kupata tiketi uya kushiriki Miss Tanzania mwaka huu.
Alice mbali na kuwa Miss Kinondoni, pia alijinyakulia taji la mrembo mwenye kipaji na kuzawadiwa Sh. 500,000, hivyo kuondoka na jumla ya Sh. Milioni 2.
Edna Kwilasa aliyeshika nafasi ya nne Calorine Ndembo aliyekuwa wa tano, kila mmoja alipewa Sh. 300,000, wakati washiriki wengine walipata kifuta jasho cha Sh.150,000 kila mmoja. Hao ni Tamara Ally, Mwanaidi Nuhu, Salma Ally, Happy Andrew, Nuria Ahmed na Nancy Errol,
Shindano hilo lililoandaliwa na Boy George Promotion, lilipambwa na burudani ya THT na sebene la African Stars ‘Twanga Pepeta’ lililoporomoshwa na wanenguaji wake mahiri akina Super Nyamwela, Queen Suzy na Sabrina.

UZI HUU UTATIOA BINGWA WA DUNIA

2010-06-29T08:53:00.001-07:00

NIMERUDI WATU WANGU

2010-06-29T08:41:00.000-07:00

NIMERUDI, NILIKUWA BIZE NA MIPANGO YA MAISHA KIDOOGO...TARAJIA KUPATA VITUUZ VYA KISPOTI KILA ALHAMISI NA JUMAPILI...YANI MAVITU YOTE YANAYOINGIA KWENYE GAZETI JIPYA NA LINALOKIMBIZA ILE MBAYA HIVI SASA KITAANI SAYARI TUTAKUWA TUNAYATUZNA HUMU.... LOVE YOU ALL

MGOSI AIUA YANGA, SIMBA POINTI 30...

2009-10-31T11:00:00.000-07:00

BAO pekee la Mussa Hassan Mgosi, leo katika dakika ya 26, liliiwezesha Simba kuibuka na ushindi wa bao 1-0 dhidi ya watani wao wa jadi, Yanga, mbele ya mashabiki zaidi ya 60,000 kwenye Uwanja wa Taifa, Dar es Salaam.
Mgosi alifunga bao hilo baada ya kuwazidi ujanja mabeki wa Yanga na kuunganisha vyema krosi ya Mganda, Emanuel Okwi, ambaye jana alikuwa mwiba mchungu kwa ngome ya Yanga.
Kwa ushindi huo, mbali na kulipa kisasi cha kufungwa 1-0, Oktoba 26, mwaka jana kwenye mchezo wa kwanza wa Ligi msimu uliopita, Simba pia imezidi kujiimarisha kileleni, ikifikisha pointi 30 baada ya kucheza mechi 10, yaani imeshinda mechi zake zote.
Kocha wa Simba, Patrick Phiri, alijivunia washambuliaji wake wenye kasi kina Okwi, Mrwanda na Mgosi, waliowapa wakati mgumu mabeki wa Yanga.
Yanga jana ilionekana kuathiriwa na mfumo wake iliotumia, kujaza viungo wengi na kucheza na mshambuliaji mmoja tu, wakati wapinzani wao walikuwa wakishambulia kupitia pembezoni mwa uwanja.
Kocha Kosta Papic, ambaye alipowasili nchini alisema kutokana na mfumo wake wa kushambulia timu yoyote anayoiongoza haiwezi kutoka uwanjani bila kufunga bao, jana alishuhudia mwamuzi Orden Mbaga akipuliza kipyenga cha kuhitimisha mchezo huo, Yanga ikiwa haijaziona nyavu za Simba.
Kipigo hicho kwa Yanga kinawafanya sasa wazidiwe pointi 12 na wapinzani wao hao wa jadi kwenye Ligi Kuu, jambo ambalo sasa litawafanya wasubiri miujiza ili kutetea ubingwa wao.
Simba itaumana na Mtibwa Sugar katika mchezo wake wa kukamilisha mzunguko wa kwanza wa ligi, wakati Yanga itamaliza na Prisons yenye ari mpya baada ya kupata kocha mpya, Oscar Dan Korosso.
Simba: Juma Kaseja, Salum Kanoni, Juma Jabu, Kelvin Yondani, Joseph Owino, Mohamed Banka, Danny Mrwandea, Hillary Echesa, Mussa Mgosi, Emanuel Okwi/David Naftali na Ramadhan Chombo/Uhuru Suleiman.
Yanga; Obren Curkovic, Nsajigwa Shdrack, Amir Maftah, Mohamed Bakari, Wisdom Ndhlovu, Athumani Iddi, Mrisho Ngassa, Nurdin Bakari, Boniphace Ambani/Jerry Tegete, Abdi Kassim/Mike Barasa na Kiggi Makassy/Moses Odhiambo.

Phiri amzidi hesabu Papic

MOJA kati ya vitu vilivyoiponza Yanga leo kufungwa 1-0 na Simba, ni mfumo wake wa uchezaji, kujaza viungo wengi uwanjani na kucheza na mshambuliaji mmoja tu, Boniphace Ambani, ambaye msimu huu ameonekana kupoteza makali.
Kosta Papic, kocha wa Yanga, alikwenda kulala jana akijutia mfumo wake huo, kwani mwenzake, Phiri kwa kujaza washambuliaji watatu mbele, Mussa Mgosi, Emanuel Okwi na Danny Mrwanda, kulimpa faida ya ushindi na kufanya mashambulizi mengi pia.
Papic alishindwa hata kutumia mwanya wa Simba kumpoteza mshambuliaji wake Danny Mrwanda, aliyepewa kadi nyekundu dakika ya 52, kwa kumtolea maneno machafu mwamuzi Orden Mbaga akiwa tayari ana kadi ya njano, hivyo kutolewa nje kwa nyekundu.
Papic aliingiza kiungo mwingine uwanjani, Moses Odhiambo, akiwaacha kwenye benchi washambuliaji Jerry Tegete na Mike Barasa.
Mambo yalibadilika kidogo wakati Papic alipowaingiza Tegete na Barasa dakika nane za mwishoni, lakini wakati huo tayari Phiri alikuwa amekwishawaelekeza wachezaji wake kucheza kwa kulinda bao hilo.
Hakika Yanga walitafuta kila njia ya kutafuta bao, tangu Mussa Mgosi alipowatungua dakika ya…, lakini kutokana na kukosa washambuliaji mbele, kila mchezaji aliyepata alitaka kuutengeneza.
Si kama Yanga ilizidiwa mchezo na Simba jana, bali maarifa ya uwanjani na hicho ndicho pekee ambacho kitampa jeuri Phiri.

Kaseja ni kiboko ya Yanga

PAMOJA na ukweli kwamba safu ya ulinzi ya Simba ni madhubuti, lakini pia kipa Juma Kaseja ni shujaa wa kweli langoni, baada ya leo kuokoa michomo mingi ya wazi, ambayo mbele ya kipa ‘wasiwasi’, Yanga ingeweza kuvuna zaidi ya mabao matatu.
Kaseja aliwakatisha tamaa kabisa Yanga, kutokana na kucheza kwa umakini wa hali ya juu, akiokoa michomo ya hatari na kuituliza timu yake kila ilipoanza kupoteana.
Kwa kuweza kudaka vyema na kuifanya Simba ishinde 1-0, Kaseja amedumisha rekodi yake ya kusimama kwenye lango la timu hiyo tangu ajiunge nayo mwaka 2002 kwenye mechi zote za Ligi ikicheza na Yanga bila ya kupoteza mchezo.
Yanga waliweza kupata ushindi mbele ya Simba, Kaseja akiwa langoni mara moja tu, Aprili 20, mwaka 2003, katika mchezo wa kirafiki ulioandaliwa na kampun ya Dika Sharp.
Siku hiyo Yanga ilishinda mabao 3-0, wafungaji wakiwa ni Kudra Omary dakika ya 30, Heri Morris dakika ya 32 na Salum Athumani dakika ya 47.
Zaidi ya hapo, Kaseja amedaka tangu mwaka 2002, kabla ya msimu uliopita kuhamia Yanga kwa mkataba wa msimu mmoja, lakini mara zote hizo amekuwa akishangilia ushindi na wachezaji wenzake wa Simba.
Hata alipokuwa Yanga msimu uliopita, Kaseja aliiongoza kulazimisha sare ya 2-2 na Yanga katika mchezo wa marudiano wa Ligi Kuu, baada ya awali Obren Curkovic kudaka vyema na kuifanya Yanga ishinde 1-0.
Alipokuwa Yanga msimu uliopita, Simba haikuweza kufua dafu kwa Watoto wa Jangwani, lakini msimu huu amerejea na kuwafanya Wekundu wa Msimbazi wafufue ubabe wao.
Mapema tu kabla ya mechi hiyo, Kaseja alisema, Yanga hawawezi kuifunga Simba yeye akiwa langoni - na hilo limetimia, je, kwa nini asijiite ni kiboko ya Yanga?

Mgosi ajisafisha Msimbazi
SIMBA walikuwa wamekwishapoteza imani na Mussa Hassan Mgosi - kwamba ni mchezaji ambaye hawezi kuifunga Yanga hata akibaki anatazamana na nyavu, lakini kwa bao lake pekee lililoipa timu hiyo ushindi leo, bila shaka amejisafisha mbele ya viongozi, wanachama na wapenzi wa timu hiyo.Katika mchezo wa kwanza baina ya Simba na Yanga, Oktoba 26, mwaka jana, Mgosi alikosa mabao mawili ya wazi, siku ambayo, Yanga iliibuka na ushindi wa 1-0 kwa bao pekee la Ben Mwalala.
Wakati mchezo wa marudiano unawadia Aprili 19, mwaka huu, Mgosi alikuwa ana mwaliko wa kwenda kufanya majaribio katika klabu ya Mahindra United ya India, hivyo Simba kwa kujua kwamba hata akibakia hawezi kuifunga Yanga, uongozi ulimruhusu kwenda India.
Lakini huko mambo hayakumwendea vizuri Mgosi, akarejea Simba na hatimaye mechi ya kwanza ya Ligi Kuu baina ya miamba hiyo, alikuwa uwanjani na alichokifanya aliwadhihirishia yote ya nyuma yalikuwa bahati mbaya.
Hii ni mara ya pili kwa Mgosi kuifunga Yanga tangu ajiunge na Simba mwaka 2005, akitokea Mtibwa Sugar ya Morogoro. Mara ya kwanza ilikuwa ni kwenye Kombe la Tusker Julai 2, mwaka 2005 wakati Simba ilipoibuka na ushindi wa 2-0 kwenye fainali.
Siku hiyo Mgosi alichokifanya ni kushindilia msumari wa moto kwenye jeneza la Yanga kwa kufunga bao la pili dakika ya 72, kufuatia Emmanuel Gabriel kufunga la kwanza dakika ya 60.

Banka: Si nilisema, Yanga wamefulia

KIUNGO Mohamed Banka, leo baada ya mchezo huo, alikumbusha kauli yake aliyoitoa kwamba; Yanga watake wasitake watafungwa Oktoba 31, mwaka huu, kwani hicho ndicho kilitokea.
Akizungumza na DIMBA, Banka alisema kwamba alijua utakuwa mchezo mgumu, lakini kitu ushindi kwa timu yake Simba alikiona mapema mno.
“Nilijua utakuwa mchezo mgumu, lakini kitu ushindi kwetu nilijua lazima kipo, tulipata upinzani mkali uwanjani, lakini mwishowe timu bora ilitoka kifua mbele,” alisema Banka.
Banka, ambaye huu ni msimu wake wa tatu Simba, tangu ajiunge nayo akitokea Yanga, jana aling’ara licha ya kukabiliwa na upinzani mkali wa viungo vijana wadogo kama Athumani Iddi, Kiggi Makassy, Nurdin Bakari na mkongwe Abdi Kassim.
Wakati anaachwa Yanga, moja ya sababu zilikuwa ni kwamba alitaka fedha nyingi za usajili wake, uwezo wake unaelekea kufikia mwisho, lakini alipotua kwa Wekundu wa Msimbazi, amekuwa kama amezaliwa upya.

Arsenal yapeta England

ARSENAL leo iliibuka kidedea kwenye Ligi Kuu ya England, baada ya kuichapa Tottenham Hotspurs mabao 3-0, katika mchezo uliofanyika kwenye Uwanja wa Emirates, London.
Ushindi huo, umeifanya Arsenal itimize pointi 25, baada ya kucheza mechi 11, hivyo kupanda kileleni kwa muda ikiipiku Chelsea, iliyokuwa ikiongoza Ligi hiyo kwa pointi zake 24. Hata hivyo, Chelsea ilikuwa inamenyana na Bolton jana, mchezo ambao ikishinda inabakia kileleni.
Hadi mapumziko Arsenal ilikuwa mbele kwa mabao 2-0, yaliyotiwa kimiani na Robin Van Persie dakika ya 42 na Cesc Fabregas dakika ya 43.
Arsenal ilipata bao lake la pili dakika ya 60, mfungaji akiwa ni Van Persie tena, ambaye jana alikuwa mwiba mchungu kwa ngome ya Spurs.
Kikosi cha Arsenal kilikuwa; Almunia, Sagna, Vermaelen, Gallas, Clichy, Diaby, Fabregas, Song, Arshavin/Eboue, Van Persie/Ramsey na Bendtner/Eduardo.
Tottenham; Gomes, Bassong, Corluka, King, Assou-Ekotto, Bentley, Huddlestone/Bale, Jenas, Palacios, Keane/Pavlyuchenko na Crouchyellow.

Kaizer Chiefs, Orlando hakuna mbabe

JOHANNESBURG, Afrika Kusini
WAPINZANI wa jadi nchini Afrika Kusini, Kaizer Chiefs na Orlando Pirates, leo wametoka sare ya bila kufungana katika mchezo wa Ligi Kuu ya nchi hiyo, uliofanyika kwenye Uwanja Loftus Versfeld, wenye uwezo wa kumeza mashabiki 94,700.
Katika mchezo huo, kila timu iliumiliki mpira kwa asilimia 50, Kaizer ikilenga mashuti nane langoni mwa Pirates, kucheza faulo tisa, kupata kona tatu na kuokoa hatari mbili, huku wachezaji wake wawili wakipewa kadi za njano.
Pirates yenyewe ililenga mashuti matano langoni kwa Kaizer, kucheza faulo saba, kupata kona tatu, kuotea mara moja, kuokoa hatari tano langoni mwao na mchezaji wake mmoja kupewa kadi ya njano.
Kaizer itaijutia nafasi waliyopata dakika ya 90, wakati Siphiwe Tshabalala alipopiga shuti kwa guu lake la kushoto kutoka umbali wa mita 25, lakini likagonga mwamba.
Pirates nayo ilipata nafasi dakika hiyo hiyo, baada ya Langu Sweswe wa Kaizer Chiefs kumchezea rafu Thembinkosi Fanteni, lakini Lucky Lekgwathi alipokwenda kupiga adhabu ndogo, haikuwa na madhara.
Kikosi cha Kaizer kilikuwa Bartman, Tau, Jambo, Rooi, Dladla, Letsholonyane, Nale, Nengomasha, Sweswe, Tshabalala na Motaung Jnr.
Pirates: Josephs, Jele, Lekgwathi, Thwala, Mahamutsa, Gumbi, Jali, Mabalane, Mashego, Mbuyane na Modise.

HIZI NI SALAMU ZANGU KWAKO MH MKUCHIKA...

2009-10-31T04:03:00.000-07:00

NIANZE kwa kumpongeza Waziri Habari Utamaduni na Michezo, Mh. George Huruma Mkuchika na watendaji wote wa wizara wafanyao kazi kwa uadilifu, kwani mabadiliko makubwa yenye kuashiria ufanisi yameonekana kwa kipindi chake tangu apewe wizara hiyo.
Kwa mwelekeo huu, bila shaka kama Mkuchika atabakia kwenye wizara hiyo kwa miaka mitano ijayo, yapo matarajio makubwa kwamba; sekta ya sanaa, michezo na utamaduni wetu vitaimarika kwa kiasi kikubwa.
Miongoni mwa mambo ya hivi karibuni aliyowahi kufanya Mkuchika ambayo yaliwafurahisha Watanzania wengi ni tamko lake la kupiga marufuku maonyesho yote ya filamu kwenye hadhara ya watu, majumba yasiyo rasmi, vibanda, kumbi ndogondogo, hoteli na maeneo ya baa bila kufuata masharti ya jumba la sinema- kwa mujibu wa sheria na 4 ya mwaka 1974 inayotumika nchini.
Katika agizo lake alililitoa mjini Dar es salaam, wakati akizindua Bodi ya Ukaguzi wa Filamu nchini ambayo itakuwa na jukumu la kukagua na kusimamia maonyesho na shughuli za filamu nchini, Mkuchika alisema sehemu nyingi zinazotumiwa kuonyesha filamu hazina leseni halali za kuonyeshea filamu na kuongeza kuwa siyo salama kwa mali na afya za watu.
Alisema athari nyingi tayari zimekwishajitokeza katika jamii yetu na filamu nyingi zimechangia kubomoa na kudumisha Utamaduni wa taifa- na hata kuchangia kwa kiasi kikubwa kubomoa misingi ya amani, upendo, uadilifu, heshima, uaminifu na utu ambao ni utambulisho wa Mtanzania jinsi ulivyokuwa umejijenga na kuenea katika jamii yetu.
Kweli tamko hili limeonekana kupokewa vizuri na wahusika wote waliotajwa wameanza kufuata taratibu- kwani wale ambao wameendelea kufanya mambo kinyume wamekuwa wakikutana na mikono ya sheria.
Hata hivyo, kuna jambo moja tu ambalo pengine wakati ule Mkuchika ama alisahau au alikuwa hajapewa taarifa kabisa kuhusu suala hilo- nalo ni hizi kampuni ndogondogo za hapa nyumbani za kutoa huduma za Televisheni za kulipa, maarufu kama Cable Televisheni, nazo sasa zinatishia amani ya utamaduni na maadili ya Mtanzania.
Kana kwamba hiyo haitoshi, kampuni hizi (siyo zote) pia zimekuwa zikihujumu kwa kiasi kikubwa kazi za wasanii wa Tanzania, kutokana na kuthubutu kuonyesha filamu za wasanii wa nje na ndani bila ya kufuata utaratibu.
Ingawa wakati anatoa tamko lake la kupiga marufuku maonyesho yote ya filamu kwenye hadhara ya watu, majumba yasiyo rasmi, vibanda, kumbi ndogondogo, hoteli na maeneo ya baa bila kufuata masharti ya jumba la sinema- kwa mujibu wa sheria na 4 ya mwaka 1974, hakuwataja watu wa Cable Televisheni, lakini ukweli ni kwamba sheria hii inawahusu na wao pia.
Ila kwa sababu hawakutajwa moja kwa moja, basi wamejihisi wako huru kuwaonyesha filamu wateja wao bila ya kuzingatia sheria namba 4 ya mwaka 1974, lakini ukweli unabaki pale pale- kwa sababu wao wanafanya biashara, kutokana na kupokea ada za kila mwezi kutoka kwa wananchi na kuwapa huduma- basi sheria hii inawahusu.
Juzi nilikuwa nazungumza na msanii mmoja anaitwa Check Budi, akaniambia alikwenda Kahama mkoani Shinyanga na Nzega mkoani Tabora kwa shughuli zake binafasi, huko alikutana na mambo ambayo yapo kinyume na tamko la Mkuchika.
Alisema kuna kampuni za Cable TV zinaonyesha filamu za wasanii wa Tanzania, lakini kwa sababu wanajua huo ni vunjaji wa sheria- inapofia wakati wa kuonyesha filamu hizo- hawatoi nembo ya TV yao.
Kwa nini hawatoi? Nilimuuliza Check, ambaye aliniambia hivi; “Wanajua wakitoa watu watarekodi na kwenda kushitaki, kwa hivyo wanafanya wakijua kabisa wanavunja sheria, watu hawa ni hatari sana, wanaweza kuwa wanaonyesha hata picha za ngono na watu watashindwa kuwachukulia hatua, kwa sababu utapeleka mahakamani ushahidi ambao hauonyeshi ni Cable TV gani? si itakuwa kichekesho,”.
Hivyo ndivyo alivyoniambia Check kuhusu watu hao wanaomiliki Cable TV- namna ambavyo wanamcheza shere Waziri Mkuchika kwa kufanya kile ambacho alikataza lakini kwa kutumia ujanja ujanja.
Kwa kuzingatia kwamba sanaa imeajiri vijana wengi wa taifa hili, ambao pengine bila ya hivyo leo baadhi yao wangekuwa waporaji mitaani, au wafanya uhalifu wa namna yoyote- kwanza hiyo pekee ni sababu tosha ya watu hawa kuchukuliwa hatua.
Kwani kufanya hivyo kunasababisha wateja wao wasinunue tena filamu za wasanii wa nyumbani baada ya kuziona bure kwenye Cable TV- na kama msanii atakuwa hapati mauzo mazuri kwenye kazi yake, je sanaa itakuwa na faida tena kwake?
Na akiachana sanaa akafanye gani- kama ambavyo tunafahamu wasanii walio wengi Tanzania (siyo wote) ni wale ambao elimu zao ni ndogo- katika kuhakikisha wanatafuta sehemu za kujiegesha waweze kuendesha maisha yao wamegundua sanaa.
Mbali na sababu hiyo, kikubwa ni kwamba mfanyabiashara ambaye yupo tayari kuvunuja sheria ili biashara yake iende vizuri, huyo ni hatari sana kwa taifa- kwani anaweza kufanya jambo lolote ili avune zaidi.
Kuna hatari kubwa hawa watu wanaweza kweli kuwa wanaonyesha hata sinema za ngono- wakiamini kwa hivyo ndiyo watavutiua wateja wengi kwenye biashara yao. Ni kwa sababu hiyo namtumia salamu hizi Waziri Mkuchika, ajue kwamba kuna watu wanamcheza shere. Alamsiki.

BUSTA RHYMES ANAYEKUJA KUWASHIKA FIESTA 2009 ONE LUV

2009-10-31T03:57:00.000-07:00

NILIPOISIKIA kwa mara ya kwanza sauti yake kwenye matangazo ya kituo cha Radio Clouds, akiwaambia Watanzania kwamba atakuwapo kutumbuiza kwenye Fiesta ya 2009, awali nilidhani ni Ja Rure anakuja tena nchini kutumbuiza kwenye tamasha ambalo aliwahi kutumbuiza mwaka 2006.
Lakini nilipotulia na kusikiliza hadi mwisho wa tangazo hilo— jina lililotajwa lilikwenda sambamba na dhana niliyokuwa nayo ama atakuwa Ja Rule au Busta Rhymes. Kweli, Busta Rhymes anakuja Tanzania kufanya onyesho moja, akiletwa na kampuni ya Prime Time Promotion Limited, chini ya udhamini wa Serengeti Beer na Nokia.
Ama kweli Fiesta ya mwaka huu itakuwa tamu kuliko zote zilizowahi kufanyika, kwani unapomzungumzia Busta unamaanisha mwanamuziki wa Hip hop anayekubalika na watu wa rika na jinsia zote, yaani wake kwa waume, vijana na hata watu wazima.
Hiyo inatokana na muziki wake, jinsi anavyoweza kubadilika kulingana na wakati, jambo ambalo limemfanya aendelee kuwa juu siku zote.
Msikie katika wimbo I Know What You Want aliomshirikisha Mariah Carey: “Baby if you give it to me, I'll give it to you, I know what you want, You know I got it….Baby if you give it to me, I'll give it to you, I know what you want…You know I got it…”.
Busta ni mkali na kwa sababu hiyo ana haki ya kuwa kipenzi cha wapenzi wa muziki ulimwenguni kote.
Kwa wakati huu anakuja Tanzania ni muda mfupi tu tangu atoe wimbo wake mpya uitwao Arab Money Remix, ambao ndani yake amewashirikisha wakali wengine P Diddy, Ron Browz, Swizz Beats, T. Pain, Akon na Lil Wayne. Wimbo huu, jamaa wanataja maneno ambayo mengine yapo kwenye Qur’an tukufu kwa mfano kwenye kiitikio cha pili; wanasema;
Bismillahi r-rahmani r-rahim, Al hamdu lillaahi rabill'alamin (Oooohh),
We gettin' arab money (haha), We gettin' arab money…Bismillahi r-rahmani r-rahim, Al hamdu lillaahi rabiil'alamin (Oooohh) We gettin' arab money (haha), We gettin' arab money.
Hili linaweza likasababisha Busta akawa gumzo zaidi katika ujio wake Tanzania, lakini ukweli ni kwamba jamaa ni mkali tangu na tangu.
Jina Busta Rhymes alitungwa na Chuck D wa kundi la Public Enemy, kutokana na kumfananisha na mchezaji wa zamani wa Ligi ya Taifa mpira Marekani (NFL), George ‘Buster’ Rhymes, lakini mwenyewe jina lake halisi Trevor Tahiem Smith, Jr.
Huyo ni mwanamuziki, mtunzi wa nyimbo na mwigizaji maarufu duniani, Mmarekani mwenye asili ya Jamaica, aliyezaliwa Mei 20, mwaka 1972 ambaye Novemba 7, mwaka huu atafanya vitu vyake mjini Dar es Salaam, Tanzania.
Busta alizaliwa East Flatbush, huko Brooklyn, wazazi wake wanatokea Jamaica, Cherry Green na Trevor Smith.
Busta alianza muziki akiwa ana umri wa miaka 17 baada ya kujiunga na kundi la Hip hop, lililokuwa likijulikana kama Leaders of the New School akiwa sambamba na jamaa zake wa Long Island, Charlie Brown, Dinco D na Cut Monitor Milo. Walianza kurekodi muziki mwaka 1989 na kufanikiwa kutoa albamu yao ya kwanza A Future Without a Past mwaka 1991 kutoka studio za Elektra Records.
Mwaka 1993, walitopa kitu kingine, kilichokwenda kwa jina T.I.M.E. (The Inner Mind's Eye), lakini kundi hilo lilisambaratika kutokana na wenzake kumwonea wivu Busta kwa sababu ya umaarufu mkubwa aliokuwa amejipatia.
Hivyo mwaka 1996 alitoa wimbo wake wa kwanza kama msanii binafsi uliokwenda kwa jina la Woo Hah!! Got You All in Check am,bao ulikuwamo kwenye albamu yake iliyouza nakala zaidi ya Milioni, The Coming.
Albamu yake ya pili When Disaster Strikes, aliitoa mwaka 1997, ambayo ndani yake ilikuwa ni nyimbo kali kama Put Your Hands Where My Eyes Could See na Dangerous.
Mwaka 1998, Busta alitoa kingine; Extinction Level Event (Final World Front), ambacho kilizua gumzo kutokana na kutabiri kwamba mwaka 2000 ni mwisho wa dunia.
Wimbo wake Gimme Some More uliokuwa unafanana wa Bernard Herrmann – ulishika namba tano katika chati za muziki nchini Uingereza Januari mwaka 1999, wakati April mwaka huo, wimbo mwingine What's It Gonna Be?! Aaliomshirikisha Janet Jackson, uliingia kwenye kumi bora ya chati za muziki za Marekani na Uingereza.
Baada ya Busta kusaini mkataba na J Records, lebo iliyoanzishwa na aliyekuwa bosi wa Arista Records, Clive Davis, alitoa albamu kali, akiendelea kuinukuu Biblia kwenye albamu hiyo aliyoipa jina Genesis. Katika albamu hiyo aliwashirikisha wakali wengine kama Mary J. Blige, P. Diddy, Kelis na wengineo.
Genesis ilibebwa zaidi na nyimbo kama ule aliomshirikisha Kelis, uitwao What It Is, wimbo wake aliotanguliza kutoka kwenye albamu hiyo, Break Ya Neck Novemba mwaka 2001 na wimbo wa mwisho kuutoa, Pass The Courvoisier Part 2, ambao aliwashirikisha watu kama Pharrell na P. Diddy. Lakini pamoja na umaarufu na kuwa na nyimbo hizo kali, albamu hiyo haikuweza kiuvunja rekodi ya mauzo ya albamu yake iliyotangulia.
Mwaka 2002, Busta alitoa albamu yake ya sita It Ain't Safe No More, ambayo ilifanya vizuri ile mbaya, ikiongozwa na wimbo mtamu zaidi aliomshirikisha Mariah Carey na kundi la Flipmode Squad, uitwao I Know What You Want.
Nyimbo nyingine kali kutoka kwenye albamu hiyo zilikuwa Make It Clap, aliomshirikisha Spliff Starr ambao baadaye aliutolea Remix akimshirikisha Sean Paul. Baada ya kutoa albamu hiyo, aliachana na J Records na mwaka 2004 alisaini mkataba na kampuni ya Dr. Dre, Aftermath Entertainment.
Alipojiunga na Aftermath Busta Rhymes alitoa albamu ya saba, The Big Bang, ambayo ilikuwa albamu yake ya kwanza kuuza nakala zaidi ya milioni maishani mwake. Zaidi ya nakala za CD 209,000 ziliuzwa katika wiki ya kwanza tu tangu kutoka kwa albamu hiyo na kuingia kwenye chati za nyimbo 200 za Billboard. Albamu hiyo pia iliibuka kuwa maarufu zaidi ya albamu zake zote nchini Uingereza, ikishika nafasi ya 19.
Nyimbo kali zaidi zilizokuwamo kwenye albamu hiyo ni pamoja na Touch It, I Love My Chick, aliowashirikisha Kelis na Will.I.Am, New York Shit na In The Ghetto. Albamu hiyo ilimpa ulaji wa kushiriki ziara za wakali kama Mariah Carey iliyoitwa The Adventures of Mimi Tour. Busta baada ya hapo aliimba na Eminem wimbo Touch It Remix Part 5 sambamba na kufanya wimbo na Linkin Park, ulioitwa We Made it akiwashirisha pia Jae Millz na Ne-Yo.
Julai 17, 2008, Rhymes aliachana na Aftermath baada ya kutofautiana na Jimmy Lovine na baadaye ikaelezwa atajiunga na Universal Motown, ambayo ilitoa albamu yake ya nane Back on My B.S. Mei 19, mwaka huu sambamba na kushiriki albamu ya kwanza ya Asher Roth, iitwayo Asleep in the Bread Aisle.
Busta Rhymes alitoa albamu yake ya nane Back on My B.S. Mei 19, mwaka huu akiwa na Universal Motown, ambayo ilishika namba tano katika chati za nyimbo 200 za Billboard, ikiuza nakala 56,000 katika wiki ya kwanza na hadi sasa imekwishauza nakala 122,000. Nyimbo ambazo amekwishatoa kutoka kwenye albamu hiyo ni Arab Money aliowashirikisha Ron Browz, Hustler's Anthem '09, aliomshirikisha T-Pain na Respect My Conglomerate. Wimbo World Go Round, aliomshirikisha mwimbaji Muingereza Estelle, aliutoa nchini Ufaransa Aprili 6, mwaka 2009 kabla ya kuutambulisha na Uingereza Julai 13, mwaka huu.
Kutokana na mgogoro wa utumiaji maneno kwenye wimbo Arab Money, Umoja wa Falme za Kiarabu (UAE) uliifungia albamu hiyo, Back on My B.S. ambayo ilisambazwa kimataifa.
Kwa mujibu wa Baraza la Habari la Taifa (Marekani), mashairi ya wimbo huo yanawadhalilisha Waarabu na Waislamu, hivyo kunyimwa ruhusa ya kuisambaza albamu hiyo. Baadhi ya ma-DJ, wasanii na mashabiki wameushambulia wimbo huo wakisema unaudhalilisha Uarabu.
Walisema kwamba sehemu ya wimbo huo katika Remix inanukuu Quran tukufu.
Hivi karibuni wakati wimbo huo ulipotolewa, DJ Dany Neville na rapa wa Iraqi, The Narcicyst walikasirishwa na wimbo wa Busta Rhymes ambao waliurekodi kama jibu. Baadaye Busta aliomba radhi kwa usumbufu wowote aliousababisha. Ma-DJ nchini humo walisema kwamba, japokuwa hawajapata taarifa yoyote ya kuupiga marufuku wimbo huo kwenye klabu za usiku, lakini hawawezi kuupiga. “Siuchezi wimbo Arab Money kwa sababu umeonyesha dharau kwa Waarabu. Sidhani kama umefungiwa kuchezwa kwenye klabu, lakini wengi hapa hawaupigi kwa vyovyote,” alisema DJ Saif wa Dubai.
Lakini wakati hayo yakiendelea, Busta alitangaza juu ya ujio wa albamu yake ya tisa itakayojulikana kama The Chemo. Alisema kwa asilimia 80 albamu yake mpya imekwishakamilika, kazi kubwa ikifanywa na mtayarishaji wa Canada, Boi-1da. Yote kwa yote, Busta atakuwapo Dar es Salaam, kuwapa raha Watanzania katika Fiesta ambayo mwaka huu imepewa kaulimbiu ya One Love. Karibu Tanzania Busta.

WIMBO ULIOLETA BALAA NI HUU HAPA;
BUSTA:
Ayo somebody tell steven speilberg & george lucas
Thank you for directing this movie (hahahaha) (hashemeke hayla ha-its the remix!)

KIITIKIO x2
Bismillahi r-rahmani r-rahim, Al hamdu lillaahi rabill'alamin (Oooohh)
We gettin' arab money (haha), We gettin' arab money
Bismillahi r-rahmani r-rahim, Al hamdu lillaahi rabiil'alamin (Oooohh)
We gettin' arab money (haha), We gettin' arab money

BUSTA
you can talk about your money but i really dont care
im into coppin streets shit im trying to buy air
im the first black nigga that i rap trillionaire
i control heat i'm bout to buy the ozone layer
im into coppin minerals now diamonds and granite
so much paper i could probably gift wrap a planet
and clone a million janet's respect my company
asalamalaikumarahmatullahe wa barakatuhu

KIITIKIO x2

P DIDDY
ayo busta we gettin this money for a long time mayne
check this out
allahamdulliah with my billions pilin
im just wildin, bought two islands
lakshmi makalen
diamond soundin
bout to buy japan, trick im just stylin
money insane
my generals poppin bottle
i was buyin out planes just to fly around spain
fuck a recession im still investin
bout to buy dubai and swim in the shark section
get the dark section (its the remix)
bitch thats the barack section

KIITIKIO x2 (we gettin bad boy money)

RON BROWZ
catch me in da coop that cost a hundred thous,
hakala shikmina lady ron browz
my money make noise yours quite as a mouse
send a email in da boyz in da house
all da girls love me, ya pop bubbly.
hakalashikrhi shorty damn ugly
findin me in the dance floor doin the dougie
trucks sittin too next to yo buggy

KIITIKIO
UBETI WA NNE Swizz Beats
dont even call me swizz no more
call me kaseem dean ?
when i come thru hit you with the brand new
buggati coupe, damn thing only only sits 2
but you know who who ridin in my passenger
side with me flyin shit 2.5 in it, hey hey hey
im in my jeezy watchin tv she call me her habibi
while she feedin me linguini
left right left right and arab dance poppin right
swizz beats busta, money money buss pipes

KIITIKIO x2

T PAIN
Nappy Boy (halalalla)
i let my chain hang down with the best of dem
teddy pain rain down on the rest of dem
misses troopa man heavy holly
get em man, about a man, rubber band, droppin money
bombs like a taliban (hallalla) we gettin arab money (money)
u want this hook you gon' pay dat money
save dat money give it to my kids, ill take that hundred
give her all my kids like (hallalallalalalallaaaaaaaaaa swag)

KIITIKIO x2 (swaggg swagg)

AKON
akon, konvikt, (we gettin arab money swag tpain yelling we gettin arab money)
musikkkk
i got dat arab money (money)
four- star bismillahirahmanirahim
straight cash wanna keep on comin
lemme exchange da currency coz its so foreign
i got dat arab money (money) makin upto 5 kind
your minds on the money, diamond mine still runnin
on all of africa you can ask tarzan

KIITIKIO x1 (heyyyyyyyyyyyyyy)
senegal! (we gettin arab money)
senegal! (we gettin arab money)
yay!
chorus x1 (heyyyyyyyyyy)
konvikt (we gettin arab money) (alright boyz)
konvikttttt musikkk (we gettin arab money)

LIL WAYNE
khaled dar say gettin money errday
his smile look like iced out perrier
bury me a g and tell ma kids that i was
now jump into ya grave do you dig what i dug
cash money universe, my old town check
20 chains look like a scarf on my neck
young money entertainment the girls theyre fine
(and buck a motherfucka money hall of fame) (arab money)
ya!

KIITIKIO x2

MTAGWA KUWANIA UBINGWA WA WBO

2009-10-02T03:00:00.000-07:00

BONDIA nyota wa Tanzania anayeishi Philadelphia nchini Marekani, Rogers Mtagwa anatarajiwa kupanda ulingoni Jumamosi (Oktoba 10, 2009) katika ukumbi wa Wamu Theater, Jijini New York, kuzipiga na bingwa wa WBO, Juan Manuel Lopez, akiwania taji hilo katika uzito wa Super Bantam.
Katika barua pepe aliyoituma Mtagwa kwa mwandishi wa habari hizi, amewaomba Watanzania wamuombee dua atwae taji hilo la dunia lenye pesa nyingi.
“Napigania ubingwa wa dunia wa WBO Jumamosi, napigana na bondia mmoja mkali sana, Watanzania waniombee dua nishinde, pambano hili litaonyeshwa dunia nzima, Watanzania wengine wanaweza kuliona live online (kwenye mtandao)”alisema Mtagwa.
Mtagwa anayetumia jila la utani, The Bull kwa sasa badala ya Tiger aliloingia nalo nchini humo mwaka 2000; Machi 22, mwaka huu alitimiza miaka 30 na Jumamosi atakuwa akizipiga na bondia mwenye umri wa miaka 26 tu. Hili litakuwa pambano gumu kweli kwa Mtagwa, kwani Juan ajulikanaye kama Juanma kwa jina la utani ni bondia bora na hodari haswa, mwenye rekodi nzuri kaunzia ngumi za Ridhaa.
Raia huyo wa Puerto Rico alicheza michuano mbalimbali mikubwa katika ngumi za Ridhaa ikiwemo Michezo ya Amerika ya Kati na Caribbean mwaka 2002, Michezo ya Amerika mwaka 2003 na Olimpiki mwaka 2004 na baada ya mafanikio hayo, ndipo akajitosa kwenye ndondi za kulipwa mwaka 2005.
Hakuchelewa kupata mafanikio kwenye ndondi za kupigana kifua wazi, kwani Septemba 30, mwaka 2006 alimtwanga Jose Alonso na kutwaa ubingwa wa Mabara wa WBO (Latino), uzito wa Super Bantam, kabla ya Juni 7, mwaka jana kumtandika Daniel Ponce de Leon kwa Technical Knockout (TKO) na kutwaa ubingwa wa dunia wa WBO katika uzito huo.
Mtagwa mbali na kuwa bingwa wa Baraza la Ngumi Amerika Kaskazini (NABF), pia ni bondia anayeheshimika na vyama vyote vikubwa vya ndondi duniani, WBO, WBC na IBF.
Mtagwa ambaye yupo chini ya Meneja Joe Parella na kocha Bobby ‘Boogaloo’ Watts, bondia wa zamani wa uzito wa Middle, anapigana kwa staili ya Orthodox (anapigia mkono wa kulia) atakuwa na wakati mgumu Jumamosi, kwani mpinzani wake anapigana kwa staili ya Southpaw (anapigia mkono wa kushoto). Wataalamu wa ndondi wanasema kwamba, bondia wa Orthodox ili kumpiga Southpaw, inabidi afanye kazi sana ulingoni, kama ambavyo Floyd Mayweather Jr, amekuwa akifanya.
Pamoja na kupigana kwa staili ya Orthodox, lakini Mayweather amekuwa akiwadunda mabondia wa Southpaw kutokana na ujanja wake wa kubadilisha badilisha mchezo ulingoni.
Akifanikiwa kutwaa taji hilo, Mtagwa atakuwa bondia wa kwanza kabisa Mtanzania kutwaa taji la ndondi la dunia la moja kati ya vyama vitatu vikubwa- WBC, IBF na WBO.
Rashid Matumla aliwahi kutwaa taji la WBU mwaka 1999 na akiwa na ndoto za kuwania mataji makubwa ya WBC, WBO na IBF, kampuni ya DJB Promotions iliyokuwa ikimmiliki ilimtema na huo kuwa mwanzo wa kupoteza kwake mwelekeo kwenye mchezo huo. Mbwana Matumla aliyewahi kutwaa taji la WBA International, angeweza kufika mbali naye, kama DJB ingeendelea kummiliki, lakini tangu ilipomtema, amepoteza mwelekeo pia.

NAKUPA LYRICS ZA MTU MZIMA SUGU...

2009-07-22T22:59:00.000-07:00

WIMBO: Ringa:
MWIMBAJI: Sugu. Feat, Ngwair, Dr Levy

NGWAIR:
Uuuuh,Yeah, Suguu Ngwaur na Dr Levy collabo iko heavy,
yeah,Mj... I can hear u, sex mama ringa baby, yeah!
mtoto una rangi ya mvuto safi na pozi, vyako vito,
vinashaini off coz, true! mtoto matawi ya juu,
uzuri unao figa unayo usijali we ringa tuu,
mtoto unang'aa gheto mwanga wa mshumaa,
nipe zidi ya catwalk unapokrosi kwa mtaa,
ah, ah, uzuri wako wa asili akili wako utajiri
heshima hadi usafiri kuringa unastahili (ringaa),
bambataa utadhani mko wawili,
siyo siri wengi tu unawachanganya akili, (ringaa),
wala usione soo, kwani tayari tupo kwenye dancing floor,
so deep it low then bring it up slow,
unapokata machizi wote wanabaki like woo!
ha, haa, ringa tuu mamaa we kifaa japo wazushi bado wanakataa,
we ringaa...

CHORUS:
Ringa ringa ringa ringa kama unavyoringaa..
(ringaa) ringa ringa ringa baby kama unavyoringagaa...
( we ringaa) x 2

DR LEVY:
Hahaaaa! uuuh!mtoto umeumbika maridadi unanipa midadi,
ah sikusifii makusudi una thamani zaidi ya gold,
Bongo ingejivunia kama ungekuwa first lady,
siyo tu nakusifia ukweli nakwambia mamaa,
kuwa nawe binafsi najivunia, umbo lako ni la ajabu,
halijifichi hata unapovaa hijabu,
kama ungependa umiss ungeshinda,
hakuna jaji wa kupinga miss world usingedunda,
ah, ungetoa nuksi kwa mtu mzima Lundenga,
kama kawaida hupandishi mitungi kinywaji chako ni soda,
unang'ara bila poda baby, na kwa upeo mtoto mi nakupa shada,
kukumiliki ni zali nasema asante mungu,
hata shule hukufeli na unaishi kiswahili,
hupendi kabisa uzungu, ah, kwangu fahari,
we ni binti mrembo, sita kwa sita mtoto unayajua mambo,
sitaki tena shombo sitaleta mtoto wa kambo,
naogopa kukupa mimba ntatibua shepu ya tumbo,
japo kuzaa ni lazima na nataka ubaki kama pambo,
kuna watu wanachonga eti mtoto unaringa nami siwezi kupinga
nasema ruksa kuringa... wooo.

CHORUS:
Ringa ringa ringa ringa kama unavyoringaa..
(ringaa) ringa ringa ringa baby kama unavyoringagaa...
( we ringaa) x 2

SUGU:
Nimeshaona mademu kutoka kila sehemu,
una haki ya kuringa we ni bonge la demu,
mtaani ni nani asiyekufahamu,
kila time nikikuona usoni unatabasamu,
machoni kukutazama mtu mzima siishi hamu,
una maumbile matamu, na zaidi umetulia
na kichwani uko timamu,
ha, na huna mzuka wa kutaka kwenda Ulaya,
unakomaa na chuo ili baadaye uwe lawyer,
wewe siyo sister duu kanyaboya,
uzuri kama wako wengine wanautumia kwa umalaya,
napenda hata mavazi unayovaa,
napenda pozi zako kwenye kiti unapokaa,
ukisimama tumbo flati utadhani bado hujazaa,
ha, nje kimini lazima thong kwa ndani,
na gitaa la nyuzi kadhaa kiunoni,
na ndo maana nikiwa nawe mkono daima uko ndani,
na ukienda club mabitozi ni vurugu lakini wanatulia
wanapojua uko na Sugu, kwani wanajua Sugu pia ni mtu wa mavurugu...
ringaa ringaa...

CHORUS: Ringa ringa ringa ringa kama unavyoringaa..
(ringaa) ringa ringa ringa baby kama unavyoringagaa...
( we ringaa) x 2

WIMBO: Kiburi
MWIMBAJI: Sugu Feat. Stara Stara:

STARA:
Wanachotaka wewe upate tabu
Raha kidogo tu chuki bila sababu
SUGU: Najua mama, hili ntalikabili,
Kwani najua jeuri dawa yake ni kiburi

VESI LA KWANZA
Kwa wanaonijua toka enzi za Mbeya Day,
au wakati bado mdogo mama aliponiita May,
miaka chini ya kumi tu nina jina mtaani,
kila mtu alinijua mimi mtoto wa nani,
ni hivyo hivyo mpaka waalimu shuleni,
na ndo maana mpaka leo mimi sishangai kushaini,
nilipoanza muziki sikujua mafanikio yangeambatana na chuki
mara ngapi nageukwa na nnaowaita marafiki?
sasa nalala macho wanafiki siwataki,
maana kila ninachofanya wanaonekana hawataki,
Ha! na sijali wanachosema,
Baba alinifundisha kutazama mbele daima,
na moto ni ule ule tu hakuna wa kuuzima,
najua wanachotaka, kuona Sugu kachoka…
…ili wapate kucheka, watasubiri watachoka,
watapanda watashuka, mi nabaki vile vile kila siku kila mwaka,
na bado wanakilisha tu chama la Madeiwaka,
mi ni fighter nafaiti bila kuchoka...
aaaaaaaaaah aaaaaaaaaaaaaaah!

STARA:
Wanachotakaaa ooh wanavyotaka...
Wanachotaka wewe upate tabu
Raha kidogo tu chuki bila sababu

VESI LA PILI:
Kweli jeuri dawa yake ni kiburi,
na mi ntabaki mbishi mpaka nilione kaburi,
wako wapi walionicheka shuleni nilipofeli,
pilika zangu mtaani zimenifikisha mbali,
tisini na tatu niko boda naitafuta South Afrika,
leo kila nnapotaka naenda zangu Amerika,
ndivyo maisha yanavyoweza kuchenji,
leo niko na Terrano kesho VX au Range,
na bado nikiwa Bar nadai chenji, Ha,
pata picha Sugu angekuwa kisha choka,
hakika historia ingekuwa imeshafutika,
mabwana mdogo wangeongea kuhusu gemu wanavyotaka,
ningetoweka kama wastaafu wa soka,
kumbuka niliacha fani wakasema wananimiss,
nimerudi kwa kishindo wengine wanapata stress,
wanabaki tu wanasema... na, mi nasema waseme watakavyosema,
kwani watasema mchana na usiku watalala,
na wakiamka asubuhi mi naendeleza bakora, waah!

STARA:
Wanachotaka wewe upate tabu
Raha kidogo tu chuki bila sababu

VESI LA TATU
Maisha yangu yote nimepata sana tabu,
nashangaa raha kidogo tu chuki bila sababu,
sijawafanyia madhambi vipi wanataka nitubu?!
wanasema nikisema wanasema mi nna gubu,
najua bado niko juu kwenye listi,
sina mchezo na life ila siogopi kulosti,
haya siyo maisha yangu nyie mafala,
yote ni mambo tu ya hela,
siku nikikosa mchuma niko ndani ya daladala,
na hata kama ni kweli mi sikuzaliwa gheto,
nimekulia street na nimeshazoea msoto,
na enzi zangu machizi waliniita msela ngoto,
na kwa Madj sitoi rushwa za kitoto,
hata waendelee kubana hawatazuia ndoto,
au niende PCB niwapelekee za moto?
kama noma iwe noma na ikibidi ile kinoma,
wananiua kimuziki kwa nini nione huruma?

STARA:
Wanachotaka wewe upate tabu
Raha kidogo tu chuki bila sababu
Wanachotaka wewe upate tabu, raha kidogo tu chuki bila sababu,
SUGU: Najua mama hili ntalikabili kwani najua jeuri dawa yake ni kiburi
STARA: Wanachotaka wewee upate tabu raha kidogo tu chuki bila sababuAh!
SUGU: Najua mama, hili ntalikabili kwa najua jeuri dawa yake ni kiburi haaa!

WATOTO WA ILALA HAO...

2009-07-22T22:38:00.000-07:00

Wa pili kutoka kushoto ni Irene Karugaba, mrembo kutoka Mzizima

MISS ILALA SAFARINI ARUSHA...

2009-07-22T22:21:00.000-07:00

Mshiriki wa Miss Ilala, ambaye ni Miss Dar es Salaam (Mzizima) Glory William akitoka ndani ya hoteli ya Lamada, Ilala Jijini Dar es Salaam, kuelekea kupanda gari tayari kwa safari ya Arusha, kutembelea mbuga za wanyama.

HENRY JOSEPH ULAYA ULAYA...

2009-07-10T08:56:00.000-07:00

Henry na mdau mmoja wa klabu yake Kongsvinger ya Norway wakifurahi pamoja

Henry akinywa maji wakati wa mazoezi na klabu ya Kongsvinger nchini Norway

Henry akijifua na klabu yake mpya Kongsvinger

Moja kati ya picha za Henry zilizopambwa kwenye tovuti ya Kongsvinger, ikiambatana na makala yake ndeeefu. Hapa alikuwa akiiongoza Tanzania katika mechi dhidi ya Ivory Coast mjini Abidjan, ambako bao pekee la Mrisho Ngassa lilitupa ushindi wa 1-0.

Henry akiwa mwenye furaha baada ya kuhakikishiwa maisha Norway. mshahara mtamu, nyumba na gari nzuri. Aah mungu ampe nini zaidi ya jitihada ili afanikiwe zaidi. INSHAALLAH.

MTOTO HUYU WAMO, MISS ILALA KAZI IPO

2009-07-10T02:09:00.000-07:00

Kimwana Gladys Shao, mshindi wa pili Miss Dar City Centre, ambaye anajiandaa na shindano la Miss Ilala, ukijumlisha na zile totoz za Dar Mzizima, Glory William, Hadija Muhecha, Nyamizi Lillian Mihayo, Pendo Lema na Irene Karugaba. Miss Ilala patakuwa hapatoshi 2009.

IRENE UWOYA ALIYEMDATISHA NYOTA WA AMAVUBI

2009-07-08T22:42:00.000-07:00

na mahmoud zubeiry
KAMA utaanzishwa mjadala wa mabinti wanaotikisa kwenye sanaa ya uchezaji filamu Tanzania, bila shaka yeyote atakayetaja orodha ya wakali hao, jina la mwanadada Irene Pancras Uwoya hataliweka nje ya tano bora.
Kweli Irene ni miongoni mwa waigizaji bora wa kike wa filamu nchini, ambaye ingawa umaarufu wake ulianzia kwenye fani ya ulimbwende, lakini filamu ndizo zimemstawisha zaidi.
Irene ana mvuto wa mwonekano, uzuri wa asili na ucheshi unaomfanya daima awe mwigizaji anayevutia kwa yeyote amtazamaye.
Irene anajua kuigiza katika mazingira yoyote yale, iwe hali ya uchangamfu, majonzi, ‘uchakaramu’ hata umakini wa hali ya juu, yuko tofauti na wasanii wengi wengine nchini wenye vichwa vizito, kiasi cha kuzungumza kama wanasoma, binti huyo ni mweledi. Anavutia anapoonekana akizungumza, akicheka, akifoka, akiwa mwenye furaha, akiwa mwenye huzuni au vyovyote awavyo kwenye filamu alizoigiza.
Hiyo ni moja kati ya sababu zilizomfanya awe mwigizaji adimu na mwenye thamani kubwa nchini, ambaye watayarishaji na watengenezaji wengi wa filamu nchini wamekuwa wakimbabaikia kwa hilo.
Kwa Tanzania bado malipo ya wasanii kutokana na kazi zao ni siri, lakini dhahiri kama wapo wanaolipwa vizuri kutokana na sanaa hiyo, Irene ni miongoni mwao, tena katika wale walipwao vizuri mno kutokana na sanaa hiyo nchini.
Kupanda siku hadi siku kwa hali yake kiuchumi ndicho kielelezo tosha cha binti huyo kupata maslahi mazuri kutokana na sanaa hiyo ya uigizaji ambayo kwa sasa inazidi kupanda chati nchini na kuizidi kete hata fani ya muziki wa Bongo Fleva kwa maslahi.
Kwa sasa nchini waigizaji bora ndio wanaotamba na magari mazuri, wanajenga nyumba nzuri na wanaishi maisha mazuri pia, hicho ni kielelezo tosha cha mafanikio katika sanaa yao.
Katika mahojiano maalumu na DIMBA juzi, Irene anasema kwamba anafurahia sanaa hiyo, kwani licha ya kumpanua vizuri kwenye anga la nyota wa Tanzania, pia inampatia maslahi mazuri.
“Unajua hapa kwetu kila mtu maslahi yake ni siri yake, kwa hivyo hata mimi siwezi kukuambia ninalipwa vipi, ila napenda kukuhakikishia tu kwamba ninalipwa vizuri na ndiyo maana ninafanya filamu nyingi,” anasema mwanadada huyo.
Irene anasema kwamba matarajio yake ya baadaye ni kuwa mwigizaji wa kimataifa na ndiyo maana mkakati wake mkubwa siku chache zijazo ni kujiendeleza kielimu na kusomea sanaa hiyo.
Hadi sasa, Irene amekwishacheza filamu tisa, tangu acheze filamu yake ya kwanza, Yolanda miaka mitatu iliyopita, sambamba na akina Mohammed Mwikongi, Ummy Wenceslaus ‘Dokii’, Fadhil Omar ‘Mkono’, Lucy Komba ‘Lorna’, Mrisho Zimbwe ‘Tito’, Dennis Sweya ‘Dino’, Tecla Irenge ‘Nancy’, Pricila Christopher, Eva Clemence na wengineo.
Filamu nyingine za nyota huyo ni Diversion of Love, Hazard, One Blood, Oprah, Mid Night, Peace of Mind, Tanzanite na Kalunde.
Baada ya kucheza filamu hizo, Irene sasa anatarajiwa kufungua ukurasa mpya wa maisha yake, akiwa anatarajiwa kufunga ndoa na mchumba wake, Hamad Ndikumana, raia wa Rwanda, anayecheza soka ya kulipwa nchini Cyprus.
Anatarajiwa kufunga ndoa Julai 11, mwaka huu, katika Kanisa la Mtakatifu Joseph, mjini Dar es Salaam, baada ya sherehe zote za awali, kufundwa (Kitchen Party) na Kuagwa (Send Off).
Akizungumzia alivyojiandaa kuyaingia maisha ya ndoa, Irene anasema: “Nimejiandaa vizuri, ninaolewa, nitaheshimu ndoa yangu, nitakuwa mvumilivu ndani ya maisha ya ndoa, nitamsikiliza mume wangu na kufanya yale anayonielekeza na kuacha yale anayonikataza,” anasema.
Irene anasema kwamba amejifunza mengi kutokana na ndoa za nyota mbalimbali nchini ambazo zilipepesuka na anaamini kikubwa kilichosababisha hayo ni maelewano duni ndani ya nyumba.
“Ndoa za mastaa (nyota) wengi zinavurugika kwa sababu ya kutoheshimiana ndani ya nyumba, kila mmoja kutaka kuwa juu ya mwenzake, watu hawasikilizani, lakini mimi naahidi kuwa tofauti, siolewi ili niachike, nataka kuingia kwenye maisha ya furaha ndani ya ndoa, lakini katika kila jambo ukimtanguliza Mungu mbele, mafanikio yatakuwapo,” anasema.
Kuhusu namna atakavyoweza kudumisha maisha ya ndoa na kazi yake ya sanaa, Irene anasema: “Kuolewa haitakuwa sababu ya mimi kuacha sanaa, wala mume wangu kuoa haitakuwa sababu ya yeye kuacha kucheza soka. Tutafanya mambo yetu kwa wakati na ndoa tutaipa nafasi yake.
“Mume wangu anacheza mpira Cyprus, kama Mungu akimjaalia kupata timu nyingine nchi nyingine, tutahamia huko. Lakini mimi wakati wowote nitapanda ndege kwenda sehemu yoyote nitakapopata dili ya kwenda kutengeneza filamu, haitaleta matatizo kwetu, kwa sababu tumekwishakubaliana,” anasema.
Siku za nyuma baadhi ya magazeti ya udaku yamekuwa yakiandika habari ‘chafu’ kuhusu binti huyo, je, hii anaichukuliaje? “Hainipi tabu, kwa sababu yote yanayoandikwa ni uongo, ninaingia kwenye ndoa yangu nikiwa huru kifikra na mawazo, nayapuuza yote ya uzushi yaliyotokea na yatakayotokea,” anasema Irene, ambaye kwenye tuzo za filamu mwaka jana, aliibuka na ya Mwigizaji Bora Msaidizi.
Irene alizaliwa Desemba 18 mwaka 1988 mjini Dodoma, kabla ya kuanza elimu yake ya msingi katika shule ya Mlimwa hadi darasa la tano na kuhamia Bunge ya Dar es Salaam alikomalizia elimu yake hiyo. Sekondari alisoma mjini Kampala, Uganda katika shule iitwayo Greenville, alikohitimu Kidato cha Nne.
Aliporejea nchini, Irene alijitosa kwenye fani ya ulimbwende na alianza kushiriki shindano la Miss Chang’ombe ambako aliibuka mshindi wa kwanza mwaka 2006, hivyo kupata tiketi ya kushiriki Miss Temeke, ambako alikuwa mshindi wa pili. Irene alipata tiketi ya kushiriki Miss Tanzania mwaka huo ambako alikwenda kushika nafasi ya tano, hivyo kuingia kwenye orodha ya warembo bora waliowahi kushiriki shindano hilo la taifa. Kutoka hapo, bi harusi huyo mtarajiwa, amekuwa mwigizaji nyota wa filamu Tanzania, akila sahani moja na wakali kama Ray, Kanumba, Hawa Mkamba na wengineo.

HAMAD NDIKUMANA NI NANI?
Hamad Ndikumana Ismael aliyezaliwa Oktoba 5, mwaka 1978 mjini Kigali, Rwanda, ambaye mbele ya mashabiki wa nchini mwake anajulikana kama Kataut, ni beki wa kimataifa wa Amavubi, ambaye kwa sasa anachezea klabu ya Daraja la Kwanza
A. E. Lemesos ya Cyprus, aliyojiunga nayo akitokea AC Omonia ya nchini humo pia.
Awali alichezea Anorthosis, KV Mechelen, APOP Kinyras Peyias, Nea Salamina na KAA Gent. Aliiwezesha Rwanda kupata nafasi ya kucheza fainali za Kombe la Mataifa ya Afrika mwaka 2004 nchini Tunisia, ingawa tangu Amavubi ifungwe nyumbani na Angola 1-0 katika mechi ya kuwania kucheza fainali za Kombe la Dunia mwaka 2006 nchini Ujerumani, hajaitwa tena timu yake ya taifa. Hiyo ilitokana na kutuhumiwa kuwasaidia Angola kushinda mchezo huo muhimu, ambao uliwapa tiketi ya kucheza fainali za kwanza za Kombe la Dunia. Amejiunga na AEL Limassol Julai mwaka jana, akisaini mkataba wa miaka mitatu. Beki huyo aliibukia kwenye klabu ya Rayon Sport ya Rwanda msimu wa 1998-1999 na alikuwamo kwenye kikosi cha klabu hiyo kilichotwaa ubingwa wa Afrika Mashariki na Kati, maarufu kama Kombe la Kagame, visiwani Zanzibar chini ya kocha Raoul Jean Pierre Shungu, aliyewahi pia kuinoa Yanga ya Dar es Salaam.
Kwa kufunga ndoa na Irene kanisani, ina maana Ndikumana anaachana na dini yake ya Kiislamu sasa kwa ajili ya mlimbwende huyo wa Kitanzania.

ENZI ZAKE WACKO JACKO...

2009-06-27T09:48:00.000-07:00

Madaktari waliochunguza kifo cha mwanamuziki maarufu wa mtindo wa Pop, Michael Jackson, aliyefariki dunia Alhamisi, wamesema matokeo ya awali hayajaonyesha hila yoyote.
Lakini vipimo vingine vikiwemo vya sumu vimechukuliwa ambapo uchunguzi wake unaweza kuchukua majuma kadhaa, ofisi ya mchunguzi wa vifo vya Los Angeles ilieleza.
Maafisa wamesharuhusu ndugu kuuchukua mwili wa Jackson, lakini bado hakujawa na taarifa zozote kuhusu mazishi yake.
Waombolezaji wakiwemo wasanii wenzake, viongozi wa mataifa mbali mbali na mashabiki wamekuwa wakitoa rambi rambi zao kwa mwanamuziki huyo.
Jackson aliyekufa akiwa na umri wa miaka 50, siku ya kifo chake alikimbizwa hospitalini huko Los Angeles, Marekani, baada ya kupata matatizo yanayodhaniwa kuwa ya moyo.
Taarifa za awali zilieleza kuwa mwanamuziki huyo alikuwa hapumui wakati madaktari wa huduma ya kwanza walipofika kumsaidia nyumbani kwake maeneo ya Bel Air yapata saa sita na nusu majira ya huko. Lakini mwishowe maafisa wakathibitisha kifo chake.
Utata mkubwa uligubika hali ya afya ya mwanamuziki huyo aliyewahi kutamba na albamu mbali mbali kama Thriller.
Wavuti ya TMZ ambayo huandika taarifa za watu mashuhuri katika maswala ya burudani ilikuwa ya kwanza kuandika kuwa Michael Jackson mwenye umri wa miaka 50 alikuwa ameaga dunia.
Vile vile, gazeti maarufu la Los Angeles Times liliandika katika wavuti yake kuwa Michael Jackson amefariki. Lakini vyombo vingine vya habari vilikuwa vikisema alikuwa bado yu hai, ingawa alikuwa mahututi.
Madaktari wa huduma ya kwanza walijaribu kuuzindua moyo wa Jackson wakati gari ya wagonjwa ilipokuwa ikimkimbiza katika hospitali ya UCLA, maafisa wameeleza.
Jackson alikuwa akitarajiwa kuanza matamasha mbali mbali ya kufufua kipaji chake kwenye ukumbi wa O2 jijini London ifikapo tarehe 13 Julai.
Imeelezwa alikuwa na historia ya matatizo ya kiafya na hajawahi kukamilisha ziara ya matamasha kwa kipindi cha miaka 12 iliyopita.

WACKO JACKO HATUNAYE...

Mfalme wa muziki wa Pop Michael amefariki dunia jana Alhamis akiwa na umri wa miaka 50.
Mfalme wa muziki wa Pop kutoka Marekani Michael Jackson amefariki akiwa na umri wa miaka 50.Mwanamuziki huyo amefariki jana saa nane na dakika 26 saa za Los Angeles.Kifo cha Mwanamuziki huyo kimethibitishwa na mtaalamu wa matibabu katika mji huo ambaye amesema kwamba kimetokana na mshtuko wa moyo na alikuwa na matatizo ya kupumua hivyo basi maisha yake hayakuweza kuokolewa.Michael Jackson alikuwa amepangiwa kuwatumbuza maelfu ya mashabiki wake katika mlolongo wa matamasha mjini London mwezi Ujao.
Hivyo ndivyo alivyotaka kuikamilisha kazi yake ya muziki,,,kwa njia ya aina yake.Michael Jackson aliyejipa jina la mfalme wa muziki wa Pop alitaka kurudi tena jukwaani kuwatumbuiza mashabiki wake kwa mara ya mwisho licha ya uvumi kutoka kila pembe juu ya hali yake ya kiafya.Atakumbukwa daima,mnamo mwezi Marchi aliwaahidi mashabiki wake kuwapa tamasha la nguvu katika mlolongo wa burudani kwenye mji wa London.
'Hiyo itakuwa ni mara yangu ya mwisho kuonekana kwenye shoo mjini London.itakuwa hiyo tu,na nikisema, ''hiyo ndiyo itakuwa ya mwisho'', basi nafikiri ninamaana nitacheza nyimbo zote mashambiki wangu wanazotaka kuzisikia''
Nyimbo hizo ni zile za vibao vilivyotamba na kutia fora sana kutoka miaka ya themanini kama vile Billie Jean au Thriller.Albamu ya Michael Jackson ya Thriller kutoka mwaka 1982 ilipata umaarufu mkubwa sana na kufanikiwa katika kipindi kirefu ambapo iliuza takriban nakala millioni 65.Kwa jumla karibu albamu millioni 750 za Michael Jackson zimeuzwa kote duniani.Lakini kitakachokosa kusahaulika ni mtindo wake wa kipekee wa kucheza unaofahamika kama ''Moonwalk''
Kaka yake Jermaine akizungumzia juu ya kifo cha Michael amesema----
''Kakayangu,mfalme wa Pop Michael Jackson alifariki alhamisi saa nane na dakika 26 mchana.Inaaminika alipata mshtuko wa moyo nyumbani kwake.Allah awe pamoja nawe daima Michael''
Michael Joseph Jackson alianza taaluma ya muziki akiwa kijana mdogo wa shule.Mapema katika mwaka wa 1970 aliibuka na kundi moja likiwa linawajumuisha kakazake kundi lililojulikana kama The Jackson Five ambapo miongoni mwa vibao vilivyotia fora kutokana na kundi hilo ni pamoja na ABC na I'll be there yaani nitakuweko.
Chini ya usimamizi mkali wa babayao Joe Jackson watoto hao walifanikiwa kuwa wacheza shoo hodari na maarufu na Michael Jackson baadae alizungumzia matatizo aliyokumbana nayo utotoni....
Mashabiki kote ulimwenguni wameshtushwa na kifo cha mwanamuziki huyo nje ya kituo cha matibabu cha UCLA mjini Los Angeles mamia wamekusanyika wakiwa na hisia mbali mbali---
''Haiwezekani,siamini nasikitika sana alikuwa na kipaji na nitamkosa kwa hilo---
''Ntasema alikuwa machachari akisema watu waserebuke alitaka watu wafanye hivyo na aliweza kumfanya mtu atambue alikotoka na hiyo ndo sababu nampenda---
Katika kipindi chote cha kazi yake kama mwanamuziki Michael Jackson amepata tunzo zisizoweza kuhesabika ikiwa ni pamoja na 13 za kuwa mwanamuziki bora katika tunzo la Grammy nchini Marekani.Lakini mwanamuziki huyo hakugonga tu vyombo vya habari kutokana na kazi yake ya Muziki lakini pia kutokana na mabadiliko yaliyomtokea katika muonekano wake-Mabadiliko ya kutoka kuwa Mmarekani mweusi hadi kufikia kuwa kama mzungu akiwa na ngozi nyeupe na pua ndefu.Alikanusha lakini kwamba amefanyiwa opresheni ya kumbadilisha maumbile.
Mwaka 1993 aligonga pia vichwa vya habari kufuatia kashfa ya kuhusishwa na tuhuma za kumlawiti mtoto mdogo wa kiume hata hivyo nyota huyo wa muziki wa Pop aliepuka kesi hiyo lakini baada ya kutolewa dhamana ya dolla millioni moja.Mwaka 2005 akagonga tena vichwa vya habari akituhumiwa kuwalawiti watoto wadogo na mara hii kesi ilikuwa kubwa na kuchukua muda mrefu ambapo pia maisha yake ya siri yalianza kuwekwa hadharani----Baada ya kukutikana hana hatia Michael Jackson aliondoka Marekani na kwenda kuishi katika mojawapo ya nchi za kiarabu.Na kabla ya kifo chake alikuwa ameshajiandaa kurudi tena kwa kishindo katika ulimwengu wa Muziki ambapo alisema ni hatua yake ya mwisho ya kuuaga ulimwengu huo katika tamasha lililopewa jina Ni mara ya mwisho-----
Hii ni mara ya mwisho,ninaifunga pazia,tutaonana mwezi wa July.......
Hata hivyo ukipanga lako mungu ana lake,ahadi hiyo haitotimia badala yake mamilioni ya mashabiki wake kote duniani wanaendelea kushangazwa na taarifa za kifo cha mwanamuziki huyo aliyefariki akiwa na umri wa miaka 50.Michael Jackson aliwahi kuoa mara mbili-mke wake wa kwanza alikua Lisa Marie,mtoto wa mwimbaji maarufu Marehemu Elvis Presley. Michael Jackson ameacha watoto watatu.
Mungu ailaze roho yake mahala pema.

ULIKUWA MWAKA WA SIMBA SC...

2009-06-22T01:21:00.000-07:00

UNAPOANZA kuzungumzia makali ya klabu za soka Tanzania, basi Simba itatajwa kama hodari namba moja, kutokana vitu vyake ilivyowahi kufanya kihistoria, kuanzia mwaka 1974.
Mwaka 1974, kwanza Simba ilianza kwa kutwaa Kombe la Klabu Bingwa Afrika Mashariki na Kati, katika michuano iliyofanyika mjini Dar es Salaam.
Kama wahenga walisema nyota njema huonekana asubuhi, basi hizo zilikuwa dalili njema kwa Simba kutikisa soka ya Afrika mwaka huo.
Mwisho wa msimu, Simba iliingia kwenye orodha ya klabu nne bora zaidi barani Afrika, kutokana na kufika Nusu Fainali ya Klabu Bingwa Afrika mwaka huo 1974.
Mwaka huo, Wekundu hao wa Msimbazi walianza Raundi ya Kwanza kwa kumenyana na Linare ya Lesotho na katika mchezo wa kwanza ugenini, waliibuka na ushindi wa mabao 3-1 kabla na ushindi wa 2-1 nyumbani, hivyo kusonga mbele kwa ujumla ya ushindi wa mabao 5-2.
Katika Raundi ya pili, Simba ilimenyana na Zambia Army na katika mchezo wa kwanza mjini Lusaka, iliibuka na ushindi wa 2-1 kabla ya kumalizia na ushindi wa 1-0 nyumbani, Dar es Salaam, hivyo kusonga mbele kwa ushindi wa jumla wa mabao 3-1.
Hatimaye Simba ikaingia Robo Fainali ambako ilikutana na Hearts of Oak ya Ghana na kwenye mchezo wa kwanza ugenini Wekundu wa Msimbazi waliustaajabisha ulimwengu kwa kuibuka na ushindi wa 2-1, mabao yakifungwa na Adam Sabu (sasa marehemu) na Abdallah Kibadeni na kwenye marudiano, timu hizo zilitoka sare ya bila kufungana mjini Dar es Salaam.
Kwa matokeo hayo, Simba ilikata tiketi ya kuinga Nusu Fainali, ambako ilikutana na Mehallal El Kubra ya Misri na kwenye mchezo wa kwanza Dar es Salaam, Wekundu wa Msimbazi walishinda bao 1-0 na kwenye marudiano, Waarabu walilipa kisasi cha ushindi wa 1-0.
Kwa matokeo hayo, mchezo huo ulihamia kwenye mikwaju ya penalti na ndipo Simba ilipong’olewa kwa penalti 3-0. Tena siku hiyo, aliyekuwa kipa wa Simba, Athumani Mambosasa (sasa marehemu) alilalamikwa kupigwa na vitu akiwa langoni, jambo ambalo lilimfanya ashindwe kuelekeza akili yake vyema kwenye kuokoa michomo ya Waarabu.
Huu ni kati ya miaka miwili ya kihistoria kwa Simba kwenye soka ya Afrika, mwingine ukiwa ni mwaka 1993, timu hiyo ilipofika fainali ya Kombe la CAF na kufungwa na Stella Abidjan mjini Dar es Salaam 2-0, baada ya kulazimisha sare ya bila kufungana ugenini.
Kwa nini nimekumbuka vitu hivyo vya Simba mwaka 1974? Ni baada ya kusoma makala moja iliyoandikwa kwenye gazeti la BINGWA toleo la Juni 20, mwaka huu na Mwandishi Mohamed Kuyunga.
Makala hiyo yenye kichwa cha habari; Tuwalinganishe Tambwe, Victor, Santos na Kondic hakika ilisheheni utumbo mtupu, ni kama mwandishi wa makala hiyo ana jukumu la kuandika kujaza kurasa tu na si kwa minajili ya kitaaluma.
Ameanza kwa kuikoroga historia ya Dk. Victor Stanslescu alipokuwa nchini miaka ya 1970 katika klabu ya Yanga, lakini amechekesha zaidi aliposema mwaka 1974 Yanga ilicheza na Enugu Rangers katika Klabu Bingwa Afrika.
Jamani kwa mpenzi wa soka wa Tanzania ambaye hajui hata hili la vitu vya Simba SC katika michuano hiyo ya Afrika mwaka 1974 awekwe kwenye kundi gani?
Namkumbusha mwandishi wa makala hiyo, funguo za kuwa mwandishi bora kuwa ni; Pata uthibitisho wa uhakika kadiri utakavyoweza kupata (kuhusu habari unayotaka kuandika).
Wahabarishe wasomaji wako vyanzo vya habari ulipopata habari yako. Kuwa mkweli kwa jambo ambalo hufahamu kuhusu habari hiyo. Usijaribu kuandika kwa kuongeza chumvi kwenye habari yako, la msingi ni kuweka wazi. Daima hakikisha unaandika ukweli,”.
Hivyo kwa hili la kusema Yanga ilicheza Klabu Bingwa Afrika mwaka 1974, mwandishi amesema uongo. Kama hajakusudia kusema uongo, basi amefanya hivyo kwa sababu hajui, kama alikuwa hajui alikuwa ana sababu gani ya kuandika?
Sasa namuelimisha Kuyunga, Yanga ilicheza na Enugu Rangers International ya Nigeria Mei mwaka 1975, ukiwa ni mchezo wa pili wa raundi ya Pili wa Klabu Bingwa Afrika.
Katika mchezo wa kwanza nchini Nigeria, Yanga ilipigana kiume na kupata sare ya bila kufungana na wenyeji, lakini kwenye marudiano ikiwa inahitaji angalau sare ya bila kufungana ili isonge mbele, ilijikuta ikilazimishwa sare ya kufungana bao 1-1 nyumbani na kuwaachia simanzi mashabiki wake.
Kwa kumuelimisha zaidi Kuyunga, Yanga ilifuzu moja kwa moja kucheza na Enugu, baada ya kukosa mpinzani kwenye Raundi ya Kwanza.
Kila siku nimekuwa nikiwaambia waandishi wenzangu kwenye chumba cha habari (New Habari), waachane na mtindo wa kuandika ili mradi wajaze kurasa, kwani kufanya hivyo ni kuwakosea wasomaji wetu, ambao wengi yao wanajua kuliko sisi.
Kwa Certificate, Stashahada na Shahada zetu za Uandishi wa Habari, tunawaandikia Wanafalsafa, Maprofesa na Madaktari, dhahiri hawa watu wanajua kuliko sisi, ndio maana Waandishi wa Habari tunahimizwa kusoma zaidi na zaidi, ili kupanua uelewa wetu.
Najua hakuna malaika miongoni mwetu, hivyo kukosea mara moja moja si jambo la ajabu, lakini inapotokea kukosea ikawa ni kawaida, basi huo udhaifu, hivyo waandishi wa namna hiyo si mfano wa kuigwa hata kidogo.
Hivyo Kuyunga anapaswa kufahamu nini wajibu wake kama Mwandishi Habari, ili jamii imheshimu na kumuenzi daima.
Elimu ya darasani ni suala moja, lakini pia kuna uelewa kuhusu michezo yenyewe, hasa soka ambayo Kuyunga anaizungumzia, hali ya kuwa anaonekana mbumbumbu mno katika hilo.
Kuna magwiji wa historia za soka kuanzia enzi za Gossage na Sunlight Cup kama Kitwana Manara, enzi zake akiitwa Popat, ambaye alianza kama kipa baadaye mshambuliaji na kwa nafasi zote hizo alichezea timu ya taifa ya Tanzania.
Sijui kati ya Kuyunga na Kitwana Manara nani anajua zaidi kuhusu Dk. Victor na Yanga. Manara alikuwamo kwenye kikosi cha Yanga kilichocheza na Enugu Rangers mwaka 1975.
Kwa hivyo, Kuyunga anapaswa kujua fika, kabla ya kuandika chochote kwanza vema akafanya utafiti na awe wazi kwa mambo asiyoyajua, vinginevyo ataendelea kujiaibisha kwa wasomaji wenye kuelewa na kuwapotosha wale wasioelewa.
Mimi sina uelewa wa kutosha kuhusu muziki wa nyumbani wa enzi hizo na historia yake, kwa sababu sikupenda kuifuatilia wakati wa makuzi yangu, nilitekwa na muziki wa Wamarekani hususan Hip hop, hivyo siwezi kuchambua chochote kuhusu Sikinde, Msondo au OSS.
Lakini kwa soka, mchezo ambao nimeucheza tangu nikiwa shule ya Msingi Mgulani, Dar es Salaam, ndondi mchezo ambao pia nimeucheza tangu shuleni hapo nikiwa na akina Hassan Matumla na mdogo wake, Mbwana Matumla ambao waliendelea nao wakati mimi niliishia njiani, wakati wowote naweza kuuchambua.
Nimekuwa mpenzi mkubwa wa ndondi na soka katika maisha yangu yote hadi sasa, najua juu ya michezo hiyo na ninaendelea kujifunza kila siku na ndiyo maana makala na habari zangu kuhusu michezo hiyo ni sahihi na hazina mushkeli.
Lakini kikubwa ninapenda kufanyia kazi iwe habari au makala ninayotaka kuandika, kabla ya kufanya hivyo, ndio maana mara nyingi ninapoteza muda wangu mwingi Makataba Kuu ya Taifa kusoma habari zilizoandikwa miaka ya nyuma kuhusu soka na michezo mingine ninayotaka kuandika kwa undani.
Labda iwe Kuyunga ana ajenda ya kutaka kumchafua tu Kondic, tu kwa sababu hataki awe kocha wa Yanga au ametumwa na watu wasiomtaka kocha huyo, lakini kwa kuandikwa kwa sababu ya hoja, Kuyunga hana lolote. Ndiyo maana namuambia mwaka 1974 ni Simba SC iliyoshiriki Klabu Bingwa Afrika hadi kufika Nusu Fainali na kutolewa kwa penalti na Mehalla El Kubra.

MISS TZ WA KWANZA...

2009-06-18T06:42:00.000-07:00

Mwaka 1960 ndipo Mashindano ya urembo nchini yalipoanza na hayatakuwa na muonekano wa kimataifa kwa sababu yalifanyika kwenye maeneo machache.Kwani kumbukumbu zilizopo zinaonyesha kwamba mrembo wa kwanza kunyakua taji hilo la Miss Tanzania, si mwingine bali alikuwa Theresa Shayo.Kutokana na maadali na utamaduni ya mtanzania serikali ililazimika kuyapiga marufuku mashindano hayo ilipofika tu mwaka 1967, kabla ya Rais wa awamu ya pili Alhaj Ali Hassan Mwinyi kuyaruhusu kuendelea kutokana na utandawazi kuanza kushika kasi ya ajabu.Tangu kipindi hicho nchi yetu ya tanzania iliweza kufanikiwa kutoa warembo kadhaa walioshiriki mashindano ya kumtafuta mrembo wa dunia, wakiwemo Emil Adolf, Nancy Sumary, Saida Kessy, Basila Mwanukuzi, Hoyce Temu, Jacqueline Ntuyabaliwe na wengineo. Mshindi huyo wa kwanza kushiriki mashindano hayo ya urembo ya Miss Tanzania Theresa Shayo, alifariki dunia huko Augburg Munich Ujerumani na kuzikwa uko uko alikokuwa akiishi miaka yote hiyo.Mwaka 1967 ndipo hayati Theresa alitwaa taji hilo kwenye shindano lilofanyika hoteli ya Kilimanjaro, alifariki dunia january 26 mwaka 2007 na maradhi ya kansa ya tumbo huku akiwa na umri wa miaka 61.Theresa hakubahatika kupata mtoto na alikuwa akiishi mjini Augsburg ambako aliolewa na mjerumani aitwaye Chrstian Rieger ambaye waliachana na hadi anakufa alikuwa akiishi na boy friend aitwaye Tonny.Kabla ya hapo Theresa alikuwa akiishi peke yake mtaa wa Schmiedberg namba 9 katikati ya mji wa Augsburg na alimwachia nyumba hiyo mtanzania aitwaye Othman Lukindo.Kwani alikuwa ni mtu mwenye huruma sana pamoja na kwamba alijiengemeza zaidi kwa ndugu zetu wa Kenye, alikuwa na upendo na kila mmoja uko alikokuwa akiishi alimpenda.Mashindano haya yamekuwa yakitia fora na kujizolea umaarufu mkubwa ndani ya jamii ya watanzania, hasa baada ya kuwa chini ya uratibu wa Hashim Lundega, ambaye alianza kuyaendesha tangu mwaka 1994. Kwani kupitia Lundega, kampuni mbalimbali zimekuwa zikijitokeza kudhamini mashindano hayo na kutoa zawadi zikiwemo za magari ya kisasa kwa washindi, hali iliyoyafanya yawe na ushindani mkali. Ukuaji wa Mashindano haya ulikuwa ni wa kasi kubwa kwani watu wengi kama ilivyo kwa mchezo wa soka ama muziki, hasa baada ya muziki wa kitanzania kuingiliwa na vionjo vya kutoka nchi jirani ya Jamhuri ya Kidemokrasi ya Congo). Mkoa wa Mbeya nao haupo nyuma katika mashindano hayo. Umekuwa unapita katika hatua hizo kwa kupata warembo mbalimbali walioibuka washindi kuanzia ngazi ya mkoa, kanda hadi kufikia hatua ya kushiriki shindano la 'Miss Tanzania'.

KIPA MZUNGU AREJEA YANGA LEO

2009-06-16T09:15:00.000-07:00

Hapa nipo na Obren baada ya kuwasili nchini tumkizungumza Uwanja wa ndege wa mwalimu Nyerere.

KIPA Mzungu wa klabu bingwa ya soka Tanzania, Yanga, Obren Curkovic amewasili leo mjini Dar es Salaam, majira ya saa 9:30 Alasiri kwa ndege ya Shirika la Emirates, akitokea kwao, Serbia alipokwenda tangu Aprili mwaka huu.
Akizungumza na bongostaz baada ya kutua Uwanja wa Ndege wa Mwalimu Julius Nyerere, Obren alisema amerejea kwenye klabu yake kuendelea kuitumikia.
“Nimechoka sana, nimesafiri saa nyingi, nataka niende kupumzika, kwa ufupi nimerudi Yanga,”alisema kipa huyo anayefananishwa na mlinda wa Chelsea, Petr Cech raia wa Jamhuri ya Czech kwa ushujaa wake langoni.
Obren amewasili ili kuwahi kusaini mkataba wa kuendelea kuichezea klabu hiyo, baada ya tofauti zilizokuwapo baina yake na klabu hiyo kumalizwa.
Mara baada ya kuwasili, Obren alilakiwa na Katibu wa Kamati ya Mashindano ya Yanga, Emmanuel Mpangala na kupakiwa kwenye gari dogo la klabu hiyo waliyopewa na wadhamini wao, Kampuni ya Bia Tanzania (TBL).
Kipa huyo aliyekwenda moja kwa moja kwenye Hotel ya Tamal, Mwenge, aliidakia Yanga mechi 10 za Ligi Kuu ya Vodacom Tanzania Bara na kufungwa bao moja tu na Shaaban Kisiga ‘Malone’ katika mechi ambayo timu yake ilishinda 3-1.
Yanga walimheshimu zaidi kwa umahiri aliounyesha kwenye mchezo wa kwanza wa Ligi Kuu dhidi ya watani wa jadi, Simba ambao timu hiyo ilishinda 1-0 kwa bao pekee la Ben Mwalala aliyepokea pasi ya Boniphace Ambani.
Obren aliondoka nchini baada ya kukerwa na tuhuma za baadhi ya watu kwamba aliihujumu timu hiyo katika mchezo wa kwanza wa Raundi ya Kwanza Ligi ya Mabingwa Afrika, dhidi ya Al Ahly nchini Misri hadi ikafungwa 3-0.
Mara tu baada ya mchezo wa marudiano na Waarabu hao, ambao Yanga ilitandikwa tena 1-0, langoni akiwa Juma Kaseja, Obren aliamua kutimkia nyumbani kwao.
Tuhuma ambazo ziliwahusisha pia makocha wa klabu hiyo, akiwemo Kondic, baadaye zilipuuzwa baada ya kubainika zilipandikizwa na watani wao wa jadi, Simba waliokuwa na lengo la kuwavuruga kisaikolojia kabla ya mchezo baina yao, Aprili 19, mwaka huu.
Viongozi wawili wa Simba (majina tunayahifadhi) walidaiwa kusafiri na Yanga kwenda Cairo huku kukiwa na madai kwamba wanakwenda kusaidai timu hiyo mbinu za kuwafunga Waarabu, lakini habari nyingine zilidai kwamba walikwenda kufanya hila hizo chafu.
Uimara wa Mwenyekiti wa klabu hiyo, Wakili Imani Madega kupuuza tuhuma hizo akitaka kwanza uthibitisho ndio azifanyie kazi, ulisaidia kutochafua hali ya hewa ndani ya Yanga.
Baadhi ya wapenzi na wanachama maarufu wa Yanga walikuwa wakimpigia simu Madega kumshinikiza amuwajibishe Kondic kutokana na tuhuma hizo za kupika, lakini Wakili huyo wa kujitegemea aliweka msisitizo kwamba waliotoa tuhuma hizo watoe uthibitisho.
Lakini baadaye ilibainika kuwa zilikuwa ni tuhuma za kupika, ambazo zilitengenezwa ili kuwafanya Yanga wavurugane na hadi kufikia mechi ya watano wa jadi, Aprili 19, wawe dhaifu na kufungwa na Simba.
Baada ya kuona Yanga wameendelea kuwa pamoja, zilianza mbinu nyingine za kuwapigia simu makocha wa klabu hiyo na Obren kuwapa vitisho na kuwataka waondoke kwenye klabu hiyo.
Kondic alivumilia vitisho hivyo, lakini Obren na kocha kijana Civojnov Serdan walishindwa kuhimili na kuamua kuondoka.
Hata hivyo, baada ya Kondic kuwapa somo wawili hao, wameamua kwa pamoja kurejea kuendelea na kazi Jangwani.
Wakati Obren anarejea Yanga, tayari kuna uwezekano mkubwa, makipa wengine walioidakia klabu hiyo msimu huu Juma Kaseja na Stephen Malashi wakaachwa waondoke, kwani wote mikataba yao imekwisha.
Huenda nafasi za Kaseja na Malashi zikazibwa na makipa kutoka Cameroon na Jamhuri ya Kidemokrasia ya Kongo (DRC) ambao wanaendelea na majaribio kwenye klabu hiyo.

MAJIBU YA KUYUNGA KUHUSU SHUTUMA ZAKE KWA KOCHA WA YANGA...

2009-06-16T00:48:00.000-07:00

Profesa Kondic ni zaidi ya kocha…

na mahmoud zubeiry
NIMESOMA gazeti la BINGWA toleo la jana, na makala moja ikaniteka zaidi ya nyingine nikaamua kuisoma kuanzia mwanzo hadi mwisho. Makala hiyo iliandikwa na mwandishi Mohammed Kuyunga akimchambua kocha wa Yanga, Profesa Dusan Kondic, chini ya kichwa cha habari; Kondic kocha, wakala au muua vipaji?
Kuyunga ameanza kwa kusimulia historia zake binafsi alipokuwa anasafiri kwenda Kigamboni ambako alikutana na Makamu wa Pili wa Rais wa Shirikisho la Soka Tanzania (TFF), Ramadhani Nassib.
Kuyumba amesimulia kwamba Nassib alimwaga sifa nyingi kwa Kondic, akiwa na imani kwamba ataifikisha mbali klabu hiyo.
Baada ya kuelezea kwa muhtasari wasifu wa Kondic kulingana na ufahamu wake, Kuyunga sasa akaanza kumchambua kocha huyo bora wa Ligi Kuu ya soka ya Vodacom Tanzania Bara. Kwa faida ya wasomaji wetu, ningependa kuweka sawia baadhi ya mambo aliyoyaandika mwandishi huyo.

Ugomvi na Maximo:
“Ikumbukwe kuwa Kondic ameachiwa uhuru wa kusajili wachezaji katika Yanga na ana uwezo wa kumleta mchezaji yeyote katika timu hiyo, kwa hiyo mbali ya kutofautiana na Maximo kuhusu muda unaotumiwa na wachezaji wake kuwa Stars, Kondic pia aliwahi kulalamika Maximo anachukua wachezaji wengi kutoka Yanga.
Lakini labda kocha huyu alikuwa amesahau, kuwa ni yeye aliyesajili wachezaji wengi baada ya kuwaona wakiwa na timu ya taifa, akina Jerson Tegete, Geoffrey Boniphace, Vincent Barnabas na Kiggi Makasy. Wote hawa amewatoa Stars,”.
Naam, hicho ndio kipengele cha kwanza Kuyunga.
Awali ya yote Kuyunga, anapaswa kufahamu kwamba, kocha yeyote mtaalamu, hatapenda kuingiliwa katika kuunda timu yake, lazima atasajili mwenyewe kwa matakwa yake. Hivyo uhuru aliopewa Kondic ni sahihi.
Kuyunga amemsingizia Kondic kwamba aliwahi kugombana na Maximo, siyo kweli, kocha wa Yanga aliyewahi kugombana na kocha huyo wa timu ya taifa ya Tanzania, Taifa Stars ni Milutin Sredojevic ‘Micho’ wakigombea wachezaji.
Micho aligombana na Maximo mbele ya Sunday Kayuni, Mserbia huyo akiwataka wachezaji wa Yanga waliopo Stars aende nao kambini Afrika Kusini na kocha wa timu ya taifa akisitiza wabaki kambini kujiandaa na wenzao.
Ukweli ni kwamba Kondic aliwahi kulalamikia mfumo wa Maximo kuwahodhi wachezaji wa klabu kwa muda mrefu, akimtaka afuate kanuni za Shirikisho la Soka la Kimataifa (FIFA), ambazo zinaelekeza kuwa mchezaji anapaswa kujiunga na timu ya taifa saa 48 kabla ya mchezo, ambao wa kirafiki unatambuliwa na FIFA.
Mechi za kuwania kufuzu mchezaji anatakiwa aruhusiwe siku nne kabla, ikiwemo siku ya mchezo wenyewe na inaweza ikawa siku tano, iwapo mchezaji atalazimika kusafiri kutoka bara moja hadi lingine.
Aidha, kuelekea fainali za michuano mikubwa kama CAN, Kombe la Dunia, Mabara klabu inapaswa kumuachia mchezaji anagalau wiki mbili kabla ya kuanza kwa michuano.
Lakini Maximo amekuwa akikatisha programu za klabu za kuwachukua wachezaji kwa programu za timu ya taifa wakati mwingine mwezi mzima.
Kwa sababu ninafahamu sababu za Maximo kufanya hivyo, kubwa ni kwamba klabu nyingi nchini hazina walimu wenye utaalamu wa kutosha kuwapika wachezaji, siwezi kuwa mpinzani katika hili, lakini pia haiondoi ukweli kwamba anakiuka utaratibu.
Kwa hivyo ninamuambia Kuyunga, Kondic alikuwa sahihi kulalamika juu ya hilo, kwa sababu naye ana majukumu ambayo anahitaji kuyafanya kwa ufanisi.
Kuhusu kusajili wachezaji kutoka timu ya taifa, Kuyunga anapaswa kufahamu kocha yeyote bora nchini atahitaji wachezaji bora ambao wengi wao tayari wamekwishapata nafasi kwenye timu zao za taifa.
Arsene Wenger alivutiwa na Kolo Toure alipomuona kwenye fainali za Kombe la Mataifa ya Afrika mwaka 2002 zilizofanyika Mali, wakati huo anachezea ASEC Abidjan ya nyumbani kwao Ivory Coast.
Ingawa alimsajili kutoka timu ya taifa, lakini leo kocha yeyote wa Ivory Coast anapomuhitaji mchezaji huyo kutoka Arsenal, lazima afuate utaratibu uliowekwa na FIFA, vinginevyo ataingia tu kwenye malumbano na Mfaransa huyo. Hivyo ninambuambia bwana Kuyunga, Kondic yuko sahihi kuchukua wachezaji kutoka timu ya taifa.
USAJILI WA NJE:
Kuyunga anasema kwamba baada ya TFF kupitisha kanuni ya klabu kusajili wachezaji 10 wa kigeni kwa ajili ya Ligi Kuu, Kondic alitumia vyema fursa hiyo kwa kusajili wachezaji kama Maurice Sunguti, Boniphace Ambani, Ben Mwalala, George Owino na Mike Barasa, lakini akashindwa kuwapata Joseph Shikokoti na John Njoroge.
Kuyunga anauliza: “Sijui nani aliyemuambia Kondic kuwa Tanzania kuna tatizo la fullback (mabeki wa pembeni) hadi kuwataka Shikokoti na Njoroge.
“Hivi hawa jamaa hawaji kuchukua nafasi ya Watanzania wengine kweli katika Yanga? Je, Kondic hayupo pale kwa ajili ya kuua kipaji cha Mtanzania mwenzangu, mdogo wangu Amir Maftah na kummaliza kabisa Shadrack Nsajigwa kweli?”.
Hakika katika kipengele hiki Kuyunga amechekesha mno, kwanza Sunguti ni mchezaji ambaye kocha huyo alimkuta kikosini na kumaliza msimu kabla ya kuanza msimu mpya. Kuhusu Shikokoti, Yanga walichelewa kuwasilisha usajili wa wachezaji hao TFF na huo ulikuwa uzembe wa kiongozi mmoja, aliyeamua kuweka hati za usajili wa wachezaji kwenye kabati la ofisini kwake badala ya kuzipeleka panapohusika.
Lakini hao ni wachezaji wa Yanga tangu Desemba mwaka jana, ambao waliachwa wacheze Tusker kwa mkopo.
Kuhusu mabeki wa pembeni, Kuyunga anaonekana ni mtu ambaye yuko mbali kabisa na soka ya nchi hii, tangu kuondoka kwa Alphonce Modest, Tanzania haijapata tena beki halisi wa kushoto, zaidi makocha wamekuwa wakitoa wachezaji kwenye nafasi nyingine na kuwalazimisha kucheza sehemu hiyo.
Amir Maftah ni kiungo aliyeanza kurudishwa kwenye nafasi hiyo na Maximo, wakati Mecky Mexime anaeleka kutundika daluga zake. Alipopatikana Juma Jabu, Amir akawa hachezeshwi tena nafasi hiyo Stars.
Kabla ya hapo, alikuwapo Kassim Issa ‘Bedwi’, wakati wa kocha Mjerumani Burkhad Pape, naye alirudishwa kutoka kiungo hadi beki wa kushoto. Tena aliyeanza kumpanga nafasi hiyo, alikuwa kocha maarufu zamani, Mansour Magram (sasa marehemu), wakati huo akiinoa timu ya taifa ya vijana chini ya umri wa miaka 20.
Tanzania kuna tatizo la mabeki wa pembeni, tena hadi kulia pia, ndio maana hata Freddy Mbuna alitolewa kwenye ushambuliaji hadi beki katika klabu hiyo hiyo ya Yanga, Nassor Masoud ‘Cholo’ na Said Sued, wote hawa walitolewa kwenye nafasi zao za kiungo na kufanywa mabeki Simba.
Hata huyo Nsajigwa Shadrack, nafasi yake halisi uwanjani ilikuwa ni kiungo na mwaka 2004, aliwahi kuitwa timu ya taifa kama kiungo chini ya Salum Madadi. Hivyo Kuyunga anapaswa kufahamu, nchi ina tatizo la mabeki wa pembeni na Kondic yuko sahihi kuleta mabeki kutoka nje. Ramadhan Wasso, Simba ilimsajili kutoka Burundi, kama ilijua hapa kuna mabeki wa kumwaga, kwa nini ilikubali kuingia gharama za ziada?
Katika kipengele kingine, Kuyunga anamshutumu Kondic kuwa ameua kipaji cha Mwaikimba kwa kutompa nafasi kabisa kwenye kikosi chake.
Kuyunga anapaswa kufahamu kwamba, Mwaikimba ni mchezaji ambaye amejimaliza mwenyewe kuanzia timu ya taifa chini ya Maximo na Yanga yenyewe chini ya Micho.
Kondic ndiye aliyemkingia kifua mchezaji huyo abaki kwenye kikosi cha msimu uliopita baada ya viongozi kutaka kumtupia virago, lakini naye pia ilifika wakati yakamshinda.
Kwa kumkumbusha Kuyunga, wakati wa michuano ya Kombe la Kagame, Kondic alithubutu kutomsajili Ben Mwalala na kumpa nafasi Mwaikimba, uamuzi ambao baadaye aliujutia kwani mchezaji huyo aliishia kuchekesha tu.
Kuyunga anaendelea kusema wachezaji kama Hamisi Yussuf na Vincent Barnabas waliokuwa wakitisha sana waqlipokuwa Kagera Sugar, wote hawa Kondic ameua vipaji vyao.
Kwanza namsahihisha, Hamisi Yussuf hajawahi kucheza Kagera Sugar, alitokea Rwanda kujiunga na Yanga mwaka 2006. Nianze na Hamisi, huyu ni mchezaji ambaye kutokana na kushuka kiwango chake, alianza kutemwa kwanza na Maximo timu ya taifa.
Yanga nako, ameshindwa kuwapiku mabeki wengine akina Nadir Haroub ‘Cananvaro’, Wisdom Ndhlovu na George Owino kwa ubora, hivyo kujikuta akiwa mchezaji wa benchi. Hata alipopewa nafasi kwenye mechi mbili tatu, alionekana kabisa kucheza chini ya kiwango.
Kocha haangalii sura ya mtu, anaangalia soka, ndio maana leo Cannavaro aliyekuwa akiwekwa benchi na Hamisi mwanzoni kuanzia timu ya taifa hadi Yanga, ndiye chaguo la kwanza kote huko.
Barnabas aliingia Yanga na mguu mbaya, kwanza alianza kuandamwa na majeraha lakini mwishoni mwa msimu uliopita alipona na kuanza kuonyesha cheche zake. Alicheza vizuri na kung’ara kwenye mechi dhidi ya watani wa jadi, Simba.
Kuyunga anaendelea kusema Credo Mwaipopo aliamua kuondoka Yanga baada ya kuona wageni tu ndio wanapewa nafasi. Credo ambaye ni kiungo, aliondoka Yanga baada ya kuona hawezi kugombea namba na Athumani Iddi ‘Chuji’, Castory Mumbara, Shamte Ally, Abdi Kassim ‘Babbi’, Mrisho Ngassa, Geoffrey Bonny na Kiggi Makasy, wote hawa viungo wenzake wazawa.
Kwa ufupi, Credo alisoma ishara za nyakati na kuamua kutafuta ustaarabu mwingine.Kwa bahati nzuri au mbaya, msimu uliopita Yanga haikuwa na kiungo mgeni. Sasa hao wageni aliowakimbia Credo ni akina nani?

KONDIC ANAKUZA VIPAJI:
Inawezekana hili Kuyunga hajaliona, lakini ukweli ni kwamba Kondic amesaidia vipaji vya wachezaji wengi wa Yanga kupanda kwa mfano Nurdin Bakari aliyekuwa ametemwa na klabu yake Simba, amempandisha hadi amerejeshwa timu ya taifa.
Razack Khalfan mchezaji wa kikosi cha pili, aliyepandishwa kikosi cha kwanza, naye ameitwa timu ya taifa na Maximo kutoka benchi la wachezaji wa akiba wa Yanga.
Ambani na Ben Mwalala, wote walikutana na Kondic wakiwa wamefungiwa vioo kikosi cha timu ya taifa ya Kenya, Harambee Stars, lakini sasa wamekuwa wakiitwa baada ya soka ya kupanda.
Kuyunga anasema Kondic anamuweka benchi Jerry Tegete wakati ndiye mshambuliaji tegemeo wa timu ya taifa, si kweli anachofanya Kondic hataki kumchosha mchezaji huyo kwa kumpanga acheze dakika 90 za kila mechi ya Yanga kutokana na umri wake mdogo, anamkomaza taratibu.
Kuyunga anasema Kondic ni wakala kwa sababu anawatafutia wachezaji wa Yanga nafasi za kucheza nje, hiki nacho ni kichekesho.
Kondic anachotaka ni kuinufaisha Yanga, unapofikia msimu wa usajili hakuna haja ya klabu kufungua akaunti, bali zitumike fedha ambazo zimepatikana kutokana na kuuza wachezaji na huo mfumo wa kisasa wa uendeshwaji soka duniani kote.
Leo Ferguson anamuuza Ronaldo, wakati anapiga hesabu za kumnunua Torres. Kama Kondic alitaka kumuuza Laurent Kabanda Ulaya akagoma, basi hiyo ni hasara yake (Kabanda) kwa sababu leo kila mchezaji wa Afrika anaota kucheza Ulaya.
Kuyunga anasema Kondic anaomba mkataba Yanga kabla huu wa sasa haujamalizika, kwanza habari hizo si za kweli, Yanga na Kondic wamekwishamaliza na ndio maana klabu hiyo imemkabidhi kocha huyo jukumu la kusajili kikosi mcha msimu ujao.
Kuna habari nyingine zinaibuka kwenye magazeti ni za uzushi mtupu, kama hizi za Kondic kudai mkataba mpya. Kondic ameondoka nchini ameenda Afrika Kusini kushuhudia michuano ya Kombe la Mabara, Juni 22, mwaka huu atakuwa hapa kuendelea na progamu zake.
Mara nyingi nimekuwa nikizungumza na Profesa Kondic, ni kocha mwenye mipango mingi mizuri inayohusu mfumo mzima wa klabu, ambayo baadaye itainufaisha mno Yanga.
Hivyo kwa ujumla makala ya Kuyunga haikumtendea haki kocha huyo, ambaye mara nyingi amekuwa akilalamikia baadhi ya waandishi wa habari nchini, kumnukuu wakati hakuzungumza nao na au kwenda kuandika tofauti na alivyozungumza nao.
Napenda kumkumbusha Kuyunga juu ya funguo za kuwa mwandishi bora kuwa ni;
Pata uthibitisho wa uhakika kadiri utakavyoweza kupata (kuhusu habari unayotaka kuandika).
Wahabarishe wasomaji wako vyanzo vya habari ulipopata habari yako.
Kuwa mkweli kwa jambo ambalo hufahamu kuhusu habari hiyo.
Usijaribu kuandika kwa kuongeza chumvi kwenye habari yako, la msingi na kuweka wazi. Daima hakikisha unaandika ukweli.
Naamini, akifuata mwongozo huu, atakuwa mwandishi bora na ataisaidia jamii kupitia taaluma yake, kwani kwa makala yake ya kwenye gazeti la BINGWA jana, dhahiri ameipotosha jamii kwa kumshushia tuhuma zisizo za ukweli Kondic na kueleza mambo bila ya kuwa na uhakika.

TBL: HATUNA MPANGO WA KUJITOA SIMBA SC

2009-06-15T04:16:00.000-07:00

Meneja wa Kilimanjaro Beer, Oscar Shelukindo

KAMPUNI ya Bia Tanzania (TBL), imesema kwamba haina mpango wa kuacha kuidhamini Simba ya Dar es Salaam, eti kwa sababu ya malumbano yanayoendelea kwenye klabu hiyo, kwani walipoamua kujitosa kwenye klabu hiyo, walikwishajua kila kitu.
Akizungumza na bongostaz ofisini kwake jana, Meneja wa Bia ya Kilimanjaro, Oscar Shelukindo alisema kwamba malumbano yanayoendelea kwenye klabu hiyo hayaisumbui kwa chochote TBL na wala hawawezi kuyaingilia.
“Sisi tuna mkataba na Simba, tunachotazama je, masharti yaliyomo kwenye mkataba wetu yanatekelezwa, mambo mengine tunawaachia wao, hatuwezi kuyaingilia, wakati mwingine malumbano ni demokrasia,”alisema Shelukindo.
Bosi huyo wa TBL, inayoidhamini Simba kupitia bia ya Kilimanjaro, alisema kwamba wakati wanafikiria kuidhamini klabu hiyo, walijua fika kuna wakati itatokea migogoro jambo ambalo linatokana na mifumo ya uendeshwaji wa klabu zenyewe.
Alisema kwa sababu hiyo, wao watabakia kufanya shughuli zao kwa kushirikiana na watu wenye dhamana ya klabu hiyo, akimaanisha viongozi waliochaguliwa kihalali kwa mujibu wa katiba ya klabu hiyo.
Hata hivyo, Shelukindo alisistiza kwamba suala la kuajiri Katibu Mtendaji na Mkurugenzi wa Fedha ni muhimu na juu ya hilo watahakikisha wanakula sahani moja na viongozi wa Simba hadi walikamilishe.
“Hilo suala la hao watendaji wa kuajiriwa ni muhimu, kwa kushirikiana na TFF (Shirikisho la Soka Tanzania) tutahakikisha siyo Simba, hata wapinzani wao wa jadi, Yanga ambao pia tunawadhamini kupitia bia hii (Kilimanjaro Premium Lager), nao wanalitekeleza,”alisema Oscar.
Tangu kumpoteza mdhamini wake aliyewatoa gizani mwaka 1999 kampuni ya, Mohamed Enterprises Limited (MeTL), klabu kongwe ya soka nchini, Simba imekuwa ikisota kupata wadhamini wengine kabla ya Agosti 18, mwaka 2008 TBL kupitia bia yake ya Kilimanjaro kujitokeza kuokoa jahazi.
TBL iliingia mkataba na Simba wenye thamani ya Sh. Bilioni 3, utakaodumu kwa miaka mitatu, ikiwa kila mwaka Kilimanjaro itakuwa ikitoa Sh. Bilioni 1, kwa klabu hiyo kwa ajili ya shughuli za uendeshaji wa timu.
Mapema tu wakati wa hafla ya uzinduzi wa mkataba huo, iliyofanyika Agosti 18, mwaka 2008 kwenye hoteli ya Movenpick, mjini Dar es Salasam, Kilimanjaro Premium Lager ilitoa hundi ya sh. 25,000,000 kwa klabu hiyo, ikiwa ni mwanzo wa utekelezaji wake.
Kilimanjaro Premium Lager, pia imetoa udhamini kama huo kwa klabu ya Yanga. Katika mkataba huo, ambao Simba imepewa mabasi mawili Hiece na Coaster, pia inavuna sh. Milioni 16, kila mwezi kwa ajili ya mishahara ya wachezaji, hiyo ikiwa ni mbali na kupatiwa basi dogo la kusafiria wachezaji.
Msimu huu pia Simba, kutokana na kushika nafasi ya pili kwenye msimamo wa Ligi Kuu ya Vodacom Tanzania Bara, imevuna Sh. Milioni 15 kulingana na mkataba huo, wakati watani wao wa jadi, Yanga waliokuwa mabingwa wamepata Sh. Milioni 25.

MISS DAR MZIZIMA NI GLORY WILLIAM

2009-06-15T04:07:00.000-07:00

Glory akipewa zawadi na mgeni rasmi, Profesa Dusan Kondic kocha wa Yanga
Washindi wa Miss Dar Mzizima 2009 pichani

GLORY William (20), Juni 6, mwaka huu alifanikiwa kutwaa taji la Miss Dar Mzizima 2009 baada ya kuwabwaga wenzake 12 katika shindano lililofanyika katika Ukumbi wa Afri Centre uliopo Ilala, Dar es Salaam. Kwa ushindi huo, Glory alizawadiwa Dola za Marekani 400, wakati Irene Karugaba aliyeshika nafasi ya pili, alipata Dola za Marekani 300, huku nafasi ya tatu ikichukuliwa na Pendo Lema aliyejinyakulia Dola za Marekani 200. Nafasi ya nne ilikwenda kwa Hadija Muheche na ya tano Nyamizi Mihayo ambao kila mmoja alijinyakulia Dola za Marekani 100. Warembo wote hao wamekata tiketi ya kushiriki katika kinyang’anyiro cha kumsaka Miss Ilala kitakachofanyika Julai 18 katika Ukumbi wa Lamada, pia uliopo Ilala. Glory, aliyetumia lugha ya Kiingereza katika kujieleza, alijibu vizuri mno swali aliloulizwa, hali iliyoufanya umati uliokuwapo ukumbini hapo kumshangilia kwa nguvu mno. Shindano hilo ambalo mgeni rasmi alikuwa ni kocha wa mabingwa wa soka nchini, Yanga, Profesa Dusan Kondic, na kupambwa na burudani kutoka kwa bendi ya muziki wa dansi ya Diamond Musica International na wasanii wa Bongo Fleva, Pipi na Barnaba, lilifana mno.

KONDIC: BADO NIPO SAAANA YANGA

2009-05-30T03:02:00.001-07:00

KOCHA wa klabu ya Yanga ya Dar es Salaam, Profesa Dusan Savo Kondic amesema kwamba hafikirii kuiacha klabu hiyo kwa sasa, kwani ana mipango yake anayotaka kuikamilisha kwanza ili siku akiondoka akumbukwe daima.
Akizungumza na bongostaz jana mjini Dar es Salaam, Kondic alisema kwamba amepata ofa kutoka klabu za Afrika Kusini na Angola, zikimtaka akafundishe lakini hajazikubali na ameamua kuendelea na Yanga.
"Siku nitakapotaka kuondoka Yanga, nitasema, asanteni, inatosha, kwaherini. Mimi ni kocha mwenye taaluma,"alisema Kondic.
Mtalaamu huyo kutoka Serbia, alisema kwamba si kweli kuwa Mkataba wake umemalizika Yanga kama inavyoelezwa na vyombo vya habari nchini, bali utamalizika Desemba mwaka huu.
Alisema tayari amekubaliana na Yanga kuongeza mkataba baada ya huu wa sasa kumalizika na hawezi kuwa kigeugeu katika hilo. "Nimemua kuendelea kufanya kazi Yanga kwa sababu ninawaheshimu mashabiki, hii ni timu kubwa yenye mashabiki wengi zaidi.
Ninamuheshimu mfadhili (Yussuf Manji), amekuwa akitumia fedha nyingi kwa ajili ya timu, ananipa sapoti kubwa kufanikisha mambo yangu hapa, nawaheshimu viongozi na kila mtu katika Yanga,"alisema.
Kondic alisema kwa sasa anasubiri kukamilika kwa ukarabati mkubwa wa jengo la klabu hiyo, lililopo makutano ya mitaa ya Twiga na Jangwani mjini Dar es Salaam, ili aanze rasmi programu yake endelevu ndani ya klabu hiyo.
"Kwa kiasi kikubwa mambo yamekamilika, gym iko tayari sehemu ya kuchezea mpira inatengenezwa sasa, vyumba viko tayari, yaani kama mambo yataendelea hivi sidhani kama itachukua muda mrefu zaidi ya mwezi kabla haijakamilika kabisa,"alisema.
Alisema katika mikakati yake endelevu, atakuwa na timu za vijana kuanzia chini ya umri wa miaka 12, 17 na 22 ambao anaamini miaka ijayo watakuwa tegemeo la taifa.
"Sisi wote, mimi na wenzangu, Spaso (Sokolovoski) na (Civojnov) Serdan tunaendelea na kazi hapa.
Lengo letu kubwa lilikuwa kwanza ujenzi wa jengo pale na Uwanja ukamilike ndio tuanze kazi rasmi, sasa kama hilo limekamilika iweje tuondoke, bado hatujafanya kazi tuliyokusudia hapa,"alisema.
Kondic aliwasili mjini Dar es Salaam juzi usiku akitokea Afrika Kusini alikokwenda kushuhudia mechi kadhaa za michuano ya Kombe la FIFA la Mabara. Akiwa nchini humo ambako pia anaishi na familia yake, kuliibuka habari kwamba hatarejea nchini ameamua kuachana na Yanga.
Kondic alianza kuifundisha Yanga Desemba 2007 na kuiwezesha kutwaa ubingwa wa Ligi Kuu ya Vodacom Tanzania Bara mara mbili mfululizo. Msimu huu alipewa tuzo ya Kocha Bora wa Ligi Kuu ya Vodacom Tanzania Bara.
Kwa kushinda tuzo hiyo, Kondic ameweka rekodi ya kuwa kocha wa kwanza mgeni kutunukiwa tuzo hiyo, ambayo awali ilikuwa inachukuliwa kama tuzo maalum kwa ajili ya makocha wazalendo.

Boniphace Ambani kupima afya China

MSHAMBULIAJI wa Kimataifa wa Kenya, anaicheza klabu ya Yanga, Boniphace Ngairah Ambani ameitwa na klabu ya Hangzhou Greentwon ya Zhejiang China ili kuchukuliwa vipimo vya Kiafaya, mtihani ambao akifuzu atapatiwa mkataba na klabu hiyo, iliyomfanyia majaribio Machi mwaka huu.
Akizungumza jana kwa simu mjini Dar es Salaam, Ambani alisema kwamba amepokea mwaliko wa kuitwa China kwenye klabu iliyomfanyia majaribio, ili aende kufanyiwa uchunguzi wa afya yake kabla ya kusaini mkataba.
Ambani aliyewasili jana mjini Dar es Salaam, akitokea kwao Nairobi, alisema kwamba anafanya mpango wa kupata Visa, kutoka Ubalozi wa China ili aende haraka kufanyiwa uchunguzi wa afya yake.
Awali kulikuwa na habari kwamba, baada ya Greentwon kumpata Moses Sakyi wa Ghana, iliamua kuachana na Ambani, lakini sasa imemgeukia tena mfungaji huyo bora wa Ligi Kuu ya Vodacom Tanzania Bara.
Mapema juzi, kocha wa Yanga, Profesa Dusan Savo Kondic alisema kwamba ni kweli Ambani ameitwa tena China na kwamba mbali na mpachika mabao wake huyo hatari, pia wachezaji wengine George Owino na John Njoroge nao wanatakiwa kwenda kufanya majaribio Ujerumani.
"Owino na Njoroge wote kwanza walikuwa wanatakiwa Iran, lakini sisi tuliikataa hiyo ofa kwa sababu haitawasaidia wachezaji wetu, sasa tumeamua tuangalie hii ya Ujerumani,"alisema Kondic.
Ambani alijiunga na Yanga msimu huu akitokea India, alikokuwa akichezea na tangu amejiunga na klabu hiyo, ametokea kuwa mfungaji tegemeo wa klabu hiyo.

Kocha wa Nancy ya Ufaransa
amfuata Mrisho Ngassa Dar

KOCHA wa klabu ya AS Nancy inayoshiriki Ligi Kuu ya Ufaransa, Pablo Correa anatarajiwa kuwasili nchini wiki hii kwa ajili ya kufanya mpango wa kumchukua, winga wa klabu ya Yanga, Mrisho Khalfan Ngassa ili akaendeleze kipaji chake kwenye klabu hiyo.
Kocha huyo raia wa Uruguay, amevutiwa na kipaji cha Ngassa aliyewahi kufanyiwa majaribio na klabu ya West Ham United ya England Aprili mwaka huu na ameiarifu klabu ya Yanga anakuja kuonana ana kwa ana na winga huyo mwenye kasi uwanjani.
"Kocha wa Nancy anakuja wiki hii kuonana na Ngassa, anamtaka. Hii inakuwa ofa ya pili kwa Ngassa baada ya ile ya Urusi, huyu ni mchezaji mwenye kipaji, nina imani atafanikiwa,"alisema Kocha wa Yanga, Profesa Dusan Savo Kondic alipozungumza na bongostaz juzi jioni mjini Dar es Salaam.
Kondic alisema kwamba kipaji cha Ngassa kinawavutia makocha wengi Ulaya na wengi wameonyesha nia ya kumhitaji kijana huyo, hivyo hata kama atashindana na Correa wa Nancy, bado nyota huyo ana nafasi nyingine kadhaa za kwenda kujaribu bahati yake.
Kwa kipindi hiki ambacho Ligi imesimama na timu ya taifa ya Tanzania, Taifa Stars haipo kambini, Ngassa amekuwa akijifua mwenyewe kwenye Uwanja wa Saba Saba, Mtoni asubuhi na usiku ili kujiweka fiti.
"Ninafanya mazoezi kwenye Uwanja mmoja wa mchanga huku Saba Saba, lengo ni kujiweka fiti, ili wakati wowote nikiitwa kwa majaribio niwe fiti, nafanya asubuhi na usiku,"alisema Ngassa alipozungumza na DIMBA juzi jioni.
Ngassa ilikuwa aondoke nchini Ijumaa kwenda Urusi kwa ajili ya kufanya majaribio kwenye klabu moja ya huko, lakini kutokana na wakala wake Yussuf Bakhresa kushindwa kumpatia viza ya kuingia nchini humo, safari hiyo ilishindikana.
AS Nancy-Lorraine ni klabu iliyoanzishwa mwaka 1967 ikitokana na klabu ya FC Nancy, iliyokufa mwaka 1965 na ilifanikiwa kupanda Ligi Kuu ya Ufaransa, inayojulikana kama Ligue 1 msimu wa 2005-2006.
Hiyo ni timu ambayo hata nyota wa zamani wa Ufaransa, Michel Platini aliichezea kuanzia msimu wa 1973 hadi 1979.
Timu hiyo inayotumia Uwanja wa Stade Marcel Picot, msimu wa 2005-2006 ilitwaa Kombe la Ligi Ufaransa, (Coupe de la Ligue), hivyo kupata tiketi ya kucheza Kombe la UEFA.

MISS DAR MZIZIMA JUNI 6 AFRI CENTRE

2009-05-30T03:02:00.000-07:00

WASHIRIKI wa shindano la Miss Dar es Salaam wakiwa kwenye kikao na Kamati ya Miss Tanzania hivi karibuni, shindano hilo linatarajiwa kufanyika Juni 6, mwaka huu katika ukumbi wa Afri Centre.

Burudani itaongozwa na bendi ya Diamond Musica, wasanii wa Bongo Fleva Barnabas, Buibui na Pipi. Jamani msikose hili tukio, limebebwa vimwana bomba mpaka basi.

GLORY WILLIAM

2009-05-30T02:56:00.001-07:00

VUGUVUGU LA USAJILI LAJA NA MAPYA...

2009-05-30T02:56:00.000-07:00

VX la Boban lazua gumzo
.Mwenyewe asema: Sina mkataba na Simba

GARI aina ya Toyota Land Cruiser VX anayotanua nayo takriban kwa wiki nzima hivi sasa mchezaji Haruna Moshi ‘Boban’ imezua gumzo kwa watu wanaomfahamu, wakijiuliza kapewa na nani katika kipindi hiki cha wachezaji kuvuna mamilioni kwa ajili ya usajili?
Boban, kiungo mshambuliaji halali wa Simba anayewaniwa na klabu za Yanga, African Lyon na Azam FC, amekuwa akitanua na gari hilo lenye rangi ya damu ya mzee mitaa ya Sinza, Dar es Salaam.
“Amekuwa akija nalo mazoezini (ya timu ya mkoa Tabora) na kuondoka nalo, tukimuuliza anasema gari lake,”alisema rafiki mmoja wa karibu wa Boban.
Rafiki huyo aliyeomba jina lake lisitajwe gazetini, alisema kwamba Boban aliyekuwa akimiliki Balloon awali, tangu mwanzoni mwa mwaka huu amekuwa kwenye pilika za kutaka kununua gari hilo, ambalo thamani yake si chini ya Milioni 60.
Boban alipopigiwa simu kuulizwa juu ya gari hilo, alisema: “Jamani haya ni maisha yangu binafsi, mimi ninacheza mpira, mnadhani nacheza bure, napata hela kwa hiyo nikifanya mambo ya maendeleo ni vibaya?”alihoji.
Wiki iliyopita, Boban alikaririwa na gazeti hili akisema kwamba anaweza kusaini Yanga, iwapo tu atakutanishwa na mfadhili wa klabu hiyo Yussuf Manji na kuzungumza naye wakiwa wawili tu.
Lakini Mjumbe wa Kamati ya Usajili ya Simba, Mulamu Ng’hambi aliionya Yanga isiingie mtegoni kumsajili Boban, kwani ana mkataba wa miaka mitatu na Simba.
Kuhusu hilo, Boban alikanusha akisema kwamba hana mkataba na Simba: Mkataba wangu Simba umeisha,”alisema Boban.

Owino aikoga Yanga; Niacheni nirudi Simba
.Asema kama hawataki wamuuze Iran

BEKI wa kimataifa wa Kenya, George Owino amesema kwamba anataka kurejea klabu yake ya zamani, Simba ya Dar es salaam kwani haelewi kinachoendelea kati yake na klabu yake ya sasa, Yanga.
Akizungumza kwa simu kutoka Nairobi, Kenya, Owino alisema amesikia taarifa kwamba Yanga wanataka kumuacha, hiyo haimtishi lakini anawaasa wasithubutu kumchagulia timu.
“Wanataka kuniuza Serbia, niende kufanya nini huko, kama hawataki nichezee timu yao, waniache nirudi Simba, au kama hawataki nirudi Simba mimi kuna timu nimepata Iran, waniache niende huko,”alisema Owino.
Owino alisema kwamba hawezi kuingilia uamuzi wa Yanga kumuacha yeye, kwani hayo ni matakwa yao, lakini haifai klabu hiyo kumchagulia timu ya kuhamia msimu ujao.
“Wachukue wachezaji wanaowataka, waniache mimi, lakini wasinichagulie timu, kama nitatoka Yanga, napenda nirudi Simba au niende Iran, lakini siyo Serbia,”alisema Owino.
Owino alijiunga na Yanga msimu uliopita, akitokea Simba aliyoichezea kwa misimu miwili tangu ajiunge nayo kutoka Tusker ya Kenya. Lakini akiwa Yanga, licha ya kuanza vizuri na kuwavutia mashabiki wa timu hiyo, baadaye alijikuta anasota benchi kutokana tuhuma kadhaa.
Kubwa zaidi, Owino anatuhumiwa kucheza chini ya kiwango chake kwa makusudi ili kuihujumu Yanga na kwa sababu hiyo, klabu hiyo iliamua kumuuza timu nyingine.
Kocha Dusan Kondic wa Yanga, aliwahi kumuambia mwandishi wa Habari hizi kwamba, atamuuza Owino Serbia.

Amir Maftah: Mimi na Yanga, Yanga na mimi

AMIR Mohamed Maftah, kiungo awezaye kucheza kama beki pia, amesema hana mpango wa kuihama Yanga kwani bado ana mkataba nayo na hatababaika kwa ofa yoyote itakayotolewa na timu nyingine.
Akizungumza na DIMBA mjini Dar es Salaam juzi, Amir alisema kwamba amesikia fununu kwamba naye ana mpango wa kuiacha Yanga, lakini anasikitika kwamba si kweli.
“Siyo kweli, mimi ninabaki Yanga, bado nina mkataba na Yanga, naomba wapenzi na wanachama wa Yanga, wasiyumbishwe na habari za mimi kuondoka, nasistiza si za kweli,”alisema mpwa huyo wa mshambuliaji wa zamani wa kimataifa Tanzania, Juma Amir Maftah.
Maftah alisema ni kweli soka ni ajira yake kama ilivyo kwa wachezaji wengine wote, hivyo anaweza kuhamia timu nyingine yoyote wakati wowote akitakiwa, ila kwake angependa afanye hivyo kwa sababu ya msingi.
“Hii inaweza ikawa fundisho hata kwa wachezaji wenzangu pia, mtu lazima ujifikirie mara mbili kabla ya kuihama timu, siyo tu maslahi, kama unapata nafasi kwenye timu, makocha wanakupenda, klabu inakuthamini, mashabiki wanakuunga mkono na unalipwa vizuri kwa wakati, kwa nini uondoke?”alihoji Maftah.
Nyota huyo kipenzi cha Profesa Dusan Kondic, kocha wa Yanga alijiunga na Yanga mwaka 2007, akitokea Mtibwa Sugar yan Morogoro, ambayo nayo ilimsajili kutoka AFC ya Arusha.
Maftah ni mchezaji aliyepikwa katika chuo cha soka cha Rollingston na tangu akiwa hapo aliteuliwa kwenye kikosi cha timu ya taifa ya vijana chini ya umri wa miaka 17, mwaka 2004, Serengeti Boys.
Nyota huyo ambaye mjini Arusha, alikuwa akiitwa Maradona, akifananishwa na gwiji la zamani la soka duniani, Diego Armando Maradona wa Argentina, ni kati ya wachezaji waliowezesha Serengeti Boys kupata tiketi ya kucheza fainali za Afrika nchini Gambia mwaka 2005.
Hata hivyo, Serengeti ilipokwa tiketi hiyo na Shirikisho la Soka Afrika (CAF) kutokana na kudaiwa kumtumia mchezaji aliyezidi umri, Nurdin Bakari. Mwaka 2006, Amir alipandishwa timu ya wakubwa na kuwa miongoni mwa wachezaji tegemeo hadi Februari mwaka huu, alipotemwa baada ya kutofautiana na kocha Mbrazil, Marcio Maximo.
Maftah, akiwa na nyota wenzake Haruna Moshi ‘Boban’ na Athumani Iddi ‘Chuji’, walitibuana na Maximo, wakati Stars ilipokuwa kwenye Michuano ya Ubingwa wa Mataifa ya Afrika (CHAN) nchini Ivory Coast, Februari mwaka huu na tangu hapo Mbrazil huyo ameamua kuwapa ‘shiti’.

MICHUANO YA KILI TAIFA CUP…
Mumbara aiwekea mkwara Temeke

NAHODHA timu ya mkoa wa Mwanza, Mwanza Heroes katika michuano ya Kili Taifa Cup, Castory Mumbara amesema kwamba wana uhakika wa kuifunga Temeke katika Nusu Fainali ya Kombe hilo.
“Temeke ni timu ya kawaida, iliwafunga Kilimanjaro 7-2 siyo kwa sababu wao ni wakali sana wala nini, Kilimanjaro walijitakia wenyewe kufungwa, kwa sababu siku moja kabla ya mechi walifanya mazoezi magumu mno, nilijua lazima watafungwa,”alisema Mumbara, anayechezea klabu bingwa Tanzania, Yanga.
Mumbara mchezaji mrefu mwenye umbo la miraba minne, alisema kwamba wamekuja kwenye Kili Taifa Cup kwa ajili ya kuchukua ubingwa na si kushiriki tu, hivyo hawana hofu hata chembe dhidi ya Temeke.
Alipoulizwa kuhusu nani kwenye timu yao anaweza kumdhibiti kiungo mwenye kasi, Shamte Ally anayechezea pia Yanga, Mumbara alisema: “Utaona siku hiyo nani atamtuliza Shamte, sisi tupo sawasawa,”alisema.
Mwanza Heroes imeingia Nusu Fainali ya Kili taifa Cup, baada ya kuifunga Ruvuma ‘Wana Lizombe’ 2-0 wakati Temeke iliitandika Kilimanjaro 7-2, mechi zote zikichezwa Uwanja wa Uhuru, zamani Taifa mjini Dar es Salaam.

Kondic amzawadia Kayuni

“ANDIKA nawashukuru sana, andika Kondic anasema ahsanteni sana, anashukuru kwa kutambua ubora wake, hii ni heshima kubwa kwake, na anawatakia kila heri katika shughuli zenu,”.
Naam, hayo yalikuwa maneno ya kocha wa Yanga, Profesa Dusan Kondic alipozungumza na DIMBA juzi, kuhusu kuteuliwa kwake kuwa kocha bora wa msimu uliopita wa Ligi Kuu ya Vodacom Tanzania Bara.
Moja kwa moja salamu hizo, zinakwenda kwa Mkurugenzi wa Ufundi wa Shirikisho la Soka Tanzania (TFF), Sunday Kayuni ambaye Kamati yake ndiyo inahusika na michakato hiyo ya kitaalamu ndani ya shirikisho hilo.
Kamati ya Kayuni ilimteua Kondic raia wa Serbia anayeishi Afrika Kusini, kuwa kocha bora Tanzania mwaka 2008/2009 baada ya kuiwezesha Yanga kutwaa ubingwa wa Ligi Kuu ya Vodacom, ikiwa haijacheza mechi zake tano za mwisho.
Kondic ambaye wakati wa utoaji wa tuzo hizo alikuwa nyumbani kwake Afrika Kusini ambako mwanawe alikuwa anaumwa, alisema tuzo hiyo imemjengea heshima kubwa ndani na nje ya nchi, hivyo anaishukuru sana TFF.
“Hadi napanda ndege kwenda Afrika Kusini, sikuwa na matarajio kabisa kama nitapewa tuzo hii, nilijua tuzo hii ni kwa ajili ya makocha wa hapa hapa, lakini nilipopigiwa simu kuambiwa nimeshinda tuzo hii, nilijiona nami ni sawa na makocha wote wa hapa.
Nawapongeza TFF kwa hili, hii imenihamasisha kuendelea kufanya kazi Tanzania, hii ni heshima kubwa kwangu, sasa watu wote wanajua mimi ndiye kocha bora hapa.
Sikuwa peke yangu kocha wa kigeni, walikuwapo wengine kutoka Brazil, Bulgaria na Zambia, lakini leo mimi nasherehekea ubingwa na tuzo ya kocha bora wa Ligi Kuu, ni jambo zuri kwangu,”alisema Kondic.
Kondic alisema kwa sasa yupo kwenye mchakato wa kuunda kikosi bora cha msimu ujao ili Yanga iendelee kutawala soka ya Tanzania. “Nipo kwenye mchakato, leo (Jumatatu ya juzi) tena nitakuwa nikiwafanyia majaribio wachezaji wapya ninaotaka kuwasajili,”alisema Kondic.

ZAINAB MATAGI

2009-05-30T02:53:00.000-07:00

SABRINA DAMAS

2009-05-30T02:50:00.001-07:00

FADHILA MTAMILA

2009-05-30T02:46:00.001-07:00

HADIJA MUHECHA

2009-05-30T02:43:00.001-07:00

NYAMIZI LILLIAN MIHAYO

2009-05-30T02:39:00.001-07:00

FATUMA SAID

2009-05-30T02:32:00.001-07:00

HAFSA RASHEED

2009-05-30T02:29:00.001-07:00

MARIAM ADAM

2009-05-30T02:26:00.001-07:00

MARIAM HAMISI

2009-05-30T02:22:00.000-07:00

PENDO LEMA

2009-05-30T02:18:00.000-07:00

IRENE KARUGABA

2009-05-30T02:15:00.000-07:00

MSIKOSE AFRI CENTRE JUNI 6 JAMANI

2009-05-30T02:03:00.000-07:00

AMA kwa hakika Juni 6 mwaka huu patakuwa hapatoshi pale Afri Centre Ilala, kwani siku hiyo vimwana 12 watapanda kwenye stage kuwania taji la Miss Dar es Salaam (Mzizima) wakisindikizwa na burudani ya bendi ya Diamond Musica Intenational na wasanii wa Bongo Fleva Buibui Pipi na Barabas.

AKINA LUNDENGA NDANI YA MISS MZIZIMA LEO

2009-05-25T01:16:00.000-07:00

kamati ya Miss Tanzania leo inatetembelea kambi ya warembo wanaojiandaa kushiriki shindano la Miss Dar Mzizima lililopangwa kufanyika Juni 6, mwaka huu ukumbi wa Afri Centre, Ilala, Dar es Salaam.
Dina Ismail Zubeiry, Mratibu wa shindano hilo alisema Kamati itafika Deluxe Hotel, Sinza ilipo kambi ya warembo hao leo jioni kupiga nao stori.

MISS MZIZIMA 2009 MAMBO BAMBAM

2009-05-21T09:00:00.000-07:00

BENDI ya Vibration Sound chini ya kinara wa gitaa la solo nchini kwa sasa, Elystone Angai, inategemea kuupamba usiku wa kumsaka kimwana wa Mzizima utakaofanyika katika ukumbi wa Africenter, Ilala jijini Dar es Salaa Juni 6 mwaka huu.
Haya yamebainishwa jana na Mkurugenzi wa Royal Modern Entertainment, Dina Zubeiry wakati alipoongea na Bingwa jijini Dar es Salaam.
“Kila kitu kinaenda sawa na imeshathibishwa kwamba bendi hiyo itapanda jukwani siku hiyo kutumbuiza wapenzi wa burudani watakaokuja kushuhudia kusakwa kwa mrembo mpya wa Mzizima,” alisema Dina.
Mbali na Vibration Sound ambayo inatamba na albumu ya ‘Homework’, siku hiyo kutakuwa na burudani nyingine za kukata na shoka kutoka kwa wasanii mbalimbali.
Baadhi ya wasanii watakaoukuwapo siku hiyo ni Buibui, Barnabas na Pipi wote kutoka kikundi cha sanaa cha Nyumba ya Vipaja (THT).

MISS MZIZIMA KAMBI TAHAMIA SINZA

2009-05-05T11:41:00.001-07:00

WAREMBO wanaoshiriki shindano la Dar es Salaam (Mzizima) wamehamishia kambi yao ya mazoezi kwenye ukumbi wa hoteli ya Deluxe, Sinza mjini Dar es Salaam badala ya Break Point Outdoor katikatin ya jiji.
Mratibu wa shindano hilo, Dina Ismail alisema mjini Dar es Salaam jana kwamba, sababu za kuhamishia kambi hiyo kutoka katikati ya jiji zimezingatia tatizo la foleni kutoka na kwenda na katikati ya Jiji.
“Unajua Sinza kidogo ni eneo ambalo linafikika kwa urahisi, kwa hivyo tumeona tuwapunguzie mzigo warembo wetu kwa kuhamishia mazoezi hapa,”alisema.
Hata hivyo, Dina alisema kama kawaida, wiki ya mwisho warembo hao watahamishia kambi yao kwenye ukumbi wa Afri- Centre, Ilala ambako ndiko shindano hilo litafanyika, Juni 6, mwaka huu.
Dina alisema kwa ujumla maandalizi yanaendelea vizuri na wanatarajia shindano la Miss Dar es Salaam (Mzizima) mwaka huu litavunja rekodi ya mashindano ya vitongoji kama ilvyo kawaida yao.
Uzinduzi wa Miss Dar es Salaam (Mzizima) ulifanyika Jumatatu katika mgawa wa Hadees Fast Food, jijini na kuhudhuriwa na wawakiklishi wa wadhamini wakuu wa shindano hilo, Emillian Rwejuna wa Vodacom na Kabula Nshimo wa Redd’s Original.Wadhamini wengine wa shindano hilo ni New Habari Media Group, Free Media Limited, Clouds FM Radio, Break Point Limited, Vuvuzela Company Limited, Hartman Productions

NSAJIGWA: SINA CHANGU YANGA

2009-05-05T11:37:00.000-07:00

BEKI wa kimataifa wa klabu ya Yanga, Nsajigwa Shadrack, amesema kwamba mkataba wake na klabu hiyo umemalizika na ameomba asitafutiwe sababu, hasa kupakaziwa tuhuma za utovu wa nidhamu.
Akizungumza na bongostaz Jumapili alisema: “Sijui haya yanatoka wapi, mimi nimekuwa mfano bora wa wachezaji wenye nidhamu, mara nyingi nimekuwa nikiwaongoza wachezaji wenzangu, kwa mfano, wakitaka kugoma hivi nawaambia hapana, msifanye hivyo.
Lakini leo naambiwa mimi nitaachwa kwa sababu ya utovu wa nidhamu upi? Napenda kusema mimi si mtovu wa nidhamu hata kidogo, nawaheshimu viongozi wa Yanga na makocha wote na wala sijawahi kukwaruzana nao.
Ila kuna kiongozi mmoja tu, huyo tuliwahi kupishana kauli, tangu siku hiyo amekuwa kama ananipiga mizengwe, ila mimi nasema hii Yanga bwana, wamekwishapita wengi, Yanga imekwishaacha wachezaji wengi wazuri mno. Hata mimi najua siku moja nitaondoka, hapa tunapita na hata hawa viongozi nao wakati wao utafika, wataondoka, kwa hiyo mimi ninaomba tusichafuliane majina,” alisema Nsajigwa.
Kauli hiyo ya Nsajigwa inafuatia habari kwamba yeye na George Owino watauzwa klabu ya Red Star Belgrade ya Serbia, ambayo hivi sasa inadaiwa kuyumba kiuchumi kiasi cha kukimbiwa na baadhi ya wachezaji wake.
Klabu hiyo pekee ya Ulaya Mashariki kuwahi kuchukua ubingwa wa Ulaya mwaka 1991, hivi sasa ipo katika hali mbaya mno kiuchumi na wachezaji wake walikaririwa mwezi uliopita wakisema hawana fedha kwa ajili ya chakula wala kulipia nyumba wanazoishi.
Kiungo wake mahiri, Mirnes Sisic, raia wa Slovenia, aliwawakilisha wachezaji wenzake kwa kueleza kilio chao alipozungumza na Reuters.
Alisema alifukuzwa kwenye nyumba baada ya Red Star kushindwa kulipia pango, wakati wachezaji wengine wa Afrika Kusini walikamatwa uwanja wa ndege wakiwa wanataka kutoroka na kurejeshwa Belgrade.

MWALALA AWAPASHA AKINA MADEGA, KISASA

2009-05-05T11:35:00.001-07:00

MSHAMBULIAJI Ben Mwalala wa klabu ya Yanga ya Dar es Salaam, amesema kwamba anasikitika viongozi wa klabu hiyo hawapendi kuambiwa ukweli na ikitokea hivyo wanadai mchezaji ni mtovu wa nidhamu.
Akizungumza na bongostaz Jumapili, Mwalala alisema kwamba yeye alikuwa mchezaji wa kwanza kusema kama uongozi wa klabu hiyo unaweka nguvu nyingi kwenye maandalizi ya mechi za Simba na kupuuza michuano ya Afrika, ambayo ndiyo ina manufaa zaidi. “Sisi tulitolewa na timu mbovu kabisa ya Uarabuni mwaka jana, ile Akhdar ya Libya, ilikuwa ya kututoa ile? Yote kwa sababu uongozi wa Yanga huwa hauna kawaida ya kuiandaa timu vizuri kwa ajili ya mechi za kimataifa, na kama hawatabadilika, basi tutaendelea kufanya vibaya,” alisema Mwalala.
Mwalala alikerwa na kitendo cha Mwenyekiti wa Yanga kumkandia Mkenya mwenzake, Boniphace Ambani, kwa sababu tu aliuambia uongozi ukweli.
“Ambani alisema kweli, Yanga ilikuwa ina uwezo wa kuitoa Al Ahly kama maandalizi yangekuwa mazuri, lakini baadaye anaonekana mtovu wa nidhamu, hii si sawa. Lazima tuukubali ukweli ili tujifunze, sisi tulikuwa tunaweza kuitoa Ahly kama tungeandaliwa vizuri,” alisema.
Yanga ilitolewa na Al Ahly ya Misri kwa jumla ya mabao 4-0, baada ya kufungwa 3-0 Cairo, na baadaye 1-0 mjini Dar es Salaam, katika raundi ya kwanza Ligi ya Mabingwa Afrika. Awali, mwaka jana ilitolewa kwa jumla ya mabao 2-1 na Al Akhdar, baada ya kulazimisha sare na Tripoli 1-1 na kuja kufungwa nyumbani 1-0, ilihitaji sare ya 0-0 kusonga mbele.
Wachezaji wa Yanga wamejikuta wanaumia mno baada ya Ahly kutolewa na Kano Pillars ya Nigeria kwa faida ya bao moja la ugenini. Kano, iliyoanza kulazimishwa sare ya 1-1 nyumbani Nigeria, ilikwenda kulazimisha sare ya 2-2 Cairo na kuwavua ubingwa wa Afrika Al Ahly.
Sasa mabingwa hao mara sita Afrika watakwenda kujaribu kupoza machungu yao kwenye Kombe la Shirikisho kwa kucheza mechi ya mchujo, kuwania kucheza hatua ya makundi ya michuano hiyo.

MAXIMO AVUNJA FUNGATE YA NGASSA

2009-05-05T11:31:00.000-07:00

KOCHA wa timu ya soka ya taifa ya Tanzania, Taifa Stars, Marcio Maximo, alimtenganisha winga wa Yanga, Mrisho Ngassa na mkewe, Latifa Abdul, takriban saa 48 tu tangu afunge naye ndoa, wakiwa kwenye fungate kwa kumtaka aingie kambini kujiandaa na mechi ya kirafiki ya kimataifa dhidi ya Jamhuri ya Kidemokrasia ya Kongo (DRC).
Ngassa, aliyeoa Ijumaa mchana, alirejea kambini Taifa Stars siku ya Jumapili jioni na kumuachia upweke mkewe, Latifa.
“Imenibidi kwenda kambini, kocha ameniita, fungate inaishia hapa,” alisema Ngassa Jumapili, alipozungumza na bongostaz kwa simu kutoka sehemu aliyokuwa amejichimbia na ‘asali wake wa moyo’.
Stars ipo kwenye matayarisho ya mchezo wa kujipima nguvu dhidi ya Jamhuri ya Kidemokrasia ya Kongo (DRC), ambao ni mabingwa wa kwanza Michuano ya Ubingwa wa Mataifa ya Afrika (CHAN) iliyofanyika mwaka huu nchini Ivory Coast.
Mchezo huo, unatarajiwa kufanyika Jumamosi wiki hii kwenye Uwanja wa Taifa, Dar es Salaam. Ngassa alikuwa nchini Uingereza kufanya majaribio kwenye klabu ya West Ham United, ambako pamoja na kumridhisha kwa uwezo kocha wa timu hiyo, Gianfranco Zola, lakini amerudishwa nyumbani kuongeza mwili.
Winga huyo wa Yanga, pia anatakiwa na klabu nyingine kadhaa za Ulaya, ikiwemo Charlton Athletic ya Uingereza pia, Marseille ya Ufaransa na Lov Ham ya Norway.

KONDIC: SITAKI WACHEZAJI WA SIMBA TENA

2009-05-05T11:25:00.000-07:00

KOCHA wa klabu ya Yanga ya Dar es Salaam, Profesa Dusan Kondic, amesema kwamba hatasajili tena mchezaji kutoka kwa mahasimu wao wa jadi, Simba, kwani amejifunza mengi baada ya msimu uliopita kufanya hivyo.
Msimu uliopita, Kondic alisajili wachezaji watatu wa Simba, ambao ni kipa Juma Kaseja na viungo wenye uwezo wa kucheza kama mabeki pia, Nurdin Bakari na George Owino, raia wa Kenya.
Aidha, kauli hiyo inakuja siku moja tu baada ya mshambuliaji wa Simba, Mussa Hassan Mgosi, kukaririwa akisema kwamba yupo tayari kusaini Yanga kwa dau la Sh Milioni 50.
“Sitasajili tena mchezaji wa Simba, nataka hiyo ijulikane, nitasajili wachezaji wangu mwenyewe, ambao tayari nimeshawaona na wengine nimeshaanza kuwafanyia majaribio, nataka kuleta kitu tofauti msimu ujao,” alisema Kondic katika mahojiano na bongostaz jana mjini Dar es Salaam.
Alipoulizwa kwa nini ameamua kutosajili tena mchezaji wa Simba, Kondic alisema: “Nimekuwa na wachezaji kutoka Simba msimu huu, nimejifunza mengi, kama mazuri nimeona na mabaya nimeona,” alijibu.
Mserbia huyo alisema jana alianza kuwafanyia majaribio wachezaji watatu kutoka Cameroon, ambao kati yao kuna kipa mmoja na washambuliaji wawili.
“Sisajili kwa sababu huyu ametoka Cameroon au ametoka wapi, hapana, nataka kuangalia uwezo mtu kwanza uwanjani, kwa wale ambao nimewaona kwenye mashindano moja kwa moja na kupenda uchezaji wao, hao hakuna haja ya kuwajaribu,” alisema.
Kondic, anayetimiza miaka miwili Yanga Novemba mwaka huu, akiwa ameipa ubingwa wa Tanzania mara zote mbili, alisema kwamba anatoa kipaumbele kwa wachezaji chipukizi zaidi kwenye kikosi chake cha msimu ujao, kwani anataka kujenga timu ya kudumu.
“Nataka kuwa na wachezaji ambao watanifanya nitulie nao kwa miaka hata mitano, kama itakuwa hivyo, wachezaji wenye umri mkubwa ukiwa nao wawili au watatu si mbaya, lakini wakiwa wengi ni mbaya,” alisema.
Kondic alisema kwa sasa anajivunia wachezaji watatu chipukizi aliowapandisha kutoka timu ya vijana, ambao ni Razack Khalfan, Nurdin Msiga na Iddi Mbaga, ambao siku hadi siku wamekuwa wakiongezeka ubora.
Alisema kuna wachezaji pia wengine watatu kutoka kikosi cha vijana cha Yanga waliomvutia, anaanza kufanya nao mazoezi kuwaandaa kwa ajili ya msimu ujao, wakati tayari alisema amekwishaona wa kuongeza kutoka nje ya nchi ili kuimarisha timu.
Ingawa hakuwa tayari kutaja atakaowaongeza akidai ni mapema sana, lakini uchunguzi wa bongostaz umegundua nyota hao ni pamoja na mfungaji bora wa Michuano ya Ubingwa wa Mataifa ya Afrika (CHAN), Given Sunguluma wa ZANACO, kiungo aliyeng’ara na Zambia kwenye michuano hiyo, Dennis Banda na kipa namba moja wa Zambia, Kaumbwa Davy.
Aidha, tayari kuna habari kwamba wachezaji 10 wataachwa kwenye timu hiyo kwa sababu mbalimbali, kama viwango kushuka, nidhamu na umri mkubwa.
Kati ya hao, wengine wataachwa kwa staili ya kuuzwa kwenye klabu nyingine, ili Yanga ifidie gharama zake za kuwasajili.
Wanaotajwa kutemwa ni beki Abubakar Mtiro na washambuliaji Gaudence Mwaikimba na Maurice Sunguti, wakati wengine saba wataachwa kwa staili ya kuuzwa, ambao ni mabeki Nsajigwa Shadrack, Hamisi Yussuf na viungo George Owino na Vincent Barnabas.

WAKENYA WOOTE YANGA WAITWA HARAMBEE

2009-05-02T01:35:00.000-07:00

MSHAMBULIAJI wa kutumainiwa wa mabingwa wa soka nchini, Yanga, Mike Barasa, ameitwa tena kujiunga na timu ya taifa ya Kenya, Harambee Stars, yenye wachezaji 23, itakayoanza mazoezi keshokutwa kwenye Uwanja wa Kimataifa wa Moi, Kasarani jijini Nairobi.
Katika kikosi hicho kilichotangazwa Alhamisi iliyopita, chini ya kocha raia wa Ujerumani, Antoine Hey, Barasa atakuwa pamoja na mchezaji mkongwe, Ibrahim Shikanda wa Azam FC pia ya jijini Dar es Salaam.
Mshambuliaji huyo wa kimataifa wa Kenya, alikuwa mmoja kati ya chachu ya ushindi wa kikosi cha Yanga kilichotetea ubingwa wa bara hata kabla ya kumalizika kwa Ligi Kuu msimu uliokwisha majuzi.
Alinga’ra katika mchezo dhidi ya Simba kwa kuipangua ngome ya ilinzi ya Simba na kutoa pasi maridadi, iliyotumiwa vema na Jerry Tegete kusawazisha bao, wakati mwamuzi akivuta pumzi kumaliza mchezo na kufanya ubao wa matokeo usomeke 2-2 mwishoni mwa mechi hiyo, iliyopigwa kwenye Uwanja wa Taifa jijini Dar es Salaam.
Mwanzoni Hey alimwacha Barasa katika kikosi chake kilichofungwa 2-1 na Tunisia katika mechi yake ya kwanza ya kusaka tiketi ya kushiriki fainali za Kombe la Dunia za mwakani, lakini juhudi zake katika timu ya Yanga zimezaa matunda na sasa amerejeshwa kikosini.
Harambee Stars inatarajiwa kuanza mazoezi ya kujiandaa na mechi ngumu dhidi ya Nigeria; mchezo utakaofanyika Juni 6, huko Abuja.
Wachezaji wengine wa Yanga walioingia tena katika timu hiyo ni mfungaji bora wa ligi ya bara, Boniface Ambani, Ben Mwalala na George Owino, ikiwa ni pamoja na Joseph Shikokoti na John Njoroge, ambao kwa sasa wako kwa mkopo wakichezea mabingwa wa Kombe la Kagame, Tusker FC.
Wachezaji wa Azam FC raia wa Kenya walioitwa kujiunga na Harambee, mbali na Shikanda ni Osborne Monday na Francis Ouma, anayetajwa kuwa na mpango wa kujiunga na timu ya Serie B ya Italia, Parma.
Hey, ambaye amepania kuifanyia makubwa Kenya, amemwita kikosini kwake mchezaji wa Mathare United, Edgar ‘Fighter’ Ochieng, aliyekuwa nahodha wa kikosi hicho wakati wa michuano ya Chalenji, Uganda mwanzoni mwa mwaka huu, na kiungo mzoefu, Titus Mulama.
Kocha huyo, anayehaha kupata ushindi wake wa kwanza akiwa na Harambee Stars, alisema kikosi chake kitaondoka Nairobi Mei 18 kwenda Ujerumani, ambako kitafanya mazoezi kwa wiki mbili kikicheza mechi kadhaa za kirafiki na baadaye kuelekea moja kwa moja jijini Lagos.

(Pichani ni Barasa akichuana na Hussain Yasser wa Al Ahly mjini Cairo)

KASEJA: MSINIPELEKE SIMBA JAMANIA, NIPO YANGA

2009-04-24T03:01:00.001-07:00

KIPA mahiri nchini, Juma Kaseja amesema taarifa mbalimbali kuhusiana na usajili wa wachezaji wa Ligi Kuu Tanzania Bara unamweka katika wakati mgumu ndani ya klabu hiyo na kumfanya asiwe na amani. Akizungumza Dar es Salaam jana, Kaseja amesema yeye bado mchezaji halali wa Yanga, lakini wapo baadhi ya watu wamekuwa wakimhusisha na masuala yasiyo na msingi. "Kwa wiki mbili sasa nimekuwa nikihusishwa na masuala ya kuondoka Yanga, mambo ambayo wala hayapo kwa sasa katika mawazo yangu, hata ligi haijamalizika. "Mimi sifanyi uamuzi kwa kufuata watu wanasema nini, sijatofautiana na Yanga, wala sina sababu ya kukurupuka kuondoka, maana mkataba wangu bado karibu mwezi mmoja na nusu," alisema Kaseja. Alisema hivi sasa haamini ndani ya Yanga kwa kuonekana anataka kuondoka na kurejea timu yake ya zamani ya Simba, jambo ambalo amesema halipo mawazoni mwake kwa sasa kwani yeye bado ana mkataba na Yanga. "Wakati nasaini Yanga hakuna aliyejua, mimi ni mtu mzima, nimeishi kwa amani Yanga, lakini siku za karibuni naharibiwa ama na baadhi ya wadau wa Simba au watu wachache ndani ya Yanga," alisema Kaseja. Kipa huyo alilalamika kuwa hata taarifa zinazotolewa na baadhi ya vyombo vya habari zikimhusisha na kutaka kuondoka Yanga, nazo zinamfanya aonekane si mwaminifu kwa mwajiri wake ambaye ni Yanga. "Mkataba wangu unamalizika Juni, tayari nimezungumza na viongozi wangu kwamba mkataba ukiisha au ukikaribia kabisa kuisha tutakaa na kuzungumza, lakini haya yanayoendelea yananifanye nisiwe na amani. "Wapo wasionitakia mema wanadiriki hata kusema nimezungumza na baadhi ya viongozi wa klabu nyingine, kwa kweli ni kutaka kunifukuzisha kwenye klabu yangu na kunigombanisha na viongozi ama wanachama," alisema kipa huyo mahiri nchini. Kipa huyo anahusishwa na kujiunga na Azam FC inayoshiriki Ligi Kuu Tanzania Bara, au kurejea klabu yake ya zamani ya Simba, ingawa jana alisisitiza mashabiki wamwache na wasimharibie maisha yake. Aliwalaumu baadhi ya viongozi wa mpira kwa kutaka kumtumia yeye kufanikisha mambo yao, ama kudai wanamsajili au wengine kutamka maneno ambayo anaamini yanaweza kuwachochea Yanga kumwona ni msumbufu na asiyekuwa na nidhamu. Kipa huyo alisajiliwa na Yanga Juni mwaka jana kwa Sh milioni 40, huku uhamisho wake pia kutoka Simba ukigharimu karibu Sh milioni 25 IMETOKA GAZETI LA HABARI LEO

TEGETE AIOKOA YANGA KUZAMA KWA SIMBA

2009-04-18T07:58:00.000-07:00

BAO lililofungwa na mshambuliaji wa timu ya Taifa na klabu ya Yanga, Jerry Tegete katika dakika za lala salama za mchezo ziliiwezesga timu ya Yanga kutoa sare ya mabao 2-2 na watani wao wa jadi Simba. Katika mchezo huo uliofanyika jana kwenye uwanja wa Taifa mjini Dar es Salaam Simba ndio walikuwa wa kwanza kupata bao katika kipindi cha kwanza lililofungwa kwa kichwa na mshambuliaji Ramadhan Chombo ‘Redondo’ katika dakika ya 23. Chombo alifunga bao hilo kwa kumalizia vema mpira wa juu wa adhabu uliopigwa pembeni mwa lango la Yanga na Henry Joseph na kumfikia na kuruka kichwa ambacho kipa Juma Kaseja wa Yanga alichupa hewani katika harakati za kuokoa lakini juhudi hizo zilishindikana na mpira kutumbikia wavuni. Yanga ambao walianza mchezo huo kwa kasi na kuanza na kupata kona ya kwanza mapema katika dakika ya kwanza ya mchezo iliyotokana na krosi ya Mike Baraza iliyoleta kizazaa kwenye lango la Simba na kumkuta Ben Mwalala lakini beki Juma Jabu aliwahi na kutoa mpira huo kona kabla ya Mwalala hajaleta madhara. Dakika ya nane Yanga tena walibisha hodi langoni mwa Simba pale Amir Maftah alipogongena vema na Godfrey Bonny ambye alitoa krosi ambayo Jabu aliikoa kabla ya kumfikia Boniface Ambani. Baada ya mashambulizi hayo Simba ilizinduka na katika dakika ya tisa mpira wa adhabu uliopigwa na Joseph uliokuwa ukielekea wavuni uliokolewa kiustadi na Kaseja na kuwa kona, adahabu hiyo ilitokana na beki Shadrack Nsajigwa kumchezea vibaya Ulimboka Mwakingwe. Simba iliendelea kulisakama lango la Yanga huku wakionana kwa kucheza pasi fupifupi za uhakika dakika ya 16 mlinzi Juma Said ‘Nyoso’ alipenyeza pasi safi ndani ya eneo la hatari la Yanga na kumkuta Mwakingwe ambaye alipiga shuti kali na Kaseja kulipangua na kumkuta Redondo aliyeshindwa kutumbukiza mpira huo wavuni akiwa kwenye nafasi nzuri kwani shuti lake lilipaa juu ya lango. Simba tena ilipoteza nafasi nyingine nzuri katika dakika ya 27 pale Boban alipomtoka Maftah na kupiga krosi ndani ya eneo la hatari lakini Mwakingwe akiwa kwenye nafasi nzuri ya kufunga anashindwa kuunganisha pasi hiyo ambayo inaokolewa na Wisdom Ndhlovu na kuwa kona ambayo iluokolewa na Kaseja. Dakika Yanga walimtoa Athumani Iddi ‘Chuji’ ambaye alikuwa nahodha kwenye mchezo huo alitolewa baada ya kuonekana kupwaya katika kipindi cha kwanza na nafasi yake ilichukuliwa na Nurdin Bakari Pamoja na timu zote kuonyesha soka nzuri mwamuzi Israel Nkongo pamoja na wasaidizi wake walishindwa kumudu mchezo huo na kusababisha kutoa maamuzi yalikuwa yakipingwa ama na wachezaji au mashabiki waliofurika kiwanjani kushuhudia pambano hilo. Hadi kufikia kipindi cha mapumziko Simba walikuwa mbele kwa bao 1-0 Kipindi cha pili Yanga ilikianza kwa kasi na dakika tatu tu mara baada ya kuanza mchezo huo mshambuliaji wa timu hiyo Mwalala ambaye katika mchezo wa raundi ya kwanza ndie alifunga bao pekee la ushindi la timu hiyo alipachika bao la kusawazisha kirahisi baada ya mpira was krosi uliokolewa na kipa Mustafa Ali wa Simba kumfikia. Baada ya bao hilo timu zote zilicheza kwa kushambuliana kwa zamu na katika dakika ya 62 , Haruna Moshi ‘Boban’ ambaye pia alichaguliwa kuiwa mchezaji bora wa mechi hiyo na kuzawadiwa sh laki tatu na Voadacom ambao ni wadhamini wa ligi hiyo aliifungia Simba bao la pili baada ya kumaliza mpira uliookolewana walinzi wa Yanga na kumfika. Kuona hivyo Yanga iliwatoa Boniface Ambani kuingia Shamte Ally wakati Simba iliwatoa Mwakingwe na Redondo na kuwaingiza Mohamed Kijuso na Emeh Izuchukwu

PHIRI AMUASA BOBAN

KUELEKEA kwenye mechi muhimu ya ligi kuu ya Vodacom Tanzania Bara kesho baina ya mahasimu wa jadi katika soka nchini, kocha wa Simba, Patrick Phiri, amemuasa kiungo wake tegemeo, Haruna Moshi ÔBobanÕ kujiepusha na hasira.Akizungumza na bongostaz jana katika kambi ya timu hiyo iliyopo Bamba Beach, nje kidogo ya jiji la Dar es Salaam, Phiri alisema mara kadhaa amezungumza na mchezaji huyo kuhusiana na hasira zake na inampa moyo kwamba sasa amebadilika kwa kiasi kikubwa.ÒHaruna amebadilika sana, nadhani utoto pia ulichangia tabia yake. Lakini ana tofauti kubwa na ukizingatia pia ameshawahi kwenda kucheza Uarabuni kwa mwaka mmoja, ni lazima atakuwa amepata uzoefu wa kutosha.ÒHata ukimuona anavyocheza hivi sasa, ametulia sana, hachezi rafu na si mkorofi, nafikiri maneno yangu yamemuingia na yamemsaidia. Lakini pia siyo Haruna tu, hata wachezaji wengine nao tunakaa nao na kuwaeleza madhara ya hasira kwa sababu yanaigharimu timu kutokana na umuhimu wao kikosini,Ó alisema.Phiri alisema wachezaji wake wote wapo katika hali nzuri kiafya, isipokuwa Antony Matangalu, ambaye alipata maumivu ya kifundo cha mguu, hali ambayo inamfanya kucheza kwake kutegemee maoni ya daktari wa timu hiyo.Kuhusu kutocheza kwa kipindi kirefu kwa mlinda mlango Amani Simba, alisema mchezaji huyo alikuwa na ruhusa maalumu ya kwenda kuoa na kwamba amerejea siku chache zilizopita, ingawa alikataa kwamba hamchezeshi.ÒTuna makipa watatu na wote wanapewa nafasi, Dida alidaka, Amani alidaka na Mustapha alidaka, kwa hiyo utaona kwamba kila mmoja amepata nafasi kuonyesha uwezo wake,Ó alisema.Ingawa alikataa kutaja kikosi kitakachoanza kwa maelezo kuwa ni sawa na kuonyesha silaha kwa adui, lakini kwa mwenendo wa hivi karibuni wa kikosi hicho, pamoja na hali ya kambi ilivyo, huenda kikosi cha kwanza kikawa hivi:Ally Mustapha ÔBathezÕ, Salum Kanoni, Juma Jabu, Juma Nyosso, Kelvin Yondani, Henry Joseph, Nico Nyagawa, Jabir Aziz, Emeh Ezuchukwu, Haruna Moshi na Ulimboka Mwakingwe.

KONDIC AMPA DARASA KASEJA

2009-04-18T07:48:00.000-07:00

Kaseja kwenye basi la Yanga wenzake baada ya mazoezi

KOCHA Mkuu wa klabu ya Yanga ya Dar es Salaam, Profesa Dusan Kondic, amesema kipa Juma Kaseja anapaswa kutumia vizuri mchezo wa kesho dhidi ya mahasimu wao wa jadi, Simba kwa kudaka vizuri ili kudhihirisha ubora wake na kujitengenezea mazingira ya kurejeshwa timu ya taifa, Taifa Stars.Akizungumza na bongostaz jana kwenye kambi ya Yanga, Millennium Sea Breeze Resort, Bagamoyo mkoani Pwani, Kondic alisema kwamba Kaseja ni kipa bora Tanzania, katika hilo hakuna ubishi, hivyo Jumapili ni siku ya kudhihirisha ubora wake. Hata hivyo Yanga ilihama jana kutoka Bagamoyo, hadi Protea Hotel, Dar es Salaam.ÒNimeweka matumaini yangu yote kwa Kaseja, ni kipa bora nchi hii, anatakiwa kutumia nafasi hii kuonyesha uwezo wake, kudhihirisha yeye ni bora ili ajitengenezee mazingira ya kurejeshwa timu ya taifa,Ó alisema Kondic.Kuhusu maandalizi ya mchezo huo kwa ujumla, Kondic alisema kwamba ni mazuri na atautumia mchezo huu kujua wachezaji wanaostahili kubaki naye kwenye timu na ambao anapaswa kuwatema.ÒNimewaambia wachezaji, huu ni mchezo wao, wautumie mchezo huu kuniridhisha kwamba wanastahili kuongezwa mkataba, yeyote atakayeboronga, sitakuwa na huruma naye, nitamuambia asante na kwaheri,Ó alisema Kondic.Mserbia huyo alisema kwamba anafahamu kwenye soka lolote linaweza kutokea, lakini Yanga kama mabingwa wanapaswa kuonyesha uwezo wao uwanjani na kudhihirisha ubora wao uliowapa ufalme wa soka nchini kwa mara ya pili mfululizo chini yake.Alisema anashukuru wachezaji wake wako vizuri, hawana mchecheto kwa sababu wanajua hawana cha kupoteza kwenye mchezo huo, hivyo ana matumaini makubwa ya nyota ya Jangwani kungÕara jioni ya kesho.

YANGA WAHAMISHIA KAMBI DAR

2009-04-18T07:43:00.000-07:00

NYASI za Uwanja wa Taifa wa Dar es Salaam, zinatarajiwa kuwaka moto kesho, wakati miamba miwili ya soka Tanzania, Simba na Yanga, zenye maskani yao eneo la Kariakoo, zikiishi mitaa tofauti, zitakapokuwa zikimenyana katika mchezo wa marudiano Ligi Kuu ya soka ya Vodacom Tanzania Bara.Yanga, wanaoishi makutano ya mitaa ya Twiga na Jangwani, leo watatokea hoteli ya Protea mjini Dar es Salaam, walipohamia leo wakitokea Millennium Sea Breeze Resort, iliyopo Bagamoyo mkoani Pwani, kuingia Uwanja wa Taifa, kumenyana na mahasimu wao wa jadi, Simba, waishio Mtaa wa Msimbazi, ambao nao watashuka dimbani wakitokea katika hoteli ya Bamba Beach, iliyopo Kigamboni, nje kidogo ya Jiji la Dar es Salaam.Simba, inayonolewa na kocha wa zamani wa timu ya taifa ya Zambia, Patrick Phiri, mchezo huu unaonekana kuwa muhimu zaidi kwao kushinda, ili pamoja na kulipa kisasi cha kufungwa 1-0 kwenye mchezo wa kwanza, pia kukusanya pointi za kujihakikishia nafasi ya pili kwenye msimamo wa Ligi Kuu.Kwani tayari Yanga wamekwisha kutwaa ubingwa wa ligi hiyo hata kabla hawajacheza mechi tano za mwisho na sasa Simba inapiga kasia kuwahi kushika tiketi ya kucheza michuano ya Kombe la Shirikisho Afrika mwakani, ikikimbizwa na Kagera Sugar ya Bukoba na Mtibwa Sugar ya Morogoro.Simba itashuka dimbani kesho, ikiwa na kumbukumbu nzuri ya kushinda mechi zake mfululizo, dhidi ya Kagera Sugar 2-0, Azam FC 3-0 na Toto Afrika 1-0, wakati Yanga katika mechi zake tatu zilizopita, ilifungwa moja na Azam FC 3-2, sare moja na Kagera Sugar na kushinda moja dhidi ya wachovu, Polisi Dodoma.Yanga ilicheza na Kagera, Azam na Polisi tayari ikiwa bingwa, baada ya kuifunga Toto 2-1 mjini Mwanza, hivyo inawezekana haikucheza kwa kiwango chake halisi, lakini leo kulingana na uzito wa mchezo huu, hapana shaka watacheza kama wanatafuta taji. Akizungumza na bongostaz leo, kwenye kambi ya klabu hiyo, Kocha wa Simba, Patrick Phiri, alisema kwamba timu yake ina mifumo miwili, ambayo ni 4-4-2 na 4-5-1, hivyo katika mchezo wa leo wataamua waanze na upi na wanaweza kubadilisha kulingana na wapinzani wao watakavyokuwa.ÒMara nyingi mifumo ni ile ile, ila inategemeana na malengo yako, wengine wanakuwa na malengo ya kuanza kwa kushambulia, wengine kuanza kwa kuzuia, sisi tutaanza kwa kuwasoma kwanza wapinzani wetu kujua wanataka nini,Ó alisema Phiri.Winga huyo wa zamani wa timu ya Taifa ya Zambia, alisema kwamba kwa sababu Yanga tayari ni mabingwa, wanaweza kuamua kuutumia mchezo huo kuchezea mipira tu kwa lengo la kupoteza muda, kwa sababu hawana cha kupoteza zaidi ya kulinda heshima.ÒLakini sisi tunataka kushinda ili tupunguze shinikizo katika mechi inayokuja (dhidi ya Polisi mjini Dodoma), tukifungwa na Yanga, tutaendelea kuwa na mchecheto katika mechi inayokuja, tunataka tushinde ili na sisi tucheze mechi ya mwisho, kama wenzetu Yanga watakavyocheza na sisi,Ó alisema.Kuhusu kikosi chake cha kwanza kwenye mchezo wa leo, Phiri alisema kwa utamaduni wa Simba na Yanga ni vigumu kutaja. Hata hivyo, kuna uwezekano langoni akaanza Ally Mustafa ÔBarthezÕ, kulia anaweza kuanza Salum Kanoni kwa sababu Anthony Matangalu ni majeruhi, kushoto Juma Jabu. Katikati kwa sababu Meshack Abel hayuko vizuri kimchezo, wanaweza wakasimama Juma Nyosso na Kelvin Yondani, wakati mbele yao anaweza kuwapo Henry Joseph, pembeni kulia Nico Nyagawa, kushoto Ulimboka Mwakingwe na kiungo wa mbele huenda akasimama Jabir Aziz, wakati washambuliaji wanaweza kuanza Haruna Moshi na Emeh Izuchukwu.Wachezaji wa akiba wanaweza kuwapo Deo Munishi ÔDidaÕ, Ramadhan Wasso, Abel, David Naftari, Ramadhan Chombo ÔRedondoÕ, Mohamed Banka, Adam Kingwande, Mohamed Kijuso na George Nyanda.Kwa upande wa Yanga, akizungumza jana kwenye kambi ya timu hiyo, kocha wa timu hiyo, Profesa Dusan Kondic, alisema kwamba wako vizuri na tayari kwa mchezo huo, ambao aliuita wa maonyesho.Alisema anawaheshimu Simba ni timu nzuri na inacheza kwa lengo la kupata kitu, lakini kulingana na historia ya timu hizi, vijana wake wamepania kuwasimamisha hii leo.ÒWao wanataka nafasi ya pili, wanacheza kwa hamasa, sisi kwetu hatuna cha kupoteza na tupo kwa ajili ya kukamilisha ratiba ya Ligi na kufunga msimu kwa furaha, hatutakuwa tayari kupoteza mchezo,Ó alisema.Ingawa Kondic hakutaja kikosi cha kwanza kwenye mchezo huo, zaidi ya kusema tu langoni atamuanzisha Juma Kaseja, lakini kuna uwezekano kikawa hivi;Kaseja, Nsajigwa Shadrack, Nurdin Bakari, Nadir Haroub ÔCannavaroÕ, Wisdom Ndhlovu, George Owino au Geoffrey Bonny, Shamte Ally, Athumani Iddi ÔChujiÕ, Boniphace Ambani, Ben Mwalala na Mike Barasa au Vincent Barnabas.Wakati huo kwenye benchi watakuwapo Steven Marashi, Abubakar Mtiro, Castory Mumbara, Kiggi Makasy, Abdi Kassim, Razack Khalfan, Jerry Tegete na Maurice Sunguti.Je, nani atacheka, nani atanuna baada ya dakika 90 za mchezo huo utakaochezeshwa na Israel Nkongo? Bila shaka hilo ni jambo la kusubiri na kuona.

NGASSA MAMBO SAFI UK, AITAKIA HERI YANGA

2009-04-18T03:46:00.000-07:00

PAMOJA na kuitakia heri Yanga kwenye mchezo wake wa leo dhidi ya watani wao wa jadi, Simba, winga wa klabu hiyo, Mrisho Ngassa (pichani), amesema kwamba kesho ndiyo atajua mustakabali wake wa majaribio katika klabu ya West Ham United nchini England.
“Watakaa Jumapili kufanya tathmini zao, natarajia Jumatatu wakala wangu (Yussuf Bakhresa) atapewa jibu kama inakuwaje kuhusu mimi,” alisema Ngassa, alipozungumza na DIMBA kwa simu kutoka Upton Park, Mashariki mwa London, ambako yuko chini ya Gianfranco Zola, kocha wa West Ham akijaribiwa.
Ngasa alipofika mjini humo alianza kufanya mazoezi na wachezaji waliokwenda kwenye majaribio, baadaye akahamishiwa kwenye wachezaji wa akiba wa klabu hiyo na Alhamisi alianza kufanya mazoezi na kikosi cha kwanza cha West Ham.
“Mimi namshukuru Mungu naona kama mambo yanakwenda vizuri, sitakuwa na mazoezi tena hadi hiyo Jumatatu, siku ambayo ndio nitapata jibu,” alisema Ngassa na kuongeza.
“Zaidi nawatakia wenzangu kila la heri katika mechi na Simba, nawaombea washinde, kama wao wanavyoniombea dua nifanikiwe huku, na mimi nawaombea dua washinde hiyo mechi,” alisema.Ngassa aliondoka nchini Jumapili kwenda Uingereza kufanya majaribio ya kujiunga na klabu ya West Ham United, ambayo imeonekana kuanza kuvutiwa naye

MGOSI AENDA INDIA AKIITAKIA HERI SIMBA

2009-04-18T03:43:00.000-07:00

MSHAMBULIAJI bora nchini, Mussa Hassan Mgosi wa klabu ya Simba ya Dar es Salaam, aliondoka jana jioni kwenda India kufanya majaribio ya kujiunga na klabu ya Mahindra United, inayoshiriki Ligi Kuu ya nchini humo.
Akiwa Uwanja wa Ndege wa Julius Nyerere, Dar es Salaam dakika chache kabla ya kupanda ndege, Mgosi aliiambia bongostaz kwamba anaitakia kila la heri, timu yake, Simba katika mchezo wa kesho dhidi ya mahasimu wao wa jadi, Yanga.
“Ningependa kuwa sehemu ya mchezo huo, lakini TFF imenisimamisha, nimeona tu bora niwahi kwenye majaribio yangu India,” alisema Mgosi.
Mgosi amekwenda huko kwa ajili ya kuziba pengo la mchezaji mmoja kutoka Afrika ambaye ameuzwa Ufaransa. Mapema Jumatatu Mgosi, alisema: “Nimeambiwa kuna mchezaji Mwafrika alikuwa kule, amepata timu Ufaransa, sasa nakwenda kuziba pengo lake, jamaa kaniambia yule aliyeondoka alikuwa analipwa dola 8,000 (za Kimarekani) kwa mwezi. Sasa mimi sijui nitaenda kulipwa kiasi gani,” alisema Mgosi.
Mgosi ambaye aling’ara kwenye Michuano ya Ubingwa wa Mataifa ya Afrika (CHAN) iliyomalizika Februari, mwaka huu mjini Abidjan, Ivory Coast, aliteuliwa kwenye kikosi cha nyota 18 wa michuano hiyo, akiwa kwenye orodha ya wachezaji wa akiba.
Akiwa huko, alipata wakala, Moustapha Fall, raia wa Senegal ambaye aliahidi kumtafutia timu haraka iwezekanavyo kati ya nchi za Ufaransa, India, Norway na Falme za Kiarabu.
Mgosi, ambaye ni mchezaji pekee wa Tanzania kuingia kwenye kikosi hicho, mafanikio yake yametokana na subira, nidhamu, kujituma na kusikiliza kwa makini maelekezo ya walimu.
Mwaka 2005 alikwenda Afrika Kusini kufanya majaribio ya kujiunga na klabu ya Meritzburg Classic ya huko, lakini mambo hayakuwa mazuri na mwaka jana alikwenda Oman kujiunga na Oman Club, lakini pia mipango haikwenda vizuri.
Mgosi, aliyezaliwa Agosti 20, 1985 wilayani Moshi, mkoani Kilimanjaro, alipata elimu yake ya msingi katika shule ya Pasua, Moshi, kabla ya kujiunga na Sekondari ya Makongo, Dar es Salaam alikohitimu kidato cha Nne,
Kabla ya kutua Simba mwaka 2005, Mgosi aliichezea Mtibwa Sugar ya Morogoro kwa msimu mmoja wa 2004, ambayo alijiunga nayo kutoka klabu iliyomuibua kisoka, JKT Ruvu, aliyoanza kuichezea 2001, akitokea sekondari ya Makongo.
JKT ilivutiwa na Mgosi akiwa kwenye kikosi cha timu ya vijana chini ya umri wa miaka 17, enzi hizo kikinolewa na Mnigeria, Ernest Mokake (sasa marehemu). Baadaye alipandishwa timu ya chini ya miaka 20, kabla ya kuchukuliwa timu ya wakubwa, Taifa Stars mwaka 2005.
Mgosi, ambaye ni mume wa Jasmin Elias, waliyezaa naye watoto wawili hadi sasa, Hassan na Nailat, akifanikiwa kununuliwa na Mahindra, atakuwa Mwafrika wa nne kwenye timu hiyo baada ya beki Lamine Tamba wa Senegal, kiungo Pierre Djidjia Douhou wa Ivory Coast na mshambuliaji Chidi Edeh wa Nigeria. Mgeni mwingine kwenye timu hiyo inayonolewa na Wabrazil, Denis D'Souza akisaidiwa Derrick Pereira na mzalendo, Mahesh Lonitkar, ni kiungo Arata Izumi wa Japan.

REFA WA SIMBA, YANGA UTATA MTUPU

2009-04-16T11:04:00.000-07:00

MWAMUZI Israel Nkongo wa Dar es Salaam ndiye atakayechezesha mechi ya watani wa jadi nchini Simba na Yanga itakayochezwa Jumapili kwenye Uwanja wa Taifa, Dar es Salaam. Habari za uhakika zilizopatikana jana ndani ya Shirikisho la Soka Tanzania (TFF), zilieleza kuwa mwamuzi huyo ameteuliwa kuchukua nafasi ya Oden Mbaga aliyekuwa amepangwa awali kupuliza filimbi katika mchezo huo. Mara kwa mara linapofika suala la waamuzi wa mechi ya watani kila upande huwa makini kujua nani atakuwa na jukumu la kupuliza filimbi na wakati mwingine baadhi ya viongozi hudiriki hata kukataa baadhi ya waamuzi. Imedaiwa kuwa Mbaga amebadilishwa kwa madai kuna mechi ya kimataifa anaenda kuchezesha, ingawa chanzo chetu hakikuweka wazi mechi hiyo. Waamuzi wote hao wana beji ya Shirikisho la Soka la Kimataifa (Fifa). Alipoulizwa suala hilo jana, Katibu Mkuu wa TFF Frederick Mwakalebelan (pichani) alisema, mwamuzi wa mechi hiyo atatangazwa. “Mwamuzi mtatangaziwa nyie subirini tu,” alisema. Na alipoulizwa kwanini mwamuzi wa mechi hiyo atangazwe tena wakati alishapangwa tangu mwanzo kama ilivyokuwa kwenye mechi zingine, Mwakalebela alisema: “Unajua kuna mambo yamebadilika, kuna wengine wamepata nafasi za CAF (Shirikisho la Soka Afrika), lakini mwamuzi atatangazwa,”alisema. Mechi hiyo inatarajiwa kuvuta hisia za wadau wengi wa soka kutokana na umuhimu wake kwa Simba inayotafuta nafasi ya pili ili kupata uwakilishi wa michuano ya kimataifa mwakani. Wakati huohuo, Mwakalebela alisema, Kamati ya Mashindano ya TFF, inatarajiwa kukutana kesho kujadili masuala mbalimbali ya ligi likiwamo lile la mchezaji Mussa Hassan ‘Mgosi’ wa Simba na kipa Shaaban Kado wa Mtibwa Sugar wanaodaiwa kupigana wakati wa mechi iliyozikutanisha timu zao Machi mwaka huu. Mwakalebela alisema, kamati hiyo itakutana chini ya Makamu wa Pili wa Rais wa Shirikisho hilo, Ramadhani Nassib. Hata hivyo Katibu huyo hakutaka kulizungumzia kwa undani suala hilo na kusema usubiriwe uamuzi ya kamati hiyo. Kanuni za ligi zinaeleza kuwa mchezaji atakayethibitika kupigana uwanjani atafungiwa michezo sita au miezi mitatu hadi mwaka mmoja au adhabu ya faini kulingana na Kamati ya Mashindano itakavyoona.

REDD'S ORIGINAL KUDHAMINI UREMBO DAR

2009-04-16T10:59:00.000-07:00

Meneja Masoko wa TBL, David Minja

KAMPUNI ya Bia Tanzania (TBL), kupitia kinywaji chake cha Redd’s wametangaza udhamini wa mashindano ya urembo katika ngazi ya kanda na vitongoji nchini utakaogharimu zaidi ya Sh milioni 200. Akizungumza na waandishi wa habari Dar es Salaam jana, Meneja wa kinywaji cha Redds Premium Cold, Kabula Nshimo, alisema TBL wameamua kujikita kuanzia mashindano ya kanda na vitongoji mwaka huu, ili kuweka mizizi kuelekea kwenye shindano la taifa la Miss Tanzania 2009. Alisema kwa miaka kadhaa TBL kupitia Redd’s wamekuwa wakidhamini washiriki wa shindano Miss Tanzania katika kutafuta Balozi mwanamitindo wa Redds na sasa wameamua kuweka jitihada zao kuanzia kwenye mizizi. “Tayari tumefikia makubaliano ya kudhamini mashindano ya kanda ya Ilala, Temeke na Kinondoni kwa mkoa wa Dar es Salaam, hatutaishia hapo pia tutadhamini mashindano ya kanda nyingine, mikoani na vitongoji. “Lakini bado tunaendelea na mazungumzo na waandaaji wa Miss Tanzania kuangalia udhamini wetu mwaka huu na baada ya mazungumzo kukamilika tutawaita na kuwafahamisha,” alisema.

MGOSI AONDOKA KESHO KWENDA INDIA

2009-04-16T10:13:00.000-07:00

MSHAMBULIAJI bora nchini, Mussa Hassan Mgosi (pichani akimiliki mpira mbele ya mchezaji wa Harambee Stars ya kenya) wa klabu ya Simba ya Dar es Salaam, anatarajiwa kuondoka kesho nchini kwenda India kufanya majaribio ya kujiunga na klabu ya Mahindra United inayoshiriki Ligi Kuu ya nchini humo.
Mgosi aliiambia bongostaz kwa simu leo mchana kwamba mambo yote yamekamilika na anaomba dua za Watanzania, ili aende kufanya vizuri huko.
“Nashukuru wakala wangu amefanikisha mipango ya mimi kwenda kucheza soka la kulipwa nje, naomba dua za Watanzania niende kufanya vizuri huko, kwa sababu kama Tanzania itakuwa na wachezaji wengi wanaocheza nje, timu yetu ya taifa itakuwa nzuri,”alisema.
Mapema Jumatatu, alisema: “Nimeambiwa kuna mchezaji Mwafrika alikuwa kule, amepata timu Ufaransa, sasa nakwenda kuziba pengo lake, jamaa kaniambia yule aliyeondoka alikuwa analipwa dola 8,000 (za Kimarekani) kwa mwezi. Sasa mimi sijui nitaenda kulipwa kiasi gani,” alisema Mgosi.
Mgosi ambaye aling’ara kwenye Michuano ya Ubingwa wa Mataifa ya Afrika (CHAN) iliyomalizika Februari, mwaka huu mjini Abidjan, Ivory Coast, aliteuliwa kwenye kikosi cha nyota 18 wa michuano hiyo, akiwa kwenye orodha ya wachezaji wa akiba.
Akiwa huko, alipata wakala, Moustapha Fall, raia wa Senegal ambaye aliahidi kumtafutia timu haraka iwezekanavyo kati ya nchi za Ufaransa, India, Norway na Falme za Kiarabu.
Mgosi, ambaye ni mchezaji pekee wa Tanzania kuingia kwenye kikosi hicho, mafanikio yake yametokana na subira, nidhamu, kujituma na kusikiliza kwa makini maelekezo ya walimu.
Mwaka 2005 alikwenda Afrika Kusini kufanya majaribio ya kujiunga na klabu ya Meritzburg Classic ya huko, lakini mambo hayakuwa mazuri na mwaka jana alikwenda Oman kujiunga na Oman Club, lakini pia mipango haikwenda vizuri.
Mgosi, aliyezaliwa Agosti 20, 1985 wilayani Moshi, mkoani Kilimanjaro, alipata elimu yake ya msingi katika shule ya Pasua, Moshi, kabla ya kujiunga na Sekondari ya Makongo, Dar es Salaam alikohitimu kidato cha Nne,
Kabla ya kutua Simba mwaka 2005, Mgosi aliichezea Mtibwa Sugar ya Morogoro kwa msimu mmoja wa 2004, ambayo alijiunga nayo kutoka klabu iliyomuibua kisoka, JKT Ruvu, aliyoanza kuichezea 2001, akitokea sekondari ya Makongo.
JKT ilivutiwa na Mgosi akiwa kwenye kikosi cha timu ya vijana chini ya umri wa miaka 17, enzi hizo kikinolewa na Mnigeria, Ernest Mokake (sasa marehemu). Baadaye alipandishwa timu ya chini ya miaka 20, kabla ya kuchukuliwa timu ya wakubwa, Taifa Stars mwaka 2005.
Mgosi, ambaye ni mume wa Jasmin Elias, waliyezaa naye watoto wawili hadi sasa, Hassan na Nailat, akifanikiwa kununuliwa na Mahindra, atakuwa Mwafrika wa nne kwenye timu hiyo baada ya beki Lamine Tamba wa Senegal, kiungo Pierre Djidjia Douhou wa Ivory Coast na mshambuliaji Chidi Edeh wa Nigeria. Mgeni mwingine kwenye timu hiyo inayonolewa na Wabrazil, Denis D'Souza akisaidiwa Derrick Pereira na mzalendo, Mahesh Lonitkar, ni kiungo Arata Izumi wa Japan.

MTIBWA YAIPA AHUENI SIMBA

2009-04-13T23:15:00.001-07:00

MSHAMBULIAJI Abdallah Juma leo ameendeleza cheche zake za ufungaji mabao, baada ya kuifungia Mtibwa Sugar bao la kusawazisha dakika 20 ilipokuwa ikimenyana na Total Africa ya Mwanza iliyotangulia kupata bao dakika ya nane, hivyo kufanya sare ya 1-1

Mchezo huo ulichezwa kwenye Uwanja wa Manungu, Turiani mjini Morogoro na wenyeji walimlalamikia mwamuzi kuwanyima mabao mawili yaliyofungwa na Rashid Gumbo na Kassim Issa.
Kwa sare hiyo Mtibwa imebaki kwenye nafasi ya tatu ikiwa na pointi 32, ikiwa ni pointi nne nyuma ya Simba ambayo iko nafasi pili ikiwa na pointi 36. Mtibwa sasa inahitaji kushinda mechi zake mbili zilizobaki huku ikiombea dua mbaya Simba, ili iweze kumaliza katika nafasi ya pili kwenye msimamo wa Ligi. Mshindi wa pili, huiwakilisha nchi kwenye michuano ya Kombe la Shirikisho linaloandaliwa na Shirikisho la Soka la Afrika (CAF). Katika mchezo mwingine, Azam ililazimisha sare ya kufungana bao 1-1 na wenyeji Kagera Sugar mjini Bukoba.

AMBANI ANG'OLEWA JINO BAGAMOYO

2009-04-13T23:15:00.000-07:00

MPACHIKA bao bora Tanzania, Boniphace Ngairah Ambani, juzi alilazimika kung’olewa jino lake moja na daktari, baada ya kuumia mazoezini kwenye kambi ya klabu yake, Yanga ya Dar es Salaam huko Bagamoyo mkoani Pwani.
Akizungumza na bongostaz kwa simu jana, Ambani amaye ni raia wa Kenya, alisema kwamba kutokana na kuumia jino mazoezini Jumatatu, alijikuta anapata maumivu makali, jambo ambalo lilimlazimu kwenda kung’olewa na sasa anajisikia vizuri.
“Naendelea vizuri rafiki yangu baada ya kung’olewa jino, na niko fiti kabisa naendelea na maandalizi ya mchezo wetu wa Jumapili dhidi ya watani wetu wa jadi, Simba,”alisema nyota huyo wa timu ya taifa ya Kenya, Harambee Stars.
Ambani ambaye anaongoza kwa kufunga mabao kwenye Ligi Kuu ya Vodacom Tanzania Bara, akiwa amekwishapachika kimiani mabao 16 hadi sasa, nyuma yake kukiwa na Hussein Bunu wa JKT Ruvu mwenye 11, amekwishasema anataka kumaliza Ligi akiwa ana mabao 20.
Alipanga kufunga mabao hayo katika mechi tatu, kuanzia Yanga na Polisi Dodoma, ambao alitoka kapa na sasa ana nafasi mbili tu za kutimiza ndoto yake hiyo, nazo ni kwenye mechi dhidi ya Simba Jumapili na Villa Squad Aprili 26, ambao utakuwa mchezo wa mwisho wa Ligi Kuu.
Mpachika mabao huyo, tayari anachungulia mlango wa kutokea Yanga, kwani amepata timu nyingine ambayo ni Greentown FC ya Zheijang, China.
Kwa msimu mmoja alioichezea Yanga, Ambani amefunga jumla ya mabao 22, moja kwenye michuano ya Klabu Bingwa Afrika Mashariki na Kati, maarufu kama Kombe la Kagame, matano kwenye Ligi ya Mabingwa Afrika na 16 ya kwenye Ligi Kuu.

KONDIC ANATISHIWA MAISHA YANGA

2009-04-13T22:43:00.000-07:00

KOCHA wa klabu ya Yanga ya Dar es Salaam, Profesa Dusan Kondic (pichani akiwa Flavio wa Angola) amesema kwamba kuna watu wanamtumia ujumbe wa maandishi (sms) na kumpigia simu za vitisho, jambo ambalo linamfanya ajifikirie kama kuna haja ya kusaini mkataba mpya na klabu hiyo au la.
Katika mahojiano maalum na bongostaz jana, Hoteli ya New Africa mjini Dar es Salaam, Kondic alisema kwamba ametunza namba na simu anazopigiwa kupewa vitisho na sms anazotumiwa pia, kwamba aliihujumu Yanga dhidi ya Al Ahly.
“Sikufichi, hata Obren (Curkovic) nadhani ameondoka kwa sababu hii, yeye alikuwa anapigiwa simu na kutukanwa na watu, wanamuambia ondoka hatukutaki Yanga umehujumu timu yetu. Hata Serdan (Civojnov) pia, naye alikuwa anapigiwa simu kupewa vitisho,”alisema.
Kondic alisema kweli Obren yupo kwenye mpango wa wachezaji 11 wa kuuzwa Ulaya na Yanga, lakini ilikuwa aondoke baada ya kumaliza mechi za Ligi Kuu ya Vodacom Tanzania Bara, ila kutokana na vitisho ameamua kuondoka.
“Obren ameondoka, ni kipa mzuri sana, amedaka mechi kumi za Ligi Kuu, amefungwa goli moja tu, nani mwingine kwenye ligi hii amefanya hivyo?”alihoji Kondic kuhusu kipa huyo Mserbia mwenzake.
Kondic alisema mkataba wake na Yanga unaisha Novemba mwaka huu, lakini kwa sasa hana jibu kama atasaini tena au la, ila kabla ya kufika kipindi hicho atakuwa amekwishajua hatima yake.
“Kuna wengine wengi wananipenda, wananiambia, watu wabaya kwenye Yanga ni wapi, wananiambia haya ndio matatizo ya kufanya kazi Tanzania, wanasema nivumilie, na nikae nikujua yataendelea tu, yote nayafikiria, kwa sababu kuna timu nyingine zinanitaka.
Nina ofa za wazi tatu, tena nzuri, lakini ninapenda kuisaidia Yanga, ila baadhi ya watu wananikatisha tamaa, hapa nilipo ninaumwa malaria wiki ya pili ya sasa, lakini ninafanya kazi hivyo hivyo.
Ila mimi ni mkongwe na mwanataaluma, nimebobea, naangalia mkataba wangu kwanza, nimeipa Yanga ubingwa mara mbili mfululizo, tangu nimefika hapa sijafungwa na Simba, mechi ya kwanza tulitoka sare, ya pili nikawafunga. Najiamini kwa kazi yangu,”alisema kocha huyo wa zamani wa timu ya taifa ya Angola na klabu ya Primiero de Agosto ya nchini humo.
Obren alikuwa kipa wa Yanga wakati Serdan alikuwa kocha msaidizi ambao waliondoka wiki iliyopita kwenda kwao Serbia. Wakati anaondoka Obren alisema baadaye atakwenda Austria kufanya majaribio kwenye klabu moja ya huko.

EEH MUNGU MFUNGULIE NJIA NYOTA HUYU...

2009-04-13T00:35:00.000-07:00

Winga wa Yanga mwenye kasi na chenga za maudhi, Mrisho Khalfan Ngassa aliondoka jana kwenda Uingereza kufanya majaribio ya kujiunga na klabu ya West Ham United ya huko. Ngassa, mtoto wa kiungo wa zamani wa Pamba ya Mwanza na Simba ya Dar es Salaam, aliondoka na wakala wake Yussuf Bakhresa kwenda kujaribu bahati yake. bongostaz inamtakia kila la heri mchezaji huyo.

AMBANI ANATAKA BAO NNE MECHI MBILI

2009-04-13T00:19:00.000-07:00

MSHAMBULIAJI wa klabu ya Yanga ya Dar es Salaam, Boniphace Ambani (pichani kulia akisalimiana na Blatter rais wa FIFA) amesema anataka kufunga mabao yasiyopungua manne katika mechi tatu za Ligi Kuu ya Vodacom Tanzania zilizobakia kuanzia Jumapili ijayo dhidi ya Simba na Aprili 26 dhidi ya Villa Squad, zote Jijini.
Ambali aliiambia bongostaz mjini Dar es Salaam kwamba, anataka kufunga mabao hayo ili atimize mabao 20 baada ya Ligi Kuu na kutwaa tuzo ya mfungaji Bora wa ligi hiyo kwa madaha zaidi.
“Kwangu kila bao nalofunga kwenye mechi nahesabu, hicho ndio kitu ambacho kinaniweka kwenye chati ya ufungaji, kufunga kwenye mechi dhidi ya Simba au kutofunga hakutabadilisha kitu,”alisema Ambani.
Hata hivyo, Ambani aliyeumia na kipigo cha 3-2 kutoka Azam, siku ambayo yeye alijiongezea mabao mawili, alisema: “Nataka kutimiza mabao 20 katika mechi hizi zilizobaki,”alisema.
Yanga imekwishatwaa ubingwa wa Ligi Kuu ya Bara, kwani hadi sasa ina pointi 47 ambazo haziwezi kufikiwa na timu yoyote inayoshiriki ligi hiyo.

NURDIN: MIMI NABAKI YANGA

2009-04-12T23:54:00.001-07:00

BEKI anayemudu kucheza kama kiungo pia, Nurdin Bakari Hamadi (pichani mwenye rasta) amesema kwamba hana mpango wa kurejea klabu yake ya zamani na kwamba ataendelea kuichezea klabu yake ya sasa, Yanga ambayo aliingia nayo mkataba wa miaka mitatu mwaka jana.
Katika mahojiano maalum na bongostaz, Nurdin alisema kwamba amekuwa akisikia tu taarifa kwamba yeye anataka kurejea Simba msimu ujao, lakini hazina ukweli wowote kwani yeye ni mchezaji halali wa Yanga na huko ndiko akili yake ilipolalia.
“Kama nitatoka Yanga kwa sasa, basi ujue mipango yangu ya kwenda nje imefanikiwa, lakini kusema niondoke hapa nijiunge na klabu nyingine ya hapa Tanzania, huo ni uzushi mtupu,”alisema Nurdin.
Nurdin aliyejiunga na Yanga msimu huu akitokea Simba, aliachwa na klabu yake zamani ikidai eti ana matatizo ya moyo hawezi tena kucheza soka.
Hata hivyo, Yanga ilimchukua na ameweza kucheza vizuri kiasi cha kurejeshwa timu ya taifa, ambako amekuwa chaguo la kwanza la kocha Marcio Maximo katika safu ya kiungo wa ulinzi.
Nyota huyo alizaliwa Julai 7, mwaka 1988 eneo la Soweto mjini Arusha na kupata elimu yake ya msingi katika Shule ya Meru kabla ya kujiunga na Sekondari ya Bondeni alikosoma hadi Kidato cha Nne.
Kama ilivyo kwa nyota wengi nchni, Nurdin naye alianza na soka ya chandimu na kuendelea hadi akiwa shule, kabla ya kuanza kuchezea klabu za mtaani.
Klabu zake za awali zilikuwa ni Soweto Kids, Kaloleni Rangers Kids na Mandela Kids zote za Arusha.
Mwaka 2002, akiwa na umri wa miaka 14 alisajiliwa na klabu ya AFC ya Arusha iliyokuwa Ligi Kuu na mwaka mmoja baadaye aliitwa kwenye kikosi cha timu ya taifa ya vijana chini ya umri wa miaka 17.
Mwishoni mwa mwaka huo huo 2003 pia alisajiliwa na klabu ya Simba ya Dar es Salaam kwa ajili ya msimu wa 2004, ambayo aliichezea hadi mwaka 2007 alipohamia kwa watani wa jadi, Yanga.

JABIR AZIZ AIBEBA SIMBA

2009-04-12T23:42:00.000-07:00

BAO lililofungwa na kiungo wa ulinzi, Jabir Aziz (pichani) katika dakika ya 89, jana liliipa Simba pointi tatu muhimu baada ya kuilaza Toto Afrika ya Mwanza 1-0 katika mchezo wa Ligi Kuu ya Vodacom Tanzania Bara, uliokuwa mtamu kupita maelezo ambao ulifanyika Uwanja wa Uhuru, zamani Taifa mjini Dar es Salaam.
Ulikuwa ni mchezo wa pande zote, timu zikishambuliana kwa zamu tangu mwanzo, ingawa Toto ndio walioonekana kulijaribu lango la wenyeji mara nyingi zaidi.
Hata hivyo, Toto walishindwa kuendeleza makali yao baada ya kupata pengo la mchezo wao, Juma Seif kuonyeshwa kadi ya pili ya njano na kutolewa nje kwa kadi nyekundu mapema kipindi cha pili, hivyo Simba kuanza kulisakama kama nyuki kwenye mzinga lango la vijana hao wa Mwanza.
Sifa ziwaendee makipa wa timu zote, Hamisi Msafiri wa Toto na Ally Mustafa ‘Barthez’ ambao waliokoa mabao kadhaa ya wazi kwenye mchezo huo. Kwa matokeo hayo, Simba sasa imetimiza pointi 36 hivyo inangoja kushinda mechi zake mbili za mwisho, dhidi ya Yanga na Polisi Dodoma ili kujihakikishia nafasi ya pili.
Huo ulikuwa mchezo wa marudiano wa ligi hiyo na katika mchezo wa kwanza uliofanyika Uwanja wa CCM Kirumba mjini Mwanza, Simba ilichapwa 4-1.

REKODI YA SIMBA NA TOTO:
Aprili 12/2009
Simba Vs Toto 1-0
MFUNGAJI: Jabir Aziz dk 89
Okt 19/2008
Toto Afrika Vs Simba 4-1
WAFUNGAJI:
Toto: Hamisi Msafiri dk. 8, Juma Seif dk. 28 Oscar Samuel dk. 44, Said Dilunga dk. 79
Simba: Orji Obina dk. 88
Apr 14/2008
Simba Vs Toto Afrika 3-0
WAFUNGAJI: Moses Odhiambo dk. 12, 45pen, Mohammed Kijuso dk. 51.
Okt 28/2007
Toto Afrika 3-2 Simba
WAFUNGAJI:
Toto: Philipo Alando dk. 45, 59, Said Kokoo 57(alijifunga);
Simba: Joseph Kaniki 79, Haruna Moshi 90
(Toto ilirejea Ligi Kuu msimu wa 2006/2007 na tangu hapo imekuwa mwiba mkali kwa Simba)

MGOSI APIGWA STOP NA TFF

2009-04-12T23:08:00.000-07:00

WAKATI zimebaki siku saba kabla ya mechi dhidi ya watani wao wa jadi, Yanga, klabu ya Simba imepata pigo kutokana na nyota wake mwenye ngekewa ya kuwafunga wapinzani wao hao, Mussa Hassan Mgosi kuwa hatarini kufungiwa kati ya miezi mitatu hadi 12, kwa mujibu wa kanuni za Shirikisho la Soka Tanzania (TFF).
Kanuni ya 25 ya Ligi Kuu, kifungu (e) inasema; “Mchezaji yeyote atakayempiga mchezaji mwenzake au kiongozi yeyote kabla, wakati au baada ya mchezo atafungiwa kucheza mpira kwa kipindi cha miezi 3 – 12 au atafungiwa kucheza idadi ya michezo ambayo kamati ya utendaji itaona inafaa au atalipa faini kama itakavyopangwa na kamati ya utendaji au vyote kwa pamoja,”.
Mgosi alipewa kadi nyekundu baada ya kupigana na kipa wa Mtibwa Sugar, Shaaban Kado na jana Katibu Mkuu wa TFF, Frederick Mwakalebela alisema kwamba wameziandikia barua klabu zote, kuzitahadharisha zisiwatumie wachezaji hao, hadi hapo Kamati ya Mashindano itakapokutana na kutoa uamuzi.
“Kwa kuwa ripoti za mwamuzi na Kamisaa wa mchezo huo zinaonyesha kwamba wachezaji hao walipigana, ni lazima kamati hiyo ikae kwa mujibu wa kanuni. Sasa baadhi ya wajumbe walitoa udhuru.
“Badala yake, tumewaandikia barua viongozi wa Simba na Mtibwa kuwataka kutowatumia kwanza wachezaji hao kwa michezo yao ijayo hadi hapo uamuzi utakapochukuliwa,” alisema Mwakalebela kwa njia ya simu, akiwa njiani kuelekea Iringa kwa mapumziko ya Pasaka.
Mgosi na Kado walijikuta wakipewa kadi nyekundu wakati wa mchezo baina ya timu zao uliofanyika Morogoro Machi 22 mwaka huu ambao Simba walikubali kipigo cha bao 1-0.
Mwakalebela alisema kikao cha kuwajadili wachezaji hao kilishindwa kufanyika jana kutokana na kutotimia kwa idadi ya wajumbe, lakini watahakikisha wanakutana mapema wiki ijayo.
Mbali na Mgosi, mchezaji mwingine mkongwe wa Simba, Ulimboka Alfred Mwakingwe ataukosa mchezo wa leo dhidi ya Toto Afrika, Uwanja wa Uhuru mjini Dar es Salaam kutokana na kutumikia adhabu ya kadi tatu za njano.
Lakini Mwakingwe anatarajiwa kurejea dimbani kwa ajili ya mechi dhidi ya watani wa jadi, Yanga Jumapili ijayo, akiwa mmoja kati ya wachezaji wanaowatia hofu kubwa watani wao hao.
Ulimboka alizusha balaa kubwa Oktoba 24, mwaka 2007 kwa watani wao hao wa jadi, baada ya kufunga bao pekee kwenye mchezo wa Ligi Kuu Uwanja wa Jamhuri, Morogoro wakati timu yake, Simba ikishinda 1-0.
Uli aliyepokea pasi ya Nurdin Bakari ambaye sasa anachezea Yanga, baada ya mchezo huo alisababisha wachezaji watano wasimamishwe kabla ya mmoja kufukuzwa kabisa na wengine wawili kufungiwa kwa miezi sita, wakati wawili walisamehewa baada ya kujitetea.
Aliyefukuzwa ni Edwin Mukenya, waliofungiwa ni Ivo Mapunda ambaye sasa anachezea St George ya Ethiopia na Nsajigwa Shadrack wakati waliosamehewa baada ya kujitetea ni Ben Mwalala na Amir Maftah.
Uli pia aliwahi kuwaliza Yanga Agosti 7, mwaka 2004 katika ligi hiyo wakati, Simba inaibuka na ushindi wa 2-1 dhidi ya watani.
Siku hiyo, Pitchou Kongo alitangulia kuifungia Yanga bao Uwanja wa Taifa, kabla ya Shaaban Kisiga kusawazisha dakika ya 64 na Uli kupiga la pili dakika ya 76.

TFF WAKUTANA LEO, MGOSI ATAPONA?

2009-04-11T04:26:00.000-07:00

WAKATI Ligi Kuu ya Tanzania bara inaelekea ukingoni, kamati ya mashindano itakutana leo kujadili mwenendo mzima wa ligi ikiwa ni pamoja na mchezaji Musa Hassan Mgosi na timu ya Kagera Sugar ambayo inamaliza ligi bila ya kuwa na timu ya vijana.
Katibu Mkuu wa TFF, Fredrick Mwakalebela alisema suala la Kagera Sugar kupuuza kanuni ya kuwa na timu ya vijana ikiwa ni klabu pekee ambayo inamaliza ligi bila ya kuwa na timu ya vijana.
Katika moja ya kanuni za ligi ni lazima timu ziwe na timu za vijana na timu ambayo haijafanya hivyo inachukuliwa hatua kali za kinidhamu ikiwa ni pamoja na kushushwa daraja.
Mbali na Kagera pia kamati hiyo itawajadili mchezaji wa Simba Mussa Mgosi na Shaaban Kado wa Mtibwa Sugar ambao walifungiwa kucheza michezo miwili, adhabu ambayo walishaimaliza.
Wachezaji hao walifungiwa michezo miwili baada ya kupigana wakati Simba ikicheza na Mtibwa mjini Morogoro hivi karibuni na Simba kukubali kipigo cha bao 1-0.

STARS KUJIPIMA KWA MABINGWA WA CHAN

2009-04-11T04:20:00.000-07:00

TIMU ya Soka ya Taifa ya Tanzania, Taifa Stars inatarajiwa kucheza mechi ya kimataifa ya kirafiki dhidi ya Timu ya Soka ya Jamhuri ya Kidemokrasia ya Kongo (DRC) Mei 9. Kongo ndio mabingwa wa michuano ya Kombe la Mataifa Afrika kwa wachezaji wa ndani iliyofanyika Ivory Coast Februari 22 - Machi 8. Kongo ilitwaa ubingwa wa michuano hiyo mipya kwa kuichapa Ghana mabao 2-0 katika fainali. Stars, ilishiriki kwenye fainali hizo lakini iliishia hatua ya makundi baada ya kutoka sare ya bao 1-1 na Zambia. Akizungumza na waandishi wa habari Dar es Salaam jana, Katibu Mkuu wa Shirikisho la Soka Tanzania (TFF) Fredrick Mwakalebela alisema mechi hiyo ni ya maandalizi ya mechi dhidi ya New Zealand iliyopangwa kuchezwa Juni 3. mechi zote zitachezwa kwenye Uwanja wa Taifa. “Timu hiyo ya Taifa ya Kongo itawasili hapa nchini Mei 6 ambapo itakuwa ni siku ya Jumatano ili kucheza mechi hiyo ya kupimana nguvu dhidi ya timu yetu ya hapa nyumbani,” alisema Mwakalebela. Alisema kutokana na TFF kubeba gharama za usafiri, malazi na chakula kwa timu hiyo, wamekubaliana walete kikosi bora kilichonyakua ubingwa wa CHAN pamoja na wachezaji wao wanaosakata kandanda nje ya nchi hiyo. Alisema kikosi cha Stars kitaingia kambini mapema baada ya mechi za mwisho za Ligi Kuu ya Vodacom Aprili 26 na kwamba Kocha Mkuu wa Stars Marcio Maximo aliyepo mapumzikoni Brazil anatarajiwa kurejea wiki ijayo. Mwakalebela alisema TFF inaendelea na juhudi za kuipatia Stars mechi zaidi ambapo Agosti 10 inatarajiwa kushuka tena dimbani kuumana na timu itakayotangazwa baadaye. Wakati huohuo Evance Ng’ingo anaripoti kuwa TFF leo inatarajia kuanza kufunga vifaa vya mazoezi (GYM) kwa ajili ya wachezaji wa timu za taifa za vijana, ya wakubwa na wanawake. Mwakalebela alisema kuwa vifaa hivyo vina thamani ya Sh milioni 30 na fedha hizo wamepewa na Shirikisho la Soka Afrika (CAF). Mwakalebela alisema kuwa vifaa hivyo vitafungwa katika ofisi za shirikisho hilo zilizopo Karume, Ilala na chumba kitakuwa wazi kwa ajili wa wachezaji kushiriki masaa yote.

HABARI KATIKA PICHA...

2009-04-10T08:01:00.000-07:00

Kocha Salum Mayanga wa Mtibwa Sugar akimbembeleza mchezaji wake Yussuf Mgwao

Vivosile wa Yanga, Emanuel Mpangala katikati na Majjid Suleiman kulia na Lucas Kisasa kushoto mambo.

MISS UTALII WATANGAZA TENDA...

2009-04-10T07:54:00.000-07:00

WAANDAAJI wa mashindano ya Miss Utalii Tanzania, kampuni ya Miss Tourism Tanzania Beauty Pageant na kamati ya Taifa ya Miss Utalii Tanzania,wametangaza kuwa wanatoa nafasi kwa makampuni,taasisi na watu binafsi kujitokeza kudhamini fainali za kumsaka mrembo wa Miss Utalii Tanzania mwaka 2009.
Fainali za mwaka huu zimepangwa kuanza Mwanzoni mwa mwezi Juni 2009 katika ngazi za Majimbo,Wilaya,Mikoa,Kanda na kufikia kilele chake kwa fainali za Taifa kufanyika Octoba 2009.
Kwa miaka mitano sasa tumekuwa tukiendesha mashindano haya kwa kutumia nguvu na rasilimali zetu kwani udhamini ambao tumekuwa tukiupata haukuwa ukifikia hata robo ya bajeti ya kuendesha mashindano.Hata hivyo katika kipindi chote kigumu cha miaka mitano cha kuendesha mashindano haya kwa ukata,tumeweza kuwadhihirishia si watanzania tu bali ulimwengu kwa ujumla kuwa uwezo,nia,sababu na ujuzi wa kuendesha mashindano ya urembo kwa mafanikio makubwa na ya pekee tunao.
Tunaomba wadhamini wajitokeze kwani Mashindano haya ya Miss Utalii Tanzania ndiyo pekee yenyemafanikio makubwa nay a kujivunia kuliko mengine yoyote hapa Tanzania na ukanda wa Afrika ya Mashariki na kati.Mafanikio hayo ni pamoja na:
Ø Kuwa Mashindano ya kwanza katika historia ya Tanzania kabla na baada ya uhuru kutwaa taji la Dunia,pale Miss Utalii Tanzania 2004,Witness Manwingi alipoitoa Tanzania kimasomaso kwa na kukomesha Tanzania kuwa kichwa cha mwenda wazimu katika mashindano ya urembo Dunia pale alipo twaa taji la Dunia la Miss Tourism World Africa 2005.
Ø Kuwa ndiyo mashindano pekee nchini kutwaa mataji ya dunia kila mwaka tulioshiriki mashindano ya Dunia,kwa miaka minne mfululizo tangu 2005 baada ya kutwaa taji la Dunia huko katika fainali zilizo fanyika Harare Zimbabwe,taji la pili la Dunia ni Miss Utalii Tanzania 2006 Killy Janga alipo twaa taji la dunia la Miss Tourism world SADIC 2006 katika fainali za dunia zilizo fanyika Taipei China,taji la tatu ni pale Miss Utalii Tanzania 2007 Lytha Syprian alipotwaa taji la dunia la Miss Tourism World Bikini Africa 2007 katika fainali za Dunia zilizo fanyika Antalya Uturuki,taji la nne ni pale Lily Shirima mshindi wa pili wa Miss Utalii Tanzania 2005 alipotwaa taji la dunia la Miss Tourism World Internet Africa 2006 katika fainali zilizo fanyika Great Britain ,taji la tan ni pale Miss Utalii Tanzania tena alipotwaa taji la Miss Afrika 2005 katika shindano lililofanyika Addis Ababa Ethiopia ,baada ya kuteuliwa na wizara ya Habari Michezo na Utamaduni kuwakilisha Tanzania na taji la sita ni pale mrembo huyo wa Miss Utalii Tanzania alipotwaa taji la Miss Tourism Model Of The World Personality 2006 katika fainali za dunia zilizo fanyika Tanzania 2006.
Ø Kuwa ndiyo mashindano ya kwanza kufanikiwa kuwashawishi waandaaji wa Dunia kuiteua Tanzania kwa mara ya kunza kuwa wenyeji wa fainali za dunia na kushirikisha nchi zaidi ya 100.
Ø Kuwa ni miongoni mwa Mashindano machache nchini ambayo yanasura halisi ya kitaifa kwa kufanya fainali zake kuanzia ngazi za Majimbo,Wilaya,Mikoa na Kanda kila mwaka bila ya kukosa tangu kuanzishwa kwake ,hivyo kuwa na wawakilishi wa kila mkoa tangu kuanzishwa kwake 2004.
Ø Kuwa ndiyo mashindano pekee ambayo yanatangaza vivutio vya utalii na utamaduni wa mtanzania kimataifa na kitaifa,hivyo kuwa hazina na benki kubwa ya utamaduni wa mtanzania kwa manufaa ya sasa na baadae ya Tanzania na watanzania.
Tunaamini kuwa mafanikio haya na mengine mengi ambayo hatujayataja ni kielelezo dhabiti kuwa,wakati sasa umefika ,tena wakati sahihi kwa watanzania,makampuni na mashirika binafsi nay a umma ya kizalendo nay a kigeni kutuunga mkono kwa hali na mali ili tuweze kufanya makubwa zaidi kwa manufaa ya Taifa,watanzania na wadhamini watakaojitokeza.
Tumejiwekea malengo kuanzia mwaka huu kulifanya shindano hili kuwa ndilo bora zaidi hapa nchini na Duniani kwa ujumla,tumedhamilia kutwaa taji la Dunia yani la Miss Tourism world 2009 na la Miss World Heritage 2009 baada ya mfululizo wa mataji ya miaka ya nyuma ili kuandika na kubadilisha historia ya mashindano ya urembo nchini kwa mara nyingine.Kikwazo kwetu cha kufikia malengo haya ni kukosa udhamini unaofikia angalau asilimia 60% ya au hata 50% bajeti ya mwaka.Hakika tunaomba wadhamini wajitokeze ili ndoto ya kutwaa mataji makuu ya dunia yaweze kutimia.
Katika kuhakikisha hayo yanafanyika ,tumeimarisha uongozi na kamati ya Taifa kwa kuteua wajumbe wenye uzoefu na uwezo mkubwa katika fani ya Michezo na urembo kitaifa na kimataifa pia tumechukua hatua ya kuimarisha ngazi za mawakala wa mikoa ,wilaya,kanda na majimbo. Kubwa zaidi ni kwamba tayari tumeingia makubaliano na moja ya kituo kikubwa cha televisheni na redio mbili nchini amcho kitarusha matangazo ya moja kwa moja mashindano yote ya mikoa,kanda na Taifa,huki matangazo ya mashindano hayo yakifanyika na kujumuisha wadhamini kwa siku 21 kabla ya kila shindano la ngazi husika katika Televisheni na Redio,hii itatoa fulsa ya pekee kwa wafanyabiashara makampuni na watoa huduma mbalimbali kujitangaza karibu bara zima la Afrika ambako televisheni na Redio hizo zinasikika kwa uhakika.
Tunaomba wadhamini ambao wako tayari kudhamini fainali za ngazi yoyote wawasiliane na Rais wa Mashindano haya Gideon Chipungahelo,au wajumbe wa kamati ya taifa ambao ni pamoja na Henry Tandau mwenyekiti wa Kamati,venance Mwamoto Katibu wa Kamati,Sara Ramadhani Mjumbe,Dotnata (Husna Mohamedi) mjumbe,Tomas Bangu Mjumbe,Kinjikitile ngombalemwilu Mjumbe,bahati singh mjumbe na au mawakala wetu walioko mikoani na au Baraza la Sanaa la Taifa (BASATA). (pichani kushoto ni Rais wa Miss Utalii Tanzania, Gideon Chipungahelo 'Chips')

NGASSA: NITAJITUMA KWA BIDII YANGU YOTE

2009-04-10T07:46:00.000-07:00

MRISHO Khalfan Ngassa anayeondoka Jumapili hii kwenda England kufanya majaribio katika klabu ya West Ham United, amesema kwamba atafanya bidii ili kuhakikisha ananunuliwa na klabu hiyo.

Akizungumza na bogostaz leo, Ngassa amesema kila kitu kipo safi na anakwenda akiwa fiti kimwili na kiakili, hivyo ana matumaini ya kukata kiu yake, ambayo ni kununuliwa na klabu hiyo.

"Nitajituma kwa bidii yangu yote, nifanya vizuri na nipate mkataba na West Ham,"alisema Ngassa atakayeondoka na wakala wake, Yussuf Bakhresa. bongostaz inamtakia kila heri dogo huyu mwenye kipaji na kasi uwanjani kama Gianfranco Zola enzi zake, ambaye sasa anaifundisha West Ham. (Pichani Ngassa akiwa na kocha Msaidizi wa Taifa Stars, Ally Bushiri)

MARSH: HAKUNA WA KUFURUKUTA TENA KWA AZAM

2009-04-10T07:36:00.000-07:00

KOCHA wa Azam FC, Sylvester Marsh aliyechukua mikoba kuinoa timu hiyo baada ya kutimuliwa kwa Neider dos Santos, amesema hivi sasa wanahitaji kushinda zaidi ili kujitengenezea mazingira mazuri ya kubaki Ligi Kuu msimu ujao.
Azam hivi sasa imefikisha pointi 25 sawa na Toto African baada ya juzi kuichapa Yanga mabao 3 - 2.
Mash alisema wanahitaji kushinda michezo yao yote iliyobaki ili waweze kutuliza akili na kupanga mambo mapya ya msimu ujao wa Ligi.
"Ujue kwenye soka lolote linaweza kutokea hivyo ni lazima tukaze buti, unaweza ukasema nitabaki kwenye ligi lakini gafla upepo ukabadilika ukashangaa unashuka.
"Maadamu tumeshinda mechi hii naamini tuna uwezo wa kushinda mechi nyingine zijazo ili tujihakikishie nafasi kamili ya kubaki kwenye ligi na tuendelee na mipango mingine.
Alisema ushindi wa mechi dhidi ya Yanga umechangiwa na kujituma kwa wachezaji ambao walikuwa wamepania ushindi.
"Kipindi cha kwanza tulizidiwa lakini kipindi cha pili wachezaji wangu walibadilika na kuweza kucheza vizuri hivyo kutupa ushindi huo najua Yanga walishadhani wamemaliza baada ya kuongoza kwa mabao 2 - 0 lakini kwenye mpira hutakiwi kuwa hivyo, unapambana mpaka filimbi ya mwisho ya mwamuzi" alisema Mash.
Azam imebakiza michezo mitatu dhidi ya Kagera Sugar, Prisons na Toto African. (Pichani kushoto ni Marsh akiwa Marcus Tinocco, Mbrazil aliyekuwa kocha wa timu za taifa za vijana Tanzania)

PRISONS ILIPOBANWA NA JKT RUVU DAR...

2009-04-10T07:33:00.000-07:00

Mshambuliaji wa timu ya Prisons ya Mbeya, Ramadhan Katamba (kushoto) akiwania mpira na Kessy Mapande wa JKT Ruvu wakati wa mechi ya Ligi Kuu ya Tanzania Bara iliyofanyika kwenye Uwanja wa Uhuru, Dar es Salaam jana. Timu hizo zilitoka sare ya 1-1.

ETI KIPIGO CHA AZAM KIMEMUUMA SANA KISASA YANGA

2009-04-10T07:25:00.000-07:00

KATIBU Mkuu wa Yanga, Lucas Kisasa amesema kipigo ilichokipata timu yake kutoka kwa Azam FC katika mechi ya Ligi Kuu Bara juzi, ni cha aibu. Yanga, ambayo tayari imeshatwaa ubingwa wa ligi hiyo ikiwa na pointi 47, juzi ilichapwa mabao 3-2 na Azam katika mfululizo wa mechi za Ligi Kuu, mechi hiyo ilichezwa kwenye Uwanja wa Uhuru, Dar es Salaam. Akizungumza na gazeti hili jana, Kisasa alisema alikasirika baada ya matokeo hayo, kwani alitarajia timu yake isingepoteza mechi hata moja baada ya kutwaa ubingwa. “Nilikasirika sana sikufichi, ni aibu kufungwa mabao matatu, hata kama tumefungwa 3-2 lakini mabao hayo ni mengi, hata kocha (Dusan Kondic) alikasirika sana,” alisema Kisasa. Alisema, lengo lilikuwa kumaliza ligi wakiwa wamefikisha pointi 60 na kwamba walipanga kumaliza msimu wakiwa wamefungwa mechi moja dhidi ya Kagera Sugar. “Lakini hilo ni funzo, sasa naona wachezaji wamejifunza haiwezekani wewe mwenzako anataka kushuka daraja halafu unamlegezea, ile mechi ilikuwa muhimu sana kwa Azam maana wakicheza watashuka daraja,” alisema. “Yanga ilicheza vizuri lakini mwishoni wakalegeza na hayo ndio matokeo yake sasa, lakini hatufungwi tena na hivi leo (jana) tunaenda Dodoma,” alisema. Aidha Kisasa alisema si kweli kama baadhi ya watu wanavyodai kwamba mechi hiyo ilikuwa hujuma. “Niamini, hakuna mchezaji wa Yanga aliyehujumu mechi, nakwambia kama wangehujumu mimi nawajua wachezaji, ningegundua tu, kwanza ukiwaona hata wao waliumia sana,” alisema. Yanga kesho inatarajiwa kucheza na Polisi Dodoma kwenye Uwanja wa Jamhuri mjini humo. Kwa ushindi wa Azam, timu hiyo sasa inaanza kujinasua kwenye timu zitakazoshuka daraja kwani sasa iko nafasi ya nane kwenye msimamo wa ligi ikiwa imefikisha pointi 25. Timu zilizo kwenye hatari zaidi ya kushuka daraja ni Moro United yenye pointi 16, Polisi Dodoma na Villa Squad zenye pointi 15 kila moja. Timu zinazoshuka daraja ni tatu. Polisi Moro inashika nafasi ya nne kutoka chini ikiwa na pointi 22. Naye Evance Ng’ingo anaripoti kuwa timu za JKT Ruvu na Prisons ya Mbeya jana zilifungana bao 1-1 katika mchezo wa ligi hiyo uliofanyika Uwanja wa Uhuru, Dar es Salaam. JKT Ruvu ilikuwa ya kwanza kupata bao dakika ya 25 mfungaji akiwa Greyson Haule kwa shuti kutokana na pasi ya Bakari Kondo. Prisons ilisawazisha dakika ya 73 mfungaji akiwa Summa Ado kwa njia ya penalti baada ya Yona Ndabila kuchezewa madhambi. Kwa matokeo hayo, JKT Ruvu imefikisha pointi 26 ikishika nafasi ya sita katika msimamo wa ligi, wakati Prisons imefikisha pointi 29 ikiwa nafasi ya tatu.(IMETOKA GAZETI LA HABARI LEO)

YANGA KUENDELEA KUGAWA POINTI KESHO?

2009-04-10T07:05:00.000-07:00

TANGU imetwaa ubingwa wa Ligi Kuu ya soka ya Vodacom Tanzania Bara, Yanga ya Dar es Salaam haijawahi kushinda mechi, jambo ambalo linachukuliwa kama inacheza ili kukamilisha ratiba tu.

Ilijihakikishia ubingwa baada ya kuifunga Toto Afrika mjini Mwanza na kutimiza pointi 46, ambazo haziwezi kufikiwa na timu yoyote, wakati katika mechi iliyofuata ilitoa zawadi ya pointi moja kwa Kagera Sugar inayopigania nafasi ya pili, kabla ya kuwapa pointi zote tatu Azam FC waliozihitaji ili kujihakikishia kubaki Ligi Kuu msimu ujao. Yanga ambayo baada ya kuilaza Toto 2-1 mjini Mwanza ilikwenda kulazimishwa sare ya 1-1 na Kagera nyumbani, Dar es Salaam kabla ya kufungwa 3-2 na Azam, kesho inamenyana na Polisi Dodoma inayopigana kuepuka balaa la kushuka daraja.

Wachezaji watano tegemeo wa Yanga, ambvao Aprili 19, mwaka huu itamenyana na watani wao wa jadi, Simba wamebaki Dar es Salaam, kutokana na kuwa majeruhi.

Hao ni mabeki Nsajigwa Shadrack, Hamisi Yussuf, George Owino na kiungo Amir Maftah.Je, Yanga itaamua kufanya kweli kesho au itaendelea kugawa pointi? bongostaz inasubiri kuona mambo yatakuwaje hapo kesho. (Pichani kushoto ni kipa anayetarajiwa kudaka leo, Juma Kaseja)

YANGA BILA MZUNGU ITAPONA KWELI?

2009-04-09T01:21:00.000-07:00

KIPA aliyedaka katika mechi ya Yanga dhidi ya watani wao wa jadi, Simba Mserbia Obren Curkovic hivi sasa yuko kwao Serbia kabla ya kwenda Austria kufanya majaribio ya kucheza soka hya kulipwa huko.Kuondoka kwa kipa huyo ina maana sasa Yanga imebakiwa na makipa wawili tu, Juma Kaseja na Steven Malashi aliyesajiliwa kutoka kikosi cha pili.

Aprili 19, mwaka huu Yanga itakuwa na mtihani mgumu mbele ya watani wake hao tena, Simba ambao watapigana kufa na kupona ili washinde mechi hiyo na kupata nafasi ya pili kwenye msimamo wa Ligi Kuu ya Vodacom Tanzania Bara.

Simba inaitaka nafasi hiyo kwa udi na uvumba ili iiwakilishe nchi katika michuano ya Kombe la Shirikisho Afrika mwakani, baada ya mwaka huu kuwa benchi wakizishuhudia Yanga na Prisons zikifanya vkitu vyao.

Bila shaka, Juma Kaseja ndiye anayepewa asilimia kubwa ya kuwa langoni siku hiyo, kipa huyo aliyeidakia Simba tangu mwaka 2002 kabla ya kuhamia Yanga mwaka jana, hakika ndiye aliyebeba matumaini ya wana Jangwani kwa sasa kuelekea kwenye mchezo huo.

Je, ataweza kusimama langoni kwa dakika 90 bila kuruhusu bao kama ilivyokuwa kwa Obren Oktoba 26 mwaka jana, wakati bao pekee la Ben Mwalala linaipa Yanga ushindi wa 1-0?

Bila shaka hilo ni jambo la kusubiri na kuona, lakini dhahiri kiu ya Yanga ni kurudia kuifunga Simba Aprili 19, ili wadhihirishe kwamba hawakubahatisha Oktoba 26, mwaka jana na sasa wamefuta kabisa uteja wao kwa watani wao hao wa jadi, ambao wamekuwa wakiwafunga mfululizo tangu mwaka 2004. bongostaz tunasema tunasubiri wakati ufike tuone mambo yatakuwaje siku hiyo.

YANGA YAIZAWADIA POINTI TATU AZAM, YAJIEPUSHA NA BALAA LA KUHSUKA DARAJA

2009-04-09T00:55:00.001-07:00

AZAM imetoka kifua mbele baada ya kuifunga Yanga mabao 3-2 katika mechi ya Ligi Kuu, iliyofanyika kwenye Uwanja wa Uhuru, Dar es Salaam.
Mabao mawili ya Boniphace Ambani yaliyomfanya kufikisha mabao 16, yalifutwa na Yahaya Tumbo aliyefunga mawili na Shaaban Kisiga na kuifanya Azam kujiongezea pointi tatu na kufikisha pointi 25 na hata kulikimbia janga la kushuka daraja.
Mchezo huo ulioanza taratibu kwa pande zote kufanya mashambulizi ya hapa na pale, japokuwa haukuwa na mashambulizi ya hapa na pale.
Yanga ilikuwa ya kwanza kuandika bao katika dakika ya 27 lililowekwa kimiani na Ambani kwa shuti kali baada ya kuwachambua mabeki wa Azam na kuachia kombora lililompita kipa, Vladmir Niyonkini. Dakika 11 baadaye, Mike Baraza akiwa na kipa huyo, alipaisha mpira.
Hapo kabla, dakika ya 20, Philip Arando aliachia fataki lililodakwa na Juma Kaseja na dakika tatu baadaye Osmund Monday alikosa bao baada ya Kaseja kupangua shuti lake.
Azam ilishambulia kwa nguvu na katika dakika ya 39, mwamuzi Oden Mbaga aliwapa Azam penalty baada ya Arlando kuangishwa ndani ya eneo la hatari, lakini hata hivyo, Kaseja alipangua penalti ya Monday.
Yanga ilifunga bao la pili katika dakika ya 43, kupitia kwa Ambani baada ya kupata krosi ya Baraza.
Kipindi cha pili Azam walifanya mabadiliko kwa kumtoa Alando na kumuingiza Yahaya Tumbo ambaye aliipatia Azam bao la kwanza katika dakika ya 54 kwa kichwa baada ya kuunganisha mpira wa kichwa wa Danny Wagaruka.
Dakika sita baadaye, Shaaban Kisiga aliisawazishia timu yake kwa kichwa baada ya kuunganisha wavuni kwa kichwa mpira wa kona uliopigwa na Wagaruka.
Katika dakika ya 66, Tumbo aliipatia timu yake bao la tatu baada ya kuachia mkwaju uliopanguliwa na Kaseja na kumkuta tena akaukwamisha wavuni.
Azam walipata penalti katika dakika ya 80 baada ya Castory Mumbala kuunawa mpira ndani ya eneo la hatari lakini Kisiga akakosa penalti hiyo iliyopanguliwa na Kaseja. Hata hivyo, Azam ilipata pigo dakika mbili baadaye baada ya Nsa Job kulimwa kadi nyekundu. Awali alionyeshwa kadi ya njano.
Kocha wa Azam, Itamar Amourin alisema timu yake imecheza vizuri na walijua kuwa watashinda mchezo huo kutokana na ari ya wachezaji wake.
Kocha wa Yanga, Dusan Kondic aligoma kuzungumzia mchezo huo.

LUNDENGA AUNGURUMA DAR

2009-04-09T00:55:00.000-07:00

KUTOKANA na kauli mbiu ya kumtafuta Miss Tanzania mwaka huu kulenga sekta ya utalii, Mratibu wa Mashindano ya Miss Tanzania, Hashim Lundenga amewataka mawakala kuwahamasisha wananchi kuwa na tabia ya kutembelea maeneo ya vivutio.
Akizungumza jana, Lundenga alisema mawakala hao inawabidi kuwa wabunifu wa kugundua sehemu muhimu ambazo ni za asili na wananchi wamezisahau kufanya matembezi na kugundua nini asili ya sehemu fulani.
Alisema:"Mtanzania wa sasa atashindwa kueleza asili ya nchi yake kwa kutokufahamu maeneo yenye vivutio na hata maeneo ya asili ikiwemo hifadhi za kale."
Akizitolea mifano sehemu za kiasili kama maeneo ya kihistoria Watanzania watenbelee na hii pia itasaidia kukuza uchumi wa Watanzania wenyewe na si kusubiri wageni.
Alisema mawakala hao inabidi wawe na ushirikiano na mamlaka husika kama mbuga za wanyama na wanapokwenda waongee na wakuu wa Mikoa na Wilaya watembelea sehemu za vivutio hivyo wasiwe wavivu na wapeleke taarifa na mipango yao kwa kutangaza utalii kwa jamii. Mawakala hao walichaguliwa kutoka mikoa na kanda mbalimbali wapao 30 na kupatiwa semina ya siku mbili kuhusiana na utalii pamoja na masuala ya urembo.

SIMBA WAPATA AJALI WAKITOKEA BUKOBA

2009-04-07T05:21:00.001-07:00

WACHEZAJI wa Klabu ya Simba ya Dar es Salaam juzi usiku walipata ajali wakiwa njiani kurejea nyumbani, kutoka Bukoba walikokwenda kumenyana na wenyeji Kagera Sugar ambako waliibuka na ushindi wa mabao 2-0.
Akizungumza kwa simu kutoka eneo la tukio, mchezaji mwandamizi wa Simba, Ulimboka Alfred Mwakingwe alisema kwamba basi la abiria walilokuwamo, liligonga ng’ombe maeneo ya Kahama hivyo kulazimika kusimama kwa muda kuweka mambo sawa.
“Kwanza wanatengeneza tengeneza kule mbele, maana kumeharibika, yaani hii leo tulitegemea tungelala Dodoma, lakini kwa hali ilivyop sijui kama tutaweza,”alisema Mwakingwe majira ya saa 1.30 usiku juzi, alipozungumza na DIMBA.
Wachezaji hao wa Simba, wakati wanakwenda pia Bukoba, ilielezwa kwamba walitaka kuvamiwa na kutekwa na majambazi, katika pori moja eneo la Biharamulo, lakini jitihada za askari mmoja aliyefyatua risasi ziliwaokoa na wakaweza kuepuka jaribio hilo.
Simba iliyotarajiwa kutua jana mjini Dar es Salaam, moja kwa moja itaanza kujinoa kwa ajili ya mchezo wao wa Ligi Kuu ya Vodacom Tanzania Bara, dhidi ya Toto Afrika ya Mwanza, kwenye Uwanja wa Uhuru, zamani Taifa Jijini Jumapili.
Simba yenye pointi 33 sasa, inahitaji kushinda mchezo na mingine miwili iliyosalia dhidi ya Polisi Dodoma na Yanga, ili kujihakikishia nafasi ya pili kwenye msimamo wa Ligi Kuu, ambayo itawawezesha kushiriki michuano ya Kombe la Shirikisho la Soka Afrika (CAF), mwakani.
Katika nafasi hiyo, Simba inafukuziwa na Mtibwa Sugar ya Morogoro yenye pointi 31, Kagera Sugar ya Bukoba na Prisons ya Mbeya, ambazo kila moja ina pointi 28.
Tayari ubingwa wa Ligi hiyo umekwishachukuliwa na Yanga iliyofikisha pointi 47, ambazo haziwezi kufikiwa na tim yoyote.

POLISI WAKAMATWA KWA KULANGUA TIKETI ZA YANGA NA AL AHLY

2009-04-07T05:21:00.000-07:00

ASKARI Polisi wawili wametiwa mbaroni jijini Dar es Salaam kwa tuhuma za ulanguzi wa tiketi za mchezo wa Yanga na Al Ahly uliochezwa mwishoni mwa wiki iliyopita.
Katika mchezo huo, Sh182,787,000 zilipatikana na Yanga kuchuma Sh100,532,850 kati ya hizo kutokana na pambano hilo la Jumamosi iliyopita.
Wawakilishi hao wa Tanzania walijikuta wakishindwa kuhimili vishindo vya Waarabu na kulazwa bao 1-0 na kusukumiwa nje ya michuano ya Afrika kwa maba0 4-0.
Askari hao waliokuwa wakisimamia uuzaji wa tiketi za mchezo huo, kituo cha Ubungo wanashikiliwa makao makuu ya jeshi hilo baada ya kukamatwa wakijihusisha na ulanguzi wa tiketi hizo ambazo walizinunua kwa Shilingi 3,000 na kuziuza kwa Shilingi 3,500 na 4,000.
Katibu Mkuu wa Shirikisho la Soka Tanzania (TFF), Fredrick Mwakalebela alisema jana kuwa shirikisho lake limewasilisha majina ya askari polisi hao na namba zao kwa mwajiri wao na tayari wameshaanza kuhojiwa kutokana na kujihusisha na ulanguzi huo wa tiketi, kitendo ambacho kimetafsiriwa kama hujuma.
Siku moja kabla ya mchezo huo, uongozi wa Yanga kupitia kwa katibu mkuu wake, Lucas Kisasa ulitahadharisha watu kutojihusisha na ulanguzi wa tiketi na kueleza kuwa atakayepatikana atajuta kuifahamu dola.
Kauli hiyo ya Kisasa, kwa mujibu waTFF ilionekana kupuuzwa na askari hao ambao walipewa jukumu la kuhakikisha wanadhibiti vitendo hivyo ikiwemo kulinda amani sehemu za uuzaji wa tiketi.
"Polisi ndio tunaowategemea katika kutulindia tusihujumiwe mapato, lakini ndio hao hao baadhi yao wamekuwa si waaminifu wamekuwa mstari wa mbele kutuhujumu, tutahakikisha hao waliokamatwa watakuwa mfano wa wenzao wenye tabia kama yao kuacha," alieleza kiongozi huyo wa TFF.
Wakati huo huo, shirikisho hilo limelaani kitendo cha mashabiki wa Simba kuishangilia Al Ahly wakati wa mchezo wao dhidi ya Yanga na kudai kuwa wamekosa moyo wa kizalendo.
"Ni kweli mashabiki wanao uhuru wa kushangilia timu wanayoipenda, lakini wenzetu hawa walivuka mpaka na kupitiliza wakafikia hatua ya kubeba hata bendera ya nchi ya wenzetu (Misri), kitendo kile si cha kiuanamichezo.
"Kuna wakati pamoja na kwamba kila mtu ana uhuru wa kushangilia timu anayoitaka inapofika suala la utaifa, lazima busara itumike zaidi,"alisema Mwakalebela.

SIMBA YAKAMATA NAFASI YA PILI

2009-04-04T22:40:00.000-07:00

MABAO mawili yaliyofungwa na mshambuliaji Mnigeria, Emeh Ezuchukwu (pichani) jana yaliipa Simba ushindi 2-0 katika mchezo wa Ligi Kuu ya Vodacom Tanzania Bara dhidi ya wenyeji Kagera Sugar, kwenye Uwanja wa Kaitaba, Bukoba.

Kwa ushindi huo, Simba imetimiza pointi 33 baada ya kucheza mechi 19 hivyo kukalia nafasi ya pili kwenye ligi hiyo, ambayo tayari ubingwa wake umekwishachukuliwa na Yanga.

Kagera imeporomoka hadi nafasi ya nne sasa, kwani Mtibwa Sugar iliyoshinda 3-0 dhidi ya Moro United imepanda hadi nafasi ya tatu kwa pointi zake 31.

Kagera ikmebaki na pointi zake 28 na sasa ina kazi kubwa ya kuhakikisha inashinda mechi zake zote zilizosalia ili kupigania nafasi ya pili, huku pia ikiziombea dua mbaya Simba na Mtibwa.

KONDIC KUUZA WACHEZAJI 11 YANGA

2009-04-04T22:29:00.000-07:00

KOCHA wa klabu ya Yanga ya Dar es Salaam, Profesa Dusan Kondic (pichani kulia) amesema kwamba baada ya kutolewa katika Ligi ya Mabingwa Afrika sasa ana mipango miwili mikubwa, ambayo ni kuuza wachezaji na kuanza kutengeneza timu ya msimu ujao.
Katika mahojiano maalum na bongostaz New Africa Hotel, mjini Dar es Salaam jana usiku, kocha huyo raia wa Serbia alisema kwamba tayari ana ‘dili’ za kuuza wachezaji 11, sita zikiwa za uhakika zaidi.
Aliwataja wachezaji walio sokoni zaidi kuwa ni kipa Mserbia Obren Curkovic anayetakiwa Austria, mabeki Nsajigwa Shadrack anayetakiwa Albania, Nurdin Bakari, George Owino wanaotakiwa Serbia, kiungo Mrisho Ngassa anayetakiwa Uingereza, Israel na nchi Scandinavia na mshambuliaji Boniphace Ambani anayetakiwa China.
“Hawa ninaokuambia mambo yao yako safi kabisa, lakini kuna wengine wanne nao mipango iko katikat hadi sasa, najua nikiuza hawa wachezaji nitaiingizia Yanga fedha nyingi na tutapata fedha za wachezaji wengine imara kwa ajili ya msimu ujao,”alisema kocha huyo wa zamani wa Primiero de Agosto ya Angola.
Kondic aliwataja wachezaji wengine kuwa ni Mike Barasa, Hamisi Yussuf na Nadir Haroub ‘Cannavaro’ wanaotakiwa Canada, wakati Jerry Tegete na Kiggi Makasy alisema muda si mrefu atajua wanakwenda wapi, amekwishawaombea nafasi kadhaa.
Mbali na mpango huo, Kondic alisema kwamba pia ameanza mchakato wa kutengeneza timu ya msimu ujao na katika mechi zilizosalia za Ligi Kuu ya Vodacom Tanzania Bara, ambayo tayari klabu yake imekwishatwaa ubingwa, atakuwa akiwapa nafasi chipukizi zaidi.
Alisema anao chipukizi watano aliowatoa timu B, ambao amewapandisha kikosi cha kwanza na wataanza kuonekana kwenye mechi za Ligi Kuu.
Aliwataja chipukizi hao kuwa ni viungo Nurdin Msigwa, Razack Khalfan na mshambuliaji Iddi Mbaga ambao wapo kwenye usajili wa kikosi cha kwanza msimu huu, wakati wengine aliwataja kwa jina moja moja tu, Sunday na Edward.
“Edward ni kiungo na Sunday ni mshambuliaji, nilikwishaanza kuwaunganisha na kikosi cha kwanza mara moja moja, ila sasa watajiunga rasmi moja kwa moja,”alisema.
Aidha, Kondic alisema kwamba atazitumia pia mechi zilizobaki za Ligi Kuu ya Vodacom Tanzania Bara, kujua ni wachezaji gani anastahili kubaki nao kikosini baada ya wale anaowauza na kufanya tathmini ya wachezaji anaowataka kutoka timu nyingine, ikiwemo nje ya nchi.
“Pamoja na matatizo, bado nina mipango mizuri tu ya kuifanya Yanga iwe zaidi ya hapa, hakuna ubishi kwa hapa Tanzania sisi ndio timu bora, kocha wa Ahly aliniambia, Yanga ni moja ya timu tano bora za Afrika, tumewapa ushindani wa kweli na wametuheshimu.
Kwangu msimu utaisha siku tunacheza mechi ya mwisho, baada ya hapo ni moja kwa moja kuanza mikakati ya msimu mpya, kwa misimu hii miwili nimejifunza mengi Tanzania,”alisema Kondic anayesaidiwa na Waserbia wenzake, Spaso Sokolovoski na Civojnov Serdan.
Wakati Ligi Kuu inaelekea ukingoni, Yanga tayari imekwishatwaa ubingwa, kutokana na kufikisha pointi ambazo haziwezi kufikiwa na klabu yoyote, 47, kwani zote zikijitutumia zitafikisha 45 tu.
Yanga iliyotolewa Ligi ya Mabingwa Afrika, Raundi ya Kwanza na Al Ahly ya Misri kwa jumla ya mabao 4-0, imebakiza mechi nneza Ligi Kuu, ambazo ni dhidi ya Azam mjini Dar es Salaam, keshokutwa, Polisi mjini Dodoma Jumamosi, watani wao wa jadi, Simba ama Aprili 19 au 23 na Villa Squad Aprili 26.

...Yanga, Ahly waingiza Mil 182

MCHEZO wa marudiano Ligi ya Mabingwa Afrika kati ya Yanga na Al Ahly ya Misri umeingiza Sh 182, 787,000 na Yanga kupata Sh 100, 532, 850, wachezaji wa timu hiyo hawatopata kitu, imefahamika. Kulingana na mchanganuo uliotolewa jana na Katibu Mkuu wa Yanga ya Dar es Salaam, Lucas Kisasa, alipokuwa akizungumza na waandishi wa habari ni kuwa makisio ya Yanga ilikuwa kupata Sh 305, 440,000 kama wangeuza tiketi zote 55,748. Hata hivyo alieleza kuwa tiketi zilizouzwa ni 43,481 na kwamba katika mgawanyo huo Uwanja wa Taifa ulipata Sh 36,557,400, ambazo ni sawa na asilimia 20 ya mapato na Sh 18,278,700 zilikuwa gharama za mchezo ambazo ni asilimia 10. Shirikisho la Soka Tanzania (TFF), lilipata asilimia 10, ambazo ni Sh 18,278, 700 huku Shirikisho la Soka Afrika (CAF), likikusanya Sh 9,139, 350 ambazo kwa mujibu wa Kisasa ni sawa na asilimia tano ya mapato na Yanga imepata asilimia 55 ambayo ni Sh 100, 532, 850. Hata hivyo Kisasa hakuzungumzia suala la mgawanyo wa mapato hayo kwa wachezaji wao, wakati wa mkutano huo, lakini alipobanwa nje ya mkutano, alieleza kuwa suala la wachezaji ni mambo ya ndani ya klabu. Lakini wakizungumza kwa nyakati tofauti jana, baadhi ya wachezaji wa Yanga walisema licha ya kuingiza fedha hizo wao hawatapewa chochote kutokana na kufungwa bao 1-0 katika mchezo huo. "Viongozi wameweka utaratibu kwamba timu ikishinda kuna asilimia ya mapato tunachukua, pia tukitoka sare nayo tunachukua asilimia fulani, lakini tukifungwa hatuchukui chochote. "Hilo halina ubishi kwamba tumeumia, lakini tunajaribu kuwashawishi viongozi wetu watutizame katika hili, maana kama zimeingia Sh milioni 100, tunapaswa angalau kufikiriwa, maana tumepambana sana, ila bahati haikuwa yetu," alisema mchezaji mmoja mwandamizi na kuungwa mkono na wenzake. Naye mchezaji mwingine mahiri wa timu hiyo aliyejijengea jina katika muda mfupi, alisema mfumo wa asilimia huwa unawaumiza na kueleza kuwa wana imani kulingana na mapato yaliyopatikana mwishoni mwa wiki, wachezaji watafaidika vya kutosha na kueleza kuwa mapato ya Uwanja wa Taifa ni tofauti na Uwanja wa Uhuru, kwani idadi ya watazamaji inatofautiana. Hata hivyo wachezaji hao wa Yanga walitofautiana kuhusiana na asilimia ambazo wanapata kama wakishinda, ambapo baadhi walisema ni asilimia 60, huku wengine wakisema asilimia 30 ya mapato na kwamba timu ikitoka sare ni asilimia 10. Wachezaji hao walipewa Sh 500,000 kila mmoja ikiwa ni motisha kabla ya mchezo wa Jumamosi. Alipotafutwa baadaye Kisasa, simu yake ilikuwa ikiita bila kupokewa na alipotafutwa Mwenyekiti wa Yanga, Iman Madega, atoe ufafanuzi, alisema alikuwa nje ya Dar es Salaam na asingeweza kutoa msaada wowote kwa wakati huo, kwani hakuwa akielewa kinachoendelea. Lakini jana, Katibu huyo alikaririwa na gazeti moja akisema klabu hiyo ilitumia zaidi ya Sh milioni 100 kwa maandalizi ya mchezo huo, ambapo ilitupwa nje ya michuano ya Ligi ya Mabingwa Afrika kwa jumla ya mabao 4-0 na Al Ahly ya Misri, baada mchezo wa kwanza kufungwa mabao 3-0 na ziliporudiana ilifungwa bao 1-0 na kwamba ilikuwa na madeni.Viingilio katika mchezo huo vilikuwa Sh 30,000, Sh 20,000, Sh 5,000 na Sh 3,000. Wakati huohuo, Katibu Mkuu wa TFF, Fredrick Mwakalebela alisema polisi wawili walikamatwa wakituhumiwa kulangua tiketi za Sh 3000 katika mchezo huo na kwamba wanashikiliwa na Jeshi la Polisi kwa mahojiano zaidi. Katika hatua nyingine, Yanga leo inarejea katika Ligi Kuu Tanzania Bara, itakapocheza na Azam FC katika mfululizo wa ligi hiyo kwenye Uwanja wa Uhuru Dar es Salaam. Yanga ambayo tayari imeshatwaa ubingwa ikiongoza ligi ikiwa na pointi 47, inakutana na timu iliyopo nafasi ya tano kutoka chini katika msimamo wa ligi, ikiwa na pointi 22 na ipo katika hatari ya kushuka daraja. Ni wazi mchezo huo utakuwa na ushindani wa aina yake, hasa baada ya Azam kufungwa mabao 3-0 na Simba katika mchezo wake wa mwisho, wakati Yanga ilifungana bao 1-1 na Kagera Sugar. Kama Azam itafungwa leo itakuwa imejiweka katika nafasi mbaya kwenye janga la kushuka daraja, kwani timu za Polisi Dodoma, Moro United na Villa Squad zinazoshika nafasi za chini katika msimamo, zinaweza kuzipita pointi za Azam kama zikishinda michezo yao iliyobaki. Timu tatu za chini zitashuka daraja.

MATOLA AMPA VID0NGE MWAKALEBELA

2009-04-04T10:08:00.000-07:00

Matola akiwa na Emanuel Gabriel katikati na Shekhan Rashid kulia enzi zao Simba SC

KIUNGO wa zamani wa klabu ya Simba ya Dar es Salaam, Suleiman Abdallah Matola amemtaka Katibu Mkuu wa Shirikisho la Soka Tanzania (TFF), Frederick Mwakalebela kuwaheshimu wachezaji wa zamani na kuwawekea utaratibu mzuri wa kuingia bure kwenye mechi.Akizungumza na mjini Dar es Salaam, Matola alisema kwamba wapo wachezaji ambao kweli hawakufikia hatua kubwa ya kutoa mchango wao kwa taifa hili, lakini kuna wengine kutokana na uwakilishi wao enzi zao dimbani, ni jambo la aibu kuwazuia japo tu kuingia uwanjani bure.ÒNani asiyeujua mchango wangu kwa taifa hili, kibaya zaidi nilizuiliwa kuingia katika mchezo ambao timu zote nimezichezea, (Simba Vs Azam). Mimi nimecheza Simba kwa mafanikio makubwa, nimenyanyua mataji kibao pale Msimbazi. Nilikuwa nachomwa sindano za ganzi ili niichezee Simba.Hiyo Azam inacheza Ligi Kuu msimu huu, mimi ndio nimeipandisha na baada ya hapo nikaamua kuachana na mpira. Lakini eti nazuiliwa kuingia, tena nazuiliwa na mtu ambaye ananijua fika na anautambua mchango wangu katika soka ya nchi hii, Msafiri Mgoyi (Mjumbe wa TFF, anajulikana kama Ahmad Mgoyi).Kwa kweli kimeniuma sana, na si mimi eti hata Edibily (Lunyamila) anazuiliwa kuingia uwanjani? Hii kwa kweli Mwakalebela lazima aelewe hatutendei haki wachezaji ambao tumeifanyia mambo makubwa nchi hii,Óalisema Matola.Kiungo huyo alisema kwamba TFF inapaswa kuwawekea utaratibu maalum wachezaji wa zamani ambao wamo kwenye rekodi za kitaifa, kwenda kuchukua tiketi za kuingia uwanjani bure, kwani anaamini utaratibu huo upo duniani kote.ÒHii timu ya taifa ya Tanzania, sizungumzii ya Bara, nasema Taifa Stars, katika historia yake imetwaa Kombe moja tu, Kombe la Castle, mimi nilikuwa miongoni mwa nyota walioiwezesha timu hii kutwaa lile Kombe pale Mwanza (mwaka 2001), leo unanizuia kuingia uwanjani, ni haki kweli hii?Óalihoji Matola. Katika michuano hiyo, Stars iliyokuwa chini ya Mkurugenzi wa Ufundi Mjerumani Burkhad Pape na makocha Charles Boniphace Mkwasa na Syllersaid Kahema Mziray, ilianza kuitoa Jamhuri ya Kidemokrasia ya Kongo (DRC) kwa mikwaju ya penalti 4-2, baada ra sare ya 2-2.Shujaa wa mchezo huo, alikuwa Nteze John Lungu aliyeifungua Stars bao la kusawazisha dakika ya 88, baada ya DRC kutoka nyuma kwa 1-0 na kuongoza 2-1 kutokana na mabao ya Dikilu Bageta dakika ya 44 na Kasongo Bukasa dakika ya 67. Nteze pia ndiye aliyeifungia Stars bao la kuongoza dakika ya 10, Uwanja wa Sheikh Amri Abedi mjini Arusha.Katika fainali iliyopigwa Uwanja wa CCM Kirumba mjini Mwanza, Stars iliitandika Kenya, Harambee Stars mabao 3-1, wafungaji wake wakiwa ni Yussuf Macho Rwenda dakika ya 26, Emmanuel Gabriel Mwakyusa dakika ya 66 na Salvatory Edward Agustino dakika ya 90, wakati wageni walipata la kufutia machozi kupitia kwa Robert Mambo dakika ya 85.Kikosi cha kwanza cha Stars kwenye michuano hiyo kilikuwa Peter Manyika, Mecky Maxime, Alphonse Modest, Boniface Pawasa, John Mwansasu, Suleiman Matola aliyekuwa akimpisha Waziri Mahadhi, Saidi Maulid 'SMG', Yussuf Macho, Salvatory Edward, Emmanuel Gabriel aliyekuwa akimpisha Joseph Kaniki na Nteze John.Wachezaji wengine waliokuwepo kwenye timu hiyo ni Mengi Matunda, Juma Kaseja, Kassim Issa, Qureish Ufunguo, Abubakar Mkangwa, Primus Kasonzo, Faustine Lukoo, Rajab Shamte, Sostenes Manyasi na Edibily Lunyamila.

SIMBA KUENDELEZA UBABE KWA KAGERA?

2009-04-04T10:01:00.000-07:00

Haruna Moshi 'Boban' wa Simba katika moja ya mechi za timu yake, ataibeba timu yake Kaitaba?

SIMBA ya Dar es Salaam, kesho inashuka kwenye Uwanja wa Kaitaba, Bukoba kumenyana na Kagera Sugar katika mchezo uliobeba taswira kubwa ya Ligi Kuu ya Vodacom Tanzania Bara.Mshindi katika mchezo wa leo unaotarajiwa kuwa mkali na wa kusisimua, atakuwa amejitengenezea mazingira mazuri ya kukabidhiwa tiketi ya kushiriki michuano ya Kombe la Shirikisho la Soka Afrika (CAF).Simba inashuka dimbani kesho, ikiwa na pointi 30 baada ya kucheza mechi 18 sawa na Kagera yenye pointi 28, zote zikiwania nafasi ya pili kwenye ligi hiyo, ambayo tayari ubingwa wake umekwishachukuliwa na Yanga.Kihistoria, Simba ndio wababe wa Kagera, kwani imekuwa ikiwafunga kila msimu tangu imepanda Ligi Kuu mwaka 2005. Kagera imeifunga Simba mara moja tu kwenye Ligi, hiyo ilikuwa mechi ya kwanza tangu ipande Mei 25, mwaka 2005.Zaidi ya hapo, Kagera iliifunga tena Simba kwenye mechi ya fainali ya Kombe la Tusker mwaka 2006.Mara ya mwisho zilipokutana mjini Dar es Salaam, Oktoba 14, mwaka jana Uwanja wa Uhuru, zamani Taifa, bao pekee la mshambuliaji chipukizi Moses Godwin Mwazembe katika dakika ya 19, lilitosha kuwapa Wekundu wa Msimbazi ushindi wa 1-0.Simba itashuka dimbani leo ikiwa na kumbukumbu nzuri ya ushindi wa mabao 3-0 iliyoupata dhidi ya Azam FC mjini Dar es Salaam Jumatatu, hivyo leo itakuwa pia na nia ya kuendeleza wimbi lake la ushindi, wakati wapinzani wao, Kagera Sugar wanakumbuka kipigo cha 1-0 kutoka Prisons na baadaye sare ya 1-1 na Yanga.Safu ya ushambuliaji ya Simba kama kawaida inaweza kuongozwa na wakali wake Emeh Izuchukwu, Mohamed Kijuso, Ulimboka Mwakingwe bila kumsahau kipenzi cha Wekundu wa Msimbazi, Haruna Moshi ÔBobanÕ.Langoni hapana shaka kocha Patrick Phiri anaweza kuendelea kumuanzisha kipa aliye vizuri hivi sasa kimchezo, Ally Mustafa ÔBarthezÕ atakayesaidiwa na mabeki Salum Kanoni, Juma Jabu, Kelvin Yondani, Meshack Abel na kiungo wa ulinzi Juma Nyosso.Kagera yenyewe kama kawaida lango lake linaweza kuwa chini ya ulinzi wa Odo Nombo, atakayekuwa akilindwa na mabeki mahiri kama Bakari Omar, wakati safu ya kiungo itaongozwa na Paul Kabange na kwenye ushambuliaji kama kawaida, mfungaji bora wa msimu uliopita Mike Katende atakuwa akiiongoza.
REKODI YA SIMBA NA KAGERA:

MEI 25, 2005: Simba Vs Kagera Sugar 0-1

MFUNGAJI: Shingwe Mussa dakika ya 67

SEP 28, 2005

Kagera Sugar Vs Simba 0-2

WAFUNGAJI: Mussa Mgosi dk 21, Nico Nyagawa dk 35

JUNI 3, 2006:

Kagera Sugar Vs Simba 0-1

(Hata hivyo, Oktoba 30, mwaka huo, Kagera ilizawadiwa ushindi wa 2-0 na pointi tatu za chee, Simba ikidaiwa kumtumia Mussa Mgosi aliyekuwa na kadi tatu za njano)

OKTOBA 18, 2006:

Simba Vs Kagera Sugar 2-1

KOMBE LA TUSKER 2006;

Fainali; Agosti 20, Uwanja wa Taifa

Simba Vs Kagera Sugar 1-2 (dakika 120)

WAFUNGAJI: Emmanuel Gabriel dk. 80; Omary Changa dk. 90, 97)

OKT. 13, 2007

Simba Vs Kagera Sugar 2-1

WAFUNGAJI: Simba: Moses Odhiambo dk 6 (penalti), Ulimboka Mwakingwe dk. 54;

KAGERA: Vincent Barnabas dk. 11

APRIL 19, 2008

Kagera Sugar Vs Simba 0-1

MFUNGAJI: Ramadhani Chombo dk. 24

OKTOBA 14, 2008

Simba Vs Kagera 1- 0

MFUNGAJI: Moses Godwin dk. 7

YANGA YALALA TENA KWA AL AHLY

2009-04-04T09:56:00.000-07:00

Kocha wa Yanga, Dusan Kondic akimpongeza Flavio baada ya mechi jana

“Ilikuwa ni mechi nzuri, tumepata nafasi tatu tumepoteza, Ahly walipata nafasi pekee ambayo waliitumia, hii ni timu yenye uwezo kuliko sisi, lazima tukubali, tunahitaji muda, hawa wamekaa pamoja karibu miaka saba,”.
Naam, hayo yalikuwa maneno yake, kocha mkuu wa Yanga, Dusan Kondic, mara tu baada ya mchezo wa leo, ambao bao pekee la Flavio Amado katika dakika ya tano, liliizamisha timu yake kwenye Uwanja nyumbani, Taifa mjini Dar es Salaam ilipomenyana na Al Ahly ya Misri katika mchezo wa marudiano, raundi ya Kwanza Ligi ya Mabingwa Afrika.
Lilikuwa ni bao la kiulaini waliojipatia Waarabu hao, ambao baada ya kufanikiwa kuzima shambulizi la Yanga, walipiga mpira mrefu mbele wingi ya kulia, ambao pamoja na beki Wisdom Ndhlovu kuuwahi, lakini aliteleza kwenye eneo lililokuwa na maji, hivyo kiungo Ahmed Fathi akauwahi na kumtoka kabla ya kumpasia Mohamed Aboutrika aliyemuwekea Falvio, ambaye alikuwa peke yake hivyo kumchambua kiulaini kipa Juma Kaseja.
Baada ya bao hilo, Yanga walionekana kama kucharuka kutaka kusawazisha, lakini wakaishia kukosa mabao matatu ya wazi, ambayo yaliokolewa wakati yakiwa yanaelekea kutinga nyavuni.
Alianza Mrisho Khalfan Ngassa ambaye alifumua shuti kali lakini likiwa kama linaelekea kutinga nyavuni, kipa Ramzi Salman alilipangua na kuwa kona ambayo haikuzaa matunda.
Dakika nne baadaye, Mike Barasa aliukuta mpira kwenye njia, akiwa ndani ya eneo la hatari la Ahly, lakini licha ya kuupiga kuelekea nyavuni, beki mmoja aliyekuwa ndani ya lango aliuondosha hatarini, huku mashabilki wa Yanga wakiwa tayari kushangilia.
Dakika ya 20, mpira uliotokana na kona iliyochongwa na Abdi Kassim ‘Babi’ ulisababisha kizaazaa langoni mwa Ahly na mchezaji mmoja wa Yanga alienda hewani na kuupiga ukawa kama unatinga nyavuni, lakini kipa aliuwahi na kuudaka.
Hata hivyo, akiwa amekwishaudaka hewani, alipamiwa na mchezaji mmoja wa Yanga, hivyo ukamtoka na kudondokea nyavuni, wakati yeye akianguka chini, jambo ambalo lilimfanya mwamuzi Javier Bwegeya kutoka Rwanda apige filimbi ya faulo, iliyoelekezwa kwenye lango la wenyeji.
Baada ya hapo, Waarabu walianza kuutawala tena mchezo huo, ingawa dakika tatu kabla ya mapumziko, Yanga walizinduka tena na kuanza kusukuma mashambulizi langoni mwa wapinzani wao hao, mabingwa mara sita Afrika.
Kwa ujumla kipindi cha kwanza Ahly walicheza vizuri na walionekana kuizidi Yanga kiuwezo, ambayo hata hivyo wachezaji wake walipigana kiume kuhakikisha wanapata matokeo mazuri.
Kipindi cha pili Yanga inayonolewa na Waserbia watatu, Kondic na wasaidizi wake Spaso Sokolovoski na Civojnov Serdan, ilianza na mabadiliko, ikimpumzisha Abdi Kassim ambaye nafasi yake ilichukuliwa na Shamte Ally, lengo likiwa kuongeza kasi ya mashambulizi.
Kweli ushirikiano wa wa Ngassa na Shamte uwanjani, kidogo uliongeza kasi ya Yanga mbele, lakini mabeki wa kati wa Ahly walikuwa makini mno kuondosha mipira yote ya krosi iliyotokana na ushirikiano wa wachezaji hao wawili wa zamani Kagera pamoja na beki Shadrack Nsajijgwa.
Lakini baadaye Yanga mchezo uliwashinda kutokana na kuacha kucheza kitimu na kuamua kucheza kila mtu kivyake, yaani kila mchezaji akiupata mpira anataka awapangue wachezaji wote wa Ahly, kwani hilo liliwapa nafasi wapinzani kuutawala zaidi mchezo, wakigongeana pasi kibao.
Kwa kifupi walikuwa wakiichezesha Yanga mchezo maarufu kwa jina la ‘hangaisha bwege’ na hapo ndipo mashabiki walipokata tamaa hadi dakika ya 75 wakaanza pole pole kuachia siti zao na kwenda kupanga foleni ya kurejea makwao.
Kondic alifanya mabadiliko zaidi kwenye kipindi hicho akimtoa Mike Barasa na kumuingiza Ben Mwalala, baadaye Jerry Tegete aliingia kuchukua nafasi ya Boniphace Ambani, ambaye jana hakufurukuta kabisa. Kistaarabu unaweza kusema mpira ulimkataa kabisa, ila kwa watoto wa mjini, wanasema alichemsha.
Mreno anayeinoa Ahly, Manuel Jose aliwapumzisha nyota wake Mohamed Barakat, akamuingiza Sayed Moawad, Falvio alimpisha Hanyfel Agizy na Aboutrika alimuachia Osama Hosny.
Kwa ushindi huo, mbali na Ahly kuingia Raundi ya Pili kwa ushindi wa jumla wa mabao 4-0, kutokana na kushinda awali mjini Cairo 3-0, pia imeendeleza ubabe wake kwa Yanga.
Huo ulikuwa mchezo wa nne, Ahly wanaifunga Yanga na wa kwanza kuifunga nyumbani kwao, Dar es Salaam tangu zilipoanza kukutana mwaka 1982.
Mara ya kwanza Yanga ilikutana na Ahly mwaka 1982, katika michuano hii, enzi hizo ikijulikana bado kama Klabu Bingwa na mchezo wa kwanza mjini Cairo wavaa jezi za njano na kijani walitandikwa mabao 5-0 na mchezo wa pili, uliokuwa wa marudiano mjini Dar es Salaam, walilazimishwa sare ya kufungana bao 1-1.
Mara ya tatu, Yanga ilikutana na Ahly mwaka 1988 na katika mchezo wa kwanza mjini Dar es Salaam, Aprili 9 mwaka huo, timu hizo zilitoka sare ya bila kufungana na kwenye mchezo wa mwisho kuzikutanisha timu hizo, uliokuwa wa marudiano, Aprili 22, watoto wa Jangwani walitandikwa 4-0.
Si Yanga tu, hata timu nyingine zote zilizowahi kukutana na Ahly hazikuweza kuvuka, wakiwemo Simba, Pamba FC na Majimaji ya Songea. Mwaka 1985, Simba iliifunga Al Ahly mabao 2-1 Uwanja wa CCM Kirumba mjini Mwanza, katika michuano ya Kombe la Washindi, kabla ya kwenda kufungwa 2-0 mjini Cairo. Mwaka 1993, Al Ahly iliifunga 5-0 Pamba mjini Cairo katika Kombe la Washindi pia, kabla ya kuja kulazimisha sare ya bila kufungana mjini Mwanza, wakati mwaka 1999, Waarabu hao walianza kwa kuichapa 3-0 Majimaji ya Songea, Uwanja wa Taifa, Dar es Salaam, kabla ya kwenda kuwaongeza 2-0 mjini Cairo.
Pamoja na kuwapigia saluti Ahly kama ni bora, wakiwa mabingwa watetezi na mabingwa wa Super Cup, Kondic alilalamikia pia wachezaji wake kucheza bila viatu maalum vya kuchezea kwenye mvua, ambavyo timu yake haina, kwani kulichangia wachezaji wake kushindwa kucheza vizuri.
Kondic alitolea mfano bao walilofungwa, kwamba Ndhlovu aliteleza kwenye maji na kumpa nafasi Fathi kuondoka na mpira. “Kama uliona walikuwa wanataleza sana na kuiacha mipira nyuma, hii haikuwa sawa, lakini yote kwa yote, tunakwenda kujipanga, nitakuwa na timu ya kushindana Afrika baada ya mwaka mmoja, tunahitaji muda,”alisema Mserbia huyo. Mvua kubwa ilinyesha Dar es Salaam tarkiban saa tatu mfululizo tangu saa 6:30 mchana.
Kocha wa Ahly, Manuel Jose, alisema kwamba ametimiza azma yake ambayo ni kushinda na kuendeleza rekodi nzuri ya timu yake. “Ulikuwa mchezo mzuri kwetu, Yanga walicheza vizuri, lakini sisi tulikuwa kila kitu,”alitamba Jose akiwa mwenye tabasamu la bashasha.
Pamoja na kufungwa na kutolewa, lakini Yanga itakuwa imenufaika na mapato makubwa kutokana na umati wa watu uliofurika uwanjani na kuwauzia haki za kurusha matangazo ya mchezo huo TV Al Ahly sambamba na kuwaruhusu kuweka mabango ya wadhamini wao uwanjani.
Katibu Mkuu wa Yanga, Lucas Kisasa alisema mapema kabla ya mchezo huo, kwamba wamelipwa na Ahly kwa ajili ya kuweka mabango hayo uwanjani na pia kuutangaza mchezo huo, ingawa aligoma kutaja kiasi walichopata kutokana na biashara hiyo.
Kikosi cha Yanga jana kilikuwa; Juma Kaseja, Nsajigwa Shadrack, Nurdin Bakari, Wisdom Ndhlovu, Nadir Haroub ‘Cannavaro’, George Owino, Mrisho Ngassa, Abdi Kassim/Shamte Ally, Boniphace Ambani/Jerry Tegete, Mike Barasa/Ben Mwalala na Athumani Iddi.
Ahly: Ramzi Salman, Ahmed Sayed, Gilberto Sebastiano, Wael Gomaa, Shadi Mohamed, Hassan Ashour, Ahmed Fathi, Mohamed Aboutrika/Osama Hosny, Flavio Amado/Hanyfel Agizy, Mohamerd Barakat/Sayed Moawad na Elmotazbella Ahmed.

YANGA USHINDI TU LEO DHIDI YA AL AHLY

2009-04-04T00:18:00.000-07:00

HAKUNA kingine!, kwa Yanga zaidi ya ushindi wa mabao 4- 0 ili iweze kusonga mbele kwenye michuano ya Ligi ya Mabingwa Afrika itakapoivaa Al Ahly ya Misri leo.
Mchezo huo wa marudiano baada ya ule wa awali Yanga kuchapwa mabao 3 - 0 nchini Misri, utachezwa kwenye Uwanja wa Taifa jijini Dar es Salaam majira ya saa 9: 00 alasiri.
Wingi wa mashabiki wa Yanga wanaoshangilia kwa nguvu bila kuchoka, uimara wa kikosi chenyewe na motisha ya Sh 500,000 waliyopewa wachezaji kabla ya mchezo huo vyote vinaweza vikaisimamisha Al Ahly leo na kuwaacha watu wakishangaa na kutoamini kinachotokea mbele yao.
Licha ya uimara wa kikosi cha vigogo hao wa Misri, Yanga inaweza ikajitutumua na kufunga mabao manne yatakayowawezesha kusonga mbele katika michuano hiyo na kuifanya Afrika ikipatwa na mshangao.
Pamoja na kusaka mabao hayo Yanga wanatakiwa kuweka ulinzi mkali langoni kwao na wasiruhusu bao lolote kama kweli wanataka kusonga mbele.
Mchezo wa leo unaweza ukawa mkali na mgumu kwa pande zote mbili kwani Al Ahly watataka kulinda ushindi wao ili waweze kuendelea katika safari yao ya kusaka ubingwa wa saba Afrika huku Yanga nayo ikitafuta magoli kwa udi na uvumba kuhakikisha wanakata ngebe za waarabu hao.
Kocha wa Yanga, Dusan Kondic huenda akaanzisha kikosi kile kichoanza Misri, huku nafasi ya golikipa ikiwa na kitendawili kikubwa ni nani adake kati ya Obren Curcovic au Juma Kaseja.
Watu wengi wamekuwa wakimtaka kocha huyo amwanzishe Juma Kaseja ambaye alifunga bao la umbali wa mita zaidi 82 dhidi ya Toto Afrika na kuipa Yanga ubingwa wa Tanzania Bara mapema.
Shutuma nyingi alizopewa kipa Msebria, Obren kwamba alikuwa akizurula usiku pamoja na makocha wake kabla ya mechi ya kwanza nchini Misri hali iliyochangia kupata matokeo mabaya, zinaweza zikamshawishi Kondic kumuweka benchi na kumuanzisha Kaseja, lakini uamuzi upo kwa kocha.
Safu ya ulinzi hapana shaka itaongozwa na Nadir Haroub 'Canavaro' akisaidiana na Wisdom Ndlovu au George Owino ili kuhakikisha washambuliaji Mohamed Barakat, Aboutrika na Flavio hawaleti madhara zaidi, huku Athuman Iddi 'Chuji', Godfrey Bonny na Mrisho Ngassa wakipeleka mashambulizi mbele.
Mshambuliaji mwenye kasi na anayeongoza kwa mabao kwenye Ligi Kuu Bara, Boniface Ambani ataiongoza vema timu yake kuibuka na ushindi huku akiapa kuwa ni lazima atoke na mabao yake mawili.
" Hakuna kinachoshindikana mimi nakuambia wale tutawafunga kinachotakiwa ni ushirikiano, watu watashangaa, mimi nina goli zangu mbili lazima nifunge, Mungu anisaidie," alisema
Naye nahodha wa timu hiyo Abdi Kassim 'Babi' amewataka Watanzania wote kuwaombea ili waweze kuuangusha mti mkubwa ulio mbele yao.
"Tuna kazi kweli kweli, si mchezo yahitaji moyo, kujituma ari na maombi ya Watanzania naamini kabisa tunaweza wote tukiwa na nia, hakuna linaloshindikana kama ukiweka nia, naamini Mungu atatusaidia na kuweza kushinda na kusonga mbele katika michuano hii.
Wakati Yanga wakisema hayo kocha wa Al Ahly, Manuel Jose alisema amekuja hapa kukamilisha ushindi wao na lazima waifunge tena Yanga.
" Hatuidharau mechi hii tunajua itakuwa ngumu kwa sababu wako nyumbani, lakini sisi tumekuja kukamilisha ushindi wetu, hatutabweteka tutacheza kufa na kupona hadi mwisho ili tuweze kusonga mbele," alisema Mreno huyo.(imeandikwa na oliver albert wa mwananchi)

WEMA SEPETU MBARONI TENA

2009-04-01T22:41:00.000-07:00

Wema na Jumbe wake katika pozi ya kimahaba

NA SALEH ALLY
INAONEKANA ni kama sikio la kufa halisikii dawa baada ya Miss Tanzania 2006, Wema Abraham Sepetu kuendeleza vituko visivyokuwa na mwisho kufuatia jana kufunguliwa mashtaka mengine na kuswekwa rumande kwenye kituo cha Polisi cha Kijitonyama, jijini Dar es Salaam.
Wema pamoja na mpenzi wake, Jumbe wamefunguliwa mashitaka ya wizi wa televisheni, redio na microwave (inayotumika kuchemsha vyakula).
Habari zilizopatikana zinaeleza kuwa Wema na Jumbe wamefunguliwa jalada namba KJN/RB/1977/09 linalohusiana na wizi huo na inaelezwa mrembo huyo alibeba vitu hivyo kutoka kwao na kupotea navyo kwa mpenzi wake huyo ambako alijichimbia kwa siku kadhaa.
Wema ambaye amekuwa akiibua vituko mfululizo, bado kesi yake ya kuvunja kioo cha gari la aliyekuwa mpenzi wake, mwigizaji maarufu, Steven Kanumba inaendelea katika Mahakama ya Kinondoni.
Jana asubuhi, mama yake pamoja na dada yake anayeishi Sinza walionekana kwenye kituo cha Kijitonyama kuhusiana na suala hilo na imeelezwa walikuwa wanataka waelezwe vilipo vitu hivyo ili wawatoe nje kwa dhamana.
Hivi karibuni, hali ya Wema ilionekana kubadilika baada ya mama yake kumtafutia kazi, lakini siku chache zilizopita tabia yake ilibadilika tena na kuanza kurejea usiku nyumbani katika eneo la Sinza jirani na Lion Hotel ambako ni nyumbani kwa dada yake anakoishi baada ya kuibuka kwa tafrani mahakamani siku alipowekewa dhamana mwezi uliopita.
Jumbe amekuwa akituhumiwa kumfundisha mrembo huyo kutumia dawa za kulevya na alishindwa hata kumwekea dhamana alipolazimika kulala mahabusu lakini alipotoka, mrembo huyo alimkimbilia na kumsahau hata mama yake aliyechukua jukumu la kumuwekea dhamana hiyo.
Imeelezwa alipotea kwa dada yake eneo la Sinza kwa zaidi ya siku mbili na walikuwa hawajui aliko na baadaye ilielezwa alirejea tena kwa Jumbe ambaye ndugu zake wanamtuhumu kuwa 'amemchezea’ mrembo huyo ambaye anaonekana kutosikia .
Tangu kuanzishwa kwa mashindano ya Miss Tanzania mwaka 1994, Wema aliyechipukia katika kitongoji cha Dar Indian Ocean, Kanda ya Kinondoni ndiye anaonekana kuwa mrembo mwenye vituko kuliko mwingine yoyote.
Mrembo wa mwaka 2007, Richa Adhia pia kutoka Kinondoni akionekana kuwa mrembo aliyemaliza muda wake kimya kimya bila kuguswa na tafrani ya aina yoyote.

VIINGILIO YANGA VS AL AHLY HIVI HAPA

2009-04-01T22:36:00.000-07:00

SHIRIKISHO la Soka Tanzania (TFF) limetangaza viingilio vya mechi ya Ligi ya Mabingwa Afrika kati ya Yanga na Al Ahly ya Misri itakayofanyika kwenye Uwanja wa Taifa, Dar es Salaam Jumamosi.
Kiingilio cha juu katika mchezo huo, kimepangwa kuwa Sh30,000 kwa VIP A wakati VIP B ni Sh20,000 na VIP C kiingilio kitakuwa Sh10,000. Viti vya rangi ya chungwa ni Sh5,000 wakati viti vya rangi ya bluu na kijani ni Sh3,000.
Ofisa Habari wa TFF, Florian Kaijage alisema, baada ya kukutana na uongozi wa Yanga, juzi na jana walikubaliana kimsingi na hata kuandika barua Shirikisho la Soka Afrika, CAF na Chama cha Soka Misri kuwataarifu juu ya mabadiliko ya uwanja.
Awali, Yanga walipanga kutumia Uwanja wa Uhuru kwa mchezo huo, kabla ya kupituishwa uamuzi wa kutumia Uwanja wa Taifa. Kwa uamuzi huo wa kubadilisha uwanja, Yanga italazimika kulipa CAF, dola 2,000.

AL AHLY WATUA NA MAJIGAMBO, MCHECHETO

2009-04-01T22:30:00.000-07:00

MABINGWA wa soka Afrika, Al Ahly ya Misri (baadhi ya wachezaji wake kushoto) waliwasili mjini Dar es Salaam jana kwa ajili ya mchezo wa marudiano Raundi ya Kwanza Ligi ya Mabingwa Afrika, dhidi ya wenyeji wao Yanga utakaofanyika Jumamosi kwenye Uwanja wa Taifa, Dar es Salaam.
Wakali hao waliwasili saa 3:20 kwa ndege ya Shirika la Ndege la Kenya (KQ) na kulakiwa na Katibu wa Mashindano wa Yanga, Emmanuel Mpangala na Ofisa wa Shirikisho la Soka Tanzania (TFF), Idd Mshangama.
Akizungumza uwanjani hapo, kocha wa timu hiyo, Manuel Jose ambaye mwanzoni aligoma kuzungumza lolote akisema wamechoka, alisema kwa ufupi: ''Tuliiona Yanga kwetu, tunaiheshimu, lakini hapa tumekuja kwa nia moja, ushindi''.
''Wajue kwamba hatukufuata sare hapa wala kufungwa hapa tumekuja kutwaa ushindi na kusonga mbele'' .
Kocha huyo alikiri kuwa Yanga ni timu nzuri, lakini hawako makini katika ushambuliaji. ''Niliona wanaingia hata kwenye 18, lakini wanakosa umakini wa kufunga, ni timu nzuri, ina wachezaji wazuri,'' alisema.
Alisema hawaihofii hali ya hewa kwa kuwa nchi zote za ukanda wa pwani ya bahari zina mazingira na hali ya hewa inayofanana.
Kikosi kilichowasili jana kinaundwa na makipa: Ramzy Saleh, Amir Abdel Hamid na Ahmed Adel
Mabeki: Mohamed Samir, Wael Gomaa, Ahmed El Saied na Shady Mohamed ambaye ni nahodha wakati viungo ni; AbouTrika, Barakat, Fathi, Gilberto, Saied Moawad, Motaz Eno, Hossam Ashoor na Ahmed Seddik.
Washambuliaji wa timu hiyo wanaokamilisha kundi la watu 39 pamoja na jopo la waandishi wa habari, linaundwa na Ahmed Belal, Osama Hosni, Flavio na Hani El Eguizi.
Timu hiyo itapambana na Yanga ikiwa ni mchezo wa marudiano wa Ligi ya Mabingwa Afrika. Katika mchezo wa awali, Yanga ilitandikwa mabao 3-0.
Baada ya kuwasili, kikosi chake cha wachezaji 19 kilikwenda moja kwa moja kwenye basi walilokuwa wameandaliwa, lakini maofisa wake wakikataa kupanda gari dogo aina ya Toyota Cresta la wenyeji wao.
Lakini, baada ya majadiliano na mama mmoja ambaye hakuwa tayari kujitambulisha na anahisiwa kuwa ni mmoja wa maofisa wa ubalozi wa Misri nchini, viongozi hao walikubali kupanda gari hilo.
Hata hivyo, viongozi wa Ahly walieleza kuwa wasingeweza kufikia Hoteli ya Durban iliyoko Kariakoo, Dar es Salaam waliyokuwa wameandaliwa na wenyeji wao na kudai watakwenda Movenpick.
Mpangala alisema: "Sisi hatuko tayari kuwalipia gharama za Movenpick, tutalipa zile za Durban na sehemu itakayozidi watajilipia wenyewe.
Aliongeza: "Sijui kwanini wamekataa hoteli hii, labda wana sababu zao nyingine."
Katika kikosi hicho, beki Wael Gomaa, Barakat na Ahmed Fathi wako katika matibabu makali kuhakikisha wanapona haraka baada ya kuumia katika mechi dhidi ya Zambia kuwania kufuzu kushiriki Kombe la Dunia.
Abou Trika aliungana na wenzake Uwanja wa Ndege wa Cairo muda mfupi kabla ya kuondoka akitokea Algeria alikokwenda kupokea tuzo yake ya Mchezaji Bora wa Kiarabu mwaka 2008, zinazotolewa na gazeti la Al Hadaaf.
Kiungo huyo alitangazwa na gazeti hilo kuwa mchezaji bora kwa kuiwezesha nchi yake kutwaa ubingwa wa Afrika Ghana 2008, ubingwa wa ligi ya Misri, ubingwa wa Afrika na kufanya vizuri katika Klabu Bingwa ya Dunia nchini Japan 2008.

MWALALA AREJEA YANGA AKIWA MGONJWA

2009-04-01T22:13:00.000-07:00

MSHAMBULIAJI wa kimataifa wa Kenya, Ben Mwalala (pichani), amerejea Jumatatu jioni mjini Dar es Salaam kujiunga na klabu yake, Yanga, kwa ajili ya mchezo wa marudiano raundi ya awali, Ligi ya Mabingwa Afrika, dhidi ya Al Ahly ya Misri, lakini akiwa hana matumaini ya kucheza kutokana na kusumbuliwa na maumivu ya kifundo cha mguu.
“Nimerudi, lakini siko fiti, niliumia kwenye mazoezi, hata mechi ya Jumamosi sijui kama nitacheza,” alisema Mwalala, katika mahojiano na DIMBA jana mjini Dar es Salaam, baada ya kurejea kutoka Nairobi, alikokwenda kuichezea timu yake ya taifa, Harambee Stars, iliyofungwa 2-1 na Tunisia, katika mchezo wa kuwania kufuzu kwenye fainali za Kombe la Dunia mwaka 2010, Afrika Kusini.
Mbali na Mwalala, wachezaji wengine wa Yanga waliokuwa Kenya ni beki George Owino na mshambuliaji Boniphace Ambani, ambao wote walicheza dhidi ya Tunisia Jumamosi. Mwalala aliukosa mchezo huo baada ya kuumia mazoezini.
Wakati Yanga ikipata habari mbaya kuhusu mshambuliaji huyo mwenye kasi uwanjani, Ahly nayo ilipata pigo baada ya nyota wake, Ahmed Hassan, kuumia mguu, alipoichezea timu yake ya taifa, Misri, katika mechi ya kuwania kucheza fainali za Afrika Kusini dhidi ya Zambia mjini Cairo, ambao ulimalizika kwa sare 1-1.
Kiungo huyo wa zamani wa Anderlecht ya Ubelgiji, ndiye aliyetoa pasi murua ya sekunde ya kwanza iliyomfikia Mohamed Barakat na kuandika bao la mapema siku walipocheza na Yanga mjini Cairo, wakati mabingwa wa Tanzania wakilala 3-0.
Mbali na huyo, wachezaji wengine nyota wa timu hiyo, Ahmed Sedik, Sayed Moawad, Shadi Mohamed, Gilberto na Flavio nao wako chini ya uangalizi maalumu kutokana na sababu mbalimbali.
Jumamosi iliyopita, Ahly, iliyotaka kutumia mapumziko ya Ligi Kuu ya nchi hiyo kwa maandalizi dhidi ya Yanga, ililazimika kufuta mchezo wa kirafiki dhidi ya timu ya daraja la pili ya Canal Mooring & Lights (CML) kutokana na ukweli kuwa wachezaji wake wengi hawako sawasawa kimchezo.

Yanga SC: Tulificha makucha
kwa ajili ya Al Ahly Jumamosi

KOCHA wa Yanga ya Dar es Salaam, Profesa Dusan Kondic amesema hakutaka wachezaji wake wacheze kwa nguvu katika mechi za Ligi Kuu ya Vodacom Tanzania Bara, ambayo tayari wamekwishatwaa ubingwa, ili kuhifadhi nguvu zao.
Katika mahojiano maalum na DIMBA juzi usiku, hoteli ya New Africa mjini Dar es Salaam, Profesa Kondic alisema kwamba akili yake yote ipo kwenye mechi dhidi ya mabingwa mara sita Afrika, Al Ahly, kwani amedhamiria kuwang’oa kwenye mchezo wa marudiano Jumamosi hii, Uwanja wa Uhuru, zamani Taifa, Dar es Salaam.
“Sikutaka wachoke sana, hapa walipo wamechoka hawa vijana, wametumika sana, hawakuwa na muda kupumzika, niliwaambia wacheze pole pole, hii tangu Mwanza (kwenye mechi dhidi ya Toto),”alisema.
Kondic alisena anajua wapinzani wake hao katika Raundi ya kwanza Ligi ya Mabingwa Afrika, watakuja kucheza kwa nguvu katika mechi hiyo ya marudiano kulazimisha bao la mapema ili kuivuruga timu yake kisaikolojia, lakini amejiandaa kwa hilo.
Alisema Yanga ipo tayari kwa mchezo wa marudiano na matarajio ya kupata matokeo mazuri, siku hiyo.
“Tulipoteza mchezo wa kwanza, hayo ni matokeo ya mpira wa miguu, nasikitika wachezaji wangu watakuwa wana kazi ngumu mno, kuzuia na kushambulia kutafuta mabao, tumejipanga kwa hilo, siwezi kukueleza kila kitu, utaona mambo Jumamosi,”alisema Kondic.
Kondic alisema wachezaji wake waliokuwa wagonjwa hivi sasa wamepona na wengine aliwapumzisha makusudi kwenye mechi za Ligi kama Nsajigwa Shadrack ili warejee kwenye hali nzuri.
“Nimekwishasahu kuhusu mchezo wa kwanza, sasa naingia vitani kutafuta ushindi mkubwa na wa kihistoria, najua unajua hakuna lisilowezekana, vijana wapo kwenye ari, na wanataka kufanya mambo makubwa,”aliongeza.
Yanga baada ya kulala 3-0 kwenye mchezo wa awali wa Raundi ya Kwanza Ligi ya Mabingwa Afrika mbele ya Ahly, itakuwa na deni la kulipa kisasi hicho kwa ushindi wa 4-0, ili isonge mbele kwenye michuano hiyo au ilazimishe sare kwa kushinda 3-0, ili mshindi aamuliwe kwa mikwaju ya penalti.
Mabao yaliyoizamisha Yanga kwenye Uwanja wa International mjini Cairo yalitiwa kimiani na Mohamed Barakat mawili na lingine lilifungwa na Muangola, Flavio Amado.
Katika mechi tano ambazo Yanga imekutana na Al Ahly, imefungwa tatu ugenini na imetoka sare mara mbili nyumbani na ugenini. Mara ya kwanza Yanga ilikutana na Ahly mwaka 1982, katika michuano hii, enzi hizo ikijulikana bado kama Klabu Bingwa na mchezo wa kwanza mjini Cairo wavaa jezi za njano na kijani walitandikwa mabao 5-0 na mchezo wa pili, uliokuwa wa marudiano mjini Dar es Salaam, walilazimishwa sare ya kufungana bao 1-1.
Mara ya tatu, Yanga ilikutana na Ahly mwaka 1988 na katika mchezo wa kwanza mjini Dar es Salaam, Aprili 9 mwaka huo, timu hizo zilitoka sare ya bila kufungana na kwenye mchezo wa mwisho kuzikutanisha timu hizo, uliokuwa wa marudiano, Aprili 22, watoto wa Jangwani walitandikwa 4-0.
Si Yanga tu, hata timu nyingine zote zilizowahi kukutana na Ahly hazikuweza kuvuka, wakiwemo Simba, Pamba FC na Majimaji ya Songea. Mwaka 1985, Simba iliifunga Al Ahly mabao 2-1 Uwanja wa CCM Kirumba mjini Mwanza, katika michuano ya Kombe la Washindi, kabla ya kwenda kufungwa 2-0 mjini Cairo. Mwaka 1993, Al Ahly iliifunga 5-0 Pamba mjini Cairo katika Kombe la Washindi pia, kabla ya kuja kulazimisha sare ya bila kufungana mjini Mwanza, wakati mwaka 1999, Waarabu hao walianza kwa kuichapa 3-0 Majimaji ya Songea, Uwanja wa Taifa, Dar es Salaam, kabla ya kwenda kuwaongeza 2-0 mjini Cairo. Na hilo ndilo lilikuwa jicho la mwisho la Watanzania kwa Ahly, ambao wanatarajiwa kuonekana tena nchini wiki mbili zijazo kwa ajili ya mchezo wa marudiano.

Santos: Hakuna mwanasoka ‘staa’ Tanzania

KOCHA wa klabu ya Azam FC ya Dar es Salaam, Neider dos Santos amesema hakuna mchezaji ‘staa’ katika soka ya Tanzania na asitokee yeyote akajidanganya kwa hilo.
“Tanzania hakuna mchezaji staa, nani niambie amecheza fainali ngapi za Kombe la dunia?”alihoji Santos katika mahojiano na DIMBA juzi, Uwanja wa Uhuru, zamani Taifa Dar es Salaam.
Santos alikuwa akijibu swali la mwandishi wa DIMBA kwa nini hamtumii kwenye kikosi chake mchezaji nyota wa nafasi ya kiungo, Shaaban Kisiga ‘Malone’.
Akiuzungumzia mchezo wa juzi kwa ujumla, ambao timu yake ilichapwa 3-0 na Simba katika Ligi Kuu ya Vodacom Tanzania Bara, Mbrazil huyo alisema kwamba wapinzani wake walitumia mwanya wa kadi nyekundu, aliyopewa beki wake, Cyprian Odura.
“Tulicheza vizuri kipindi cha kwanza, nilikuwa ninajua Simba watakuwa kushambulia kwa nguvu kwa sababu wanataka nafasi ya pili, nikaamua nitumie mfumo wa kuwabana sana na kushambulia kwa kushitukiza.
Lakini bahati mbaya ilikuja baada ya beki wangu kupewa kadi nyekundu,”alisema Santos aliyekuwa kocha wa Simba, msimu wa 2006/2007.
Hata hivyo, Santos alisema kwa sababu ana uhakika wa kubaki Ligi Kuu, msimu ujao anaamini atakuwa na timu nzuri, kwani ameandaa vijana wadogo kwa ajili ya kuunda Azam ya 2010.
“Kuna vijana wadogo kama Tumba Luois Sued na Himid Mao, nimekwishaanza kuwatumia, wapo na wengine naowandaa pia, nataka kutengeneza Azam kali ya baadaye,”alisema.
Santos alisema kwamba ni vigumu kwa timu kupanda Ligi Kuu na moja kwa moja kuwa juu kwenye msimamo, hivyo Azam itaanza kuonyesha cheche zake kuanzia msimu ujao.

Chuji atamani kurudi darasani

KIUNGO wa klabu ya Yanga ya Dar es Salaam, Athumani Iddi Athumani ‘Chuji’, amesema kwamba kwa sasa anatamani kurudi kuendelea na masomo, kwani alikomea kidato cha Nne.
Akizungumza kwenye kambi ya klabu hiyo, Tamal Hotel, Mwenge mjini Dar es Salaam, Chuji alisema kwamba akitokea mtu wa kumsomesha kwa sasa atakubali mara moja.
“Mimi rafiki yangu akitokea mtu sasa hivi aniambie ananipeleka shule, naenda tu, yaani nataka sana kurudi darasani,”alisema kiungo huyo wa zamani wa Polisi Dodoma na Simba ya Dar es Salaam.
Chuji ambaye amekuwa na desturi ya kufanya mazoezi ya zaida wakati mwingine akidamka alfajiri ili kujiweka fiti zaidi kisoka, alisema kwamba pamoja na kufikiria kufika mbali kisoka, ikiwemo kucheza Ulaya, lakini elimu pia anaipa umuhimu mkubwa.
Chuji na kiungo mwingine wa Simba, Haruna Moshi ‘Boban’ wamekuwa wakitawala vichwa vya habari kwenye magazeti kutokana na kutibuana na kocha wa timu ya taifa ya Tanzania, Taifa Stars Mbrazil Marcio Maximo, Februari mwaka huu nchini Ivory Coast timu hiyo ilipokwenda kushiriki Michuano ya Ubingwa wa Mataifa ya Afrika (CHAN).
Katika fainali hizo ambazo Stars ilitolewa kwenye raundi ya Kwanza katika Kundi A, ikizidiwa pointi moja na Zambia na Senegal zilizofuzu, Chuji na Boban walijikuta wanageuka watalii nchini humo kutokana na kutochezeshwa baada ya kutibuana na Maximo, aliyewatuhumu kwa utovu wa nidhamu.
Chuji aliyezaliwa Februari 18, mwaka 1988 mjini Tanga ni miongoni mwa wachezaji wa Tanzania wanaotarajiwa kupata timu za kuchezea Ulaya wakati wowote kutokakana na soka yao muruwa uwanjani.

Mgosi atinga kambini Yanga

KATIKA siku ambayo Simba ilikuwa inamenyana na Azam FC, Uwanja wa Uhuru mjini Dar es Salaam, saa chache kabla, kiungo mshambuliaji wa timu hiyo, Mussa Hassan Mgosi alikuwa kwenye kambi ya watani wa jadi, Yanga, Hotel ya Tamal, Mwenge mjini Dar es Salaam akimjulia hali swahiba wake, kipa Juma Kaseja.
Mgosi ambaye hakushiriki mchezo dhidi ya Azam kutokana na kuwa anatumikia adhabu ya kadi nyekundu aliyopewa kwenye mechi dhidi ya Mtibwa Sugar mjini Morogoro, alifika Tamal Hotel ambako Yanga imeweka kambi kumsalimia Kaseja aliyekuwa na Simba msimu uliopita.
Wakati wachezaji wa Yanga wakiwa wametulia kambini, wengine ndani ya hoteli, wengine vyumbani na wengine nje ya jengo la Tamal, gari aina ya GX100 iliwasili na kupaki mbele ya miguu yao.
Baada ya hapo, mmoja kati ya wachezaji 18 walioteuliwa kwenye kikosi cha nyota wa Michuano ya Ubingwa wa Mataifa ya Afrika (CHAN), iliyomalizika Ivory Coast, Februari mwaka huu, alitoa shingo yake nje na kusalimia.
Wakati huo ni kama ilikuwa tayari amekwishamjulisha kipa wa Yanga, Kaseja kama amefika nje ya jengo la Tamal, kwani wakati akiendelea na mazungumzo na wachezaji wengine wa kjlabu hiyo, Kaseja alitokea na kuanza kuteta na swahiba wake siku nyingi.
Baada ya mazungumzo yao, Mgosi aliwaaga wachezaji wa Yanga waliokuwa nje, akagaeuza gari lake na kuondoka zake.
Mgosi na Kaseja ni marafiki walioshibana, walianza tangu wanasoma sekondari ya Makongo na kisoka waliinuka pamoja, ingawa kipa wa Yanga alianza kufanikiwa.
Waliteuliwa pamoja timu ya vijana chini ya umri wa miaak 17, mwaka 2001 enzi hizo ikinolewa na Mnigeria, Ernest Mokake (sasa marehemu) na wakati Kaseja anachukuliwa Moro United, Mgosi alienda JKT Ruvu.
Baadaye Mgosi alihamia Mtibwa Sugar 2004 wakati Kaseja alichukuliwa na Simba mwaka 2002, misimu mitatu baadaye, yaani 2005 nyota wa CHAN naye alitua Msimbazi. Hata hivyo, Kaseja alifungasha viragio vyake msimu huu na kuhamia Yanga.

Kisiga atupiwa virago Azam

HAMKANI si shwari kwa kiungo wa zamani wa kimataifa Tanzania, Shaaban Kisoga ‘Malone’, kwani ni kama amekwishatupiwa virago kwenye klabu yake, Azam FC baada ya kutofautiana na kocha, Neider dos Santos wa Brazil.
Kiongozi mmoja wa juu wa Azam, ambaye hakutaka kutajwa jina lake gazetini, aliiambia DIMBA kwamba Santos hampendi Kisiga na hamtaki.
“Yupo, lakini kocha hamtaki, eti anasema hana nidhamu,”alisema kiongozi huyo alipoulizwa na mwandishi wa DIMBA kuhusu Kisiga.
Ingawa Kisiga hakupatikana kuzungumzia mustakabali wake kwenye timu hiyo, lakini DIMBA ilipozungumza na Santos alisema: “Yupo, ni mchezaji wa Azam,”.
Alipoulizwa kwa nini hamtumii kwenye mechi za Ligi Kuu karibu tangu mzunguko wote wa pili ulipoanza, alisema: “Nina wachezaji 30, siyo lazima yeye acheze,”.
DIMBA: Lakini infahamika Kisiga ni mchezaji mzuri, kama yuko fiti kwa nini hachezi?
Santos: Kama mzuri mbona hayupo timu ya taifa, muulize Maximo
DIMBA: Kuna tatizo lolote kati yako na yeye
Santos: Hapana
DIMBA: Kwa nini hachezi naye ni staa
Santos: “Tanzania hakuna mchezaji staa, nani niambie amecheza fainali ngapi za Kombe la dunia?”
DIMBA:vipi msimu ujao utabaki naye kwenye timu?
Santos: sifahamu

Santos afanya kama Kondic Cairo

KOCHA wa Azam FC, Neider dos Santos Jumtatu wiki hii alifanya kitu kama anachodaiwa kufanya kocha wa Yanga, Profesa Dusan Kondic kwenye mchezo wa awali wa Raundi ya Kwanza Ligi ya Mabingwa Afrika dhidi ya wenyeji Al Ahly mjini Cairo.
Mjini Cairo, Kondic alikwenda kumkumbatia mchezaji wa Al Ahly, Flavia Amado wakati wa mapumziko, walipokutana njiani kuelekea kwenye vyumba vya kupumzikia, wakati huo Al Ahly inaongoza 2-0.
Tukio hilo lilizua gumzo kwa wapenzi wa Yanga wamshutumu Kondic kwa nini alifanya hivyo, lakini juzi baada ya mechi ya Ligi Kuu ya Vodacom Tanzania Bara, Santos alidhihirisha kwamba hayo ni mambo ya kiunamichezo.
Baada ya mchezo huo, Azam ikiwa imetota 3-0, Santos akiwa anatoka nje alikutana na kiungo wa Simba, Haruna Moshi ‘Boban’ na wakakumbatiana na kusalimiana kwa shangwe, tukio ambalo liliwafanya mashabiki wachache waliokuwa wamebaki uwanjani kushangilia.
Santos alikuwa kocha wa Boban Simba msimu wa 2006/2007 kabla hajarejea kwao Brazil alipomaliza mkataba wake. Ni msimu huu Santos amerejea Tanzania akihamia Azam FC.

Barthez ataka jezi yake Stars

KIPA wa Simba, Ally Mustafa ‘Barthez’, baada ya kurejesha namba yake kwenye kikosi cha Simba ya Dar es Salaam, sasa amedhamiria pia kurejesha na nafasi yake kwenye timu ya taifa ya Tanzania, Taifa Stars.
Akizungumza na DIMBA mjini Dar es Salaam baada ya kuiongoza Simba kuibuka na ushindi wa 3-0 dhidi ya Azam FC, Barthez alisema kwamba amefurahi sasa ni kipa wa kwanza wa klabu yake tena.
“Kwa kweli nimefurahi kuona naaminiwa tena kwenye timu yangu, kiu yangu ni kupata mafanikio zaidi na kurejeshewa nafasi yangu kwenye timu ya taifa pia,”alisema Barthez.
Barthez amepokonywa nafasi yake timu ya taifa na kipa mwenzake wa Simba, Deo Munishi ‘Dida’. Dida alimfanya Marcio Maximo aghairi kumuita Barthez Stars, baada ya kuanza kupangwa mfululizo kwenye mechi za Simba.
Hata hivyo, mambo yalianza kugeuka kwa chipukizi huyo kwenye mchezo wa kujipima nguvu dhidi ya Vancouver Whitecaps ya Canada alipotunguliwa mabao mawili ya kizembe, hivyo Mzambia Patrikc Phiri kuamua kumuingiza Barthez, aliyedaka vizuri.
Tangu siku hiyo, lango la Simba limerejeshwa kwa Barthez tena, aliyeiongoza Smba katika mechi mbili mfululizo dhidi ya Mtibwa Sugar na Azam FC. Mechi dhidi ya Mtibwa, Simba ililala 1-0 mjini Morogoro.

MSIMAMO WA LIGI KUU YA VODACOM:
P W D L GF GA GD Pts
YANGA 18 15 2 1 33 8 24 47
SIMBA 18 9 3 6 25 19 6 30
KAGERA 18 8 4 6 17 15 2 28
MTIBWA 18 8 4 6 24 16 8 28
PRISONS 18 8 4 6 19 22 -5 28
JKT RUVU 17 6 6 5 25 21 4 24
TOTO 18 7 3 8 18 19 -1 24
AZAM FC 18 6 4 8 24 25 -1 22
POLISI MORO 18 5 7 6 20 18 2 22
MORO UTD 17 3 6 8 23 24 -1 15
VILLA SQUAD 18 4 2 12 14 43 -29 14
POLISI DOM 18 1 9 8 10 21 -11 12

MGOSI ATAKIWA KUKABIDHI KADI ZA UANACHAMA TANGA

2009-03-29T23:29:00.000-07:00

Mgosi na Dalali

WANACHAMA wa klabu ya Simba tawi la Tanga, wanamataka Mussa Hassan Mgosi aende kuwakakabidhi kadi za uanachama.
Mgosi amekuwa swahiba wa wana Simba wote nchini baada ya kuchaguliwa kwenye kikosi cha nyota wa Michuano ya Ubingwa wa Mataifa Afrika (CHAN) iliyomalizika Februari mwaka huu mjini Ivory Coast, ambako Tanzania ilishiriki.
Mgosi alikuwa mchezaji pekee wa Taifa Stars kuchaguliwa kwenye kikosi cha CHAN kama mchezaji wa akiba.
Zaidi ya wanachama 1,000 wa matawi ya Simba mkoani Tanga, wanatarajiwa kukabidhiwa kadi zao za uanachama katika sherehe itakayofanyika Aprili 18, mwaka huu makao makuu ya matawi hayo eneo la barabara ya 16 kwenye ofisi za Tanga Line mjini Tanga.
Mwenyekiti wa matawi ya Simba mkoani hapa, Mbwana Msumari alisema tayari wametuma maombi kwa uongozi wa klabu hiyo mjini Dar es salaam juu ya kuomba kwa Mwenyekiti Hassan Dalali ampeleke Mgosi kuwa mgeni rasmi atakayekabidhi kadi hizo kwa wanachama.
"Tumemuomba Mwenyekiti, ili sherehe zetu zifane, aandae utaratibu wa kumfanya Mussa Mgosi kuwa mgeni rasmi katika sherehe zetu za kukabidhi kadi mpya za klabu yetu...Tunataka kumpa heshima mchezaji huyu kwa vile amekuwa akifanya vizuri kwenye timu yetu na ile ya Taifa, hii pia itatoa changamoto kwa wachezaji wengine," alisema Msumari.

TBL, LUNDENGA KUNANI TENA MISS TANZANIA?

2009-03-29T23:11:00.000-07:00

Meneja wa kinywaji cha Redd's, George Kavishe alipokuwa akimtambulisha balozi mpya wa kinywaji hicho, Angela Lubala (kulia), mwingine ni balozi wa kinywaji cha Redds aliyemaliza muda wake, Victoria Martin wa Tanga.

MKURUGENZI wa Masoko wa Kampuni ya Bia Tanzania (TBL), David Minja amesema kwamba wameamua kudhamini mashindano ya urembo kwa ngazi ya vitongoji pekee badala ya kufanya hivyo kwa shindano la Taifa, ili kuinua mashindano hayo kwa ngazi za chini.
Minja alisema uamuzi huo ulifikiwa tangu mwaka jana na walikuwa hawajatangaza rasmi kwani muda wa kufanya hivyo ulikuwa bado.
Ingawa hakusema sababu za kufikia maamuzi hayo mazito, habari za ndani zinasema kwamba kampuni hiyo imechukua uamuzi huo kutokana na kukiukwa baadhi ya vipengele katika mkataba wao na kamati ya Miss Tanzania.

TBL ilichukizwa na kitendo cha Kamati ya Miss Tanzania kukubali kirahisi kitendo cha Balozi wa Redd's, Angela Lubala kuvua taji wakati hilo lipo kwenye mkataba baina yao na Kamati hiyo.

Angela alichukua uamuzi huo kutokana na imani yake ya dini ya Kikristo, ambapo yeye anaabudu kanisa liitwalo World Alive International Outreach lililopo Sinza, mjni Dar es Salaam, hivyo hawezi kuwa mwakilishi wa pombe.
“Nachukua fursa hii kuiambia jamii kuwa kutokana na imani yangu katika Yesu Kristo, sitaweza kuwakilisha Redd’s kama Redd’s Fashion Ambassador 2008. “Kwa kuwa mimi si mbinafsi, narudisha taji hili na zawadi zake zote kwa Redd’s, napenda kutoa shukrani zangu za dhati kwa Vodacom, Lino na Redd’s kwa uelewa juu ya uamuzi wangu huu”, alisema wakati akivua taji hilo.
Vodacom ndio wadhamini wakuu wa Miss Tanzania. Angela ambaye pia ni Miss Temeke 2008, alisema zawadi anayorudisha ni fedha sh. Milioni 2.5.
Alipoulizwa kama hakujua wakati anashiriki mashindano hayo tangu mwanzo kama kuna jambo kama hilo, alisisitiza kuwa suala la kuwa Balozi wa kinywaji hicho haliendani na imani yake.

Mkurugenzi wa Lino International Agency inayoandaa mashindano Miss Tanzania, Hashim Lundenga akiizungumzia hatua hiyo ya TBL alisema ni sawa ana kuleta mtafuruku baina yao na wadhamini wakuu, kampuni ya Vodacom Tanzania.
Kamati ya Miss Tanzania imesema hatua hiyo ni sawa na kuwaletea vurugu katika mashindano yao kwa kuwa wao kwa sasa wapo katika hatua ya mwisho mwisho kumtangaza mdhamini huyo, hatua ambayo itawakwamisha kampuni ya TBL kudhamini hata kitongoji.
"Tumesaini mkataba na wadhamini wa mikoa na kanda ambayo inawakataza kuingia mkataba na mdhamini wa kampuni ya bia tofauti na wadhamini wao wasaidizi endapo watampata na kumtangaza, vipengele vipo wazi na hata TBL wanavijua," alisema Lundenga.
Alisema kuwa wakala ambaye ataruhusiwa kudhaminiwa na kampuni pinzani ya bia ni yule atakayefanya mashindano yake kabla ya wao kumtangaza mdhamini msaidizi na hiyo ni kwa mujibu wa kifungu cha tatu (III) cha mkataba baina ya mawakala na kamati yao.
"Mdhamini msaidizi wa wine atakayetangazwa atapewa haki pekee ya kudhamini mashindano hayo katika ngazi zote, nadhani ndivyo ilivyokuwa kwa TBL, tulitekeleza mkataba wetu na wadhamini hao na hata kufikia hatua ya kumtoa masindano mshiriki wa wilaya ya Kishapo kutokana na mashindano hayo kudhaminiwa na kampuni ya bia (tofauti) na TBL," alisema.
Alisema kuwa hata waandaaji wa vitongoji wa Dar es Salaam bado hawajasaini mkataba na kamati yao na watafanya hivyo wakati wa semina elekezi na huo ndiyo utaratibu wao wa kila mwaka.
"Hizi ni vurugu ambazo zinalenga kuleta mtafaruku katika mashindano yetu, kamwe hatutakubali kwani kuna sheria ambazo zipo kwa mujibu wa mkataba, tumeamua kuweka wazi suala hili kutokana na hali halisi, bora wajue mapema sheria hizi," alisema.

AL AHLY YAJIFARAGUA NA NYASI BANDIA ZA UHURU

2009-03-29T23:04:00.000-07:00

MABINGWA mara sita Afrika, Al Ahly ya Misri wamedai hawahofii kucheza kwenye Uwanja wa nyasi za bandia (Uhuru mjini Dar es Salaam) katika mechi yao ya marudiano ya Ligi ya Mabingwa Afrika dhidi ya wenyeji Yanga JUmamosi wiki hii. Meneja Mkuu wa Ahly, Hossam Badri alikaririwa kwenye mtandao wa klabu hiyo mwishoni mwa wiki iliyopita akisema hawana wasiwasi kucheza kwenye nyasi za bandia. “Al Ahly haitachanganywa na kucheza kwenye uwanja wa nyasi bandia kwa sababu siyo mara ya kwanza kwetu kucheza kwenye uwanja kama huo. Tulicheza na ASEC Mimosas ya Ivory Coast na Dinamuzahrary na kupata matokeo mazuri,” alisema Badri ambaye pia ni Kaimu Mkurugenzi wa Klabu hiyo. Wiki iliyopita Shirikisho la Soka Tanzania (TFF), lilikubali ombi la Yanga mchezo huo kufanyika Uwanja wa Uhuru badala ya Uwanja wa Taifa kwa vile Yanga ndiyo uwanja iliouzoea. Awali TFF ilipanga mechi hiyo kufanyika Uwanja wa Taifa, lakini Yanga ilisisitiza kutaka Uwanja wa Uhuru wakiamini utawasaidia kufuta kipigo cha mabao 3-0 katika mechi ya kwanza iliyofanyika Cairo wiki mbili zilizopita. Yanga ilidai ina uzoefu zaidi kucheza Uwanja wa Uhuru ingawa watakabiliwa na upungufu wa mashabiki watakaoingia kutokana na uwanja huo kuingiza mashabiki wasiozidi 25,000 tofauti na Uwanja wa Taifa unaoingiza mashabiki 60,000. Yanga watahitaji kufunga mabao zaidi ya matatu kufuzu raundi inayofuata kwenye michuano hiyo inayoandaliwa na Shirikisho la Soka Afrika (Caf). Wakati huohuo, jopo la viongozi wa Al Ahly litatua Dar es Salaam keshokutwa kufanya maandalizi ya ujio wa timu yao. Kwa mujibu wa taarifa kutoka kwenye mtandao wao viongozi hao wataongozwa na Khalid Aldrndly, lakini hawakuweka wazi siku ya kutua kwa timu hiyo. Katika hatua nyingine kocha wa Al Ahly, Manuel Jose ameonya wachezaji wake kuhakikisha wanashinda mechi yao dhidi ya Yanga. Kocha huyo anafahamu bado mchezo haujamalizika. Aliwaambia wachezaji wake mchezo huo hautakuwa rahisi. “Utakuwa mchezo mgumu kwetu kwa sababu tunacheza ugenini, tunahitaji kuweka mtazamo na kuhakikisha tunapata matokeo mazuri,” alisema.

MVUA YAITIBULIA SIMBA TAIFA

2009-03-29T22:54:00.000-07:00

MVUA kubwa iliyonyesha kwenye baadhi ya maeneo Dar es Salaam jana, ilisababisha mchezo wa Ligi Kuu soka ya Vodacom Tanzania Bara kati ya Simba na Azam kuvunjika baada ya kuchezwa kwa dakika 45 za kipindi cha kwanza. Simba iliyokuwa ikiongoza kwa bao 1-0 hadi mchezo unavunjika itarudiana na Azam iliyopanda Ligi Kuu msimu huu, kwenye Uwanja huo huo, iwapo mvua haitanyesha tena. Tangu asubuhi jana, hali ya hewa ya Jiji la Dar es Salaam ilikuwa ya mvua, ingawa baadhi ya sehemu ilikuwa kubwa, huku maeneo mengine ilikuwa ya kawaida, ikiwamo eneo la Uwanja wa Uhuru lililopo wilayani Temeke. Hali hiyo ilifanya mchezo wa Simba na Azam kuchezwa lakini baadhi ya maeneo yakiwa na utelezi, ambao hata hivyo haukuwa wa kutisha kufanya pambano lisishindwe kufanyika. Hata hivyo hali ilibadilika uwanjani hapo kuanzia saa 10:40 alasiri, wakati wingu lilipotanda na dakika 15 baadaye mvua kubwa kuanza kunyesha, tukio lililotokea dakika mbili baada ya mwamuzi kupuliza filimbi kuashiria mapumziko. Ni kama mvua hiyo ilikuwa ikisubiri dakika 45 zimalizike, kwani karibu dakika zote za muda wa mapumziko, ilianza kunyesha kwa kasi kubwa na kusababisha maeneo mengi ya uwanja huo kuwa na madimbwi, hali ambayo ilizua hofu kama mchezo huo ungeweza kuendelea. Baada ya muda wa mapumziko kumalizika, huku uwanja huo ambao una nyasi za bandia ukiwa umejaa maji kwa sehemu kubwa na kuonyesha kila dalili kwamba mechi isingeweza kuendelea, baadhi ya mashabiki walivamia uwanja na kuanza kuyatoa maji ili mchezo uendelee. Mashabiki hao ambao wengi walikuwa wakitumia kandambili, kofia na makasha mbalimbali kukausha maji, walifanya kazi hiyo kwa ushirikiano mkubwa, lakini bado baadhi ya sehemu maji yalikuwa yamejaa, huku pia muda ukizidi kwenda, ingawa mvua iliacha kunyesha. Kutokana na hali hiyo mwamuzi wa mchezo huo, Amon Paul kutoka Mara, aliwaita manahodha wa timu zote mbili, Shekhan Rashid wa Azam na Nico Nyagawa wa Simba, ambapo baada ya kuzungumza nao kwa dakika chache, walifikia uamuzi wa kuvunja mchezo huo. Ingawa hadi jana jioni ilikuwa haijatolewa taarifa rasmi na Shirikisho la Soka Tanzania (TFF), kuhusiana na majaliwa ya mchezo huo, lakini kulingana na kanuni za ligi hiyo, mchezo huo utarudiwa leo. Baadhi ya mashabiki wa Simba, walionekana wakilalamika kuhusiana na uamuzi huo wa kuahirishwa mechi kwa madai kuwa maji yangekaushwa na mchezo ungeendelea. "Uamuzi wa kuvunja mechi umechukuliwa haraka, leo hawa walikuwa hawatoki, washukuru mvua," alisema Issa Said shabiki maarufu wa Simba. Wakizungumza kwa nyakati tofauti, Nyagawa, Shekhan na mshambuliaji wa Simba, Emeh Izuchukwu, walidai walikuwa tayari mchezo uendelee, huku Shekhan akisisitiza kuwa kutokana na kwamba walishafungwa kuendelea ilikuwa lazima. Baadhi ya mashabiki wa Yanga, walikuwa wakiwakejeli Simba kwamba huwa wanajitamba mvua ikinyesha wanafanya vizuri, lakini jana iliwageuka. Mwaka 2001 katika michuano ya Kombe la Washindi Simba iliifunga Ismailia ya Misri mabao 2-0 katika mchezo uliofanyika Uwanja huo huo wakati huo ukijulikana kama Uwanja wa Taifa, Dar es Salaam, lakini baada ya dakika 45 kipindi cha kwanza mvua kubwa ilinyesha na kusabisha mchezo uvunjike na uliporudiwa siku iliyofuata Simba iliambulia kushinda 1-0, hivyo kutolewa, kwani ilihitaji kushinda 3-0 kutokana na kufungwa 2-0 kwenye mechi ya kwanza mjini Cairo. Katika mchezo wa jana, bao la Simba lilifungwa dakika ya 33 na Ramadhan Chombo 'Redondo' akimalizia kazi nzuri ya Ulimboka Mwakingwe, ambapo timu hiyo ingeweza kupata mabao mengi, lakini washambuliaji wake hawakuwa makini, hali ambayo pia iliikuta Azam, ambayo licha ya kupata nafasi chache lakini umaliziaji haukuwa mzuri. Simba inayoshika nafasi ya tano katika msimamo wa ligi ikiwa na pointi 27 ipo katika vita ya kuwania nafasi ya pili katika ligi hiyo ambayo itaiwezesha kucheza michuano ya Kombe la Shirikisho mwakani. Timu nyingine zinazowania nafasi hiyo ni Mtibwa Sugar, Prisons na Kagera Sugar zenye pointi 28 kila moja ila zinatofautiana uwiano wa mabao, ambapo zote zimebakisha michezo minne kumaliza ligi, wakati Simba bado michezo mitano. Naye John Nditi anaripoti kutoka Morogoro kuwa timu ya Polisi Moro, jana ilizidi kujiondoa katika balaa la kushuka daraja, baada ya kuifunga Toto African bao 1-0 Uwanja wa Jamhuri mjini humo. Bao hilo lilifungwa dakika ya 54 na beki wa Toto African Shaaban Aboma katika harakati za kuokoa, ambapo sasa Polisi imefikisha pointi 22, huku Toto African ikiwa na pointi 24.

AKINA OWINO HOI KWA WAARABU NYUMBANI

2009-03-28T10:09:00.000-07:00

George Owino wa Yanga akiichezea timu yake ya taifa, Kenya dhidi ya Tanzania, hapa anamtoka kiungo wa Yanga, Mrisho Ngasa aliyeanguka chini, mbele ya benchi la Tanzania. Hii ilikuwa kwenye michuano ya Challenge na mechi hii hii ya Nusu fainali ambayo Taifa Stars ilifungwa na Harambee Stars 2-1, ilichezwa kwenye Uwanja wa Nelson Mandela, eneo la Namboole mjini Kampala, Uganda, Desemba mwaka jana.

NAIROBI, Kenya

TIMU ya Taifa ya soka ya Kenya, Harambee Stars jana ilishindwa kufurukuta kwenye uwanja wake wa nyumbani wa Nyayo baada ya kuchapwa mabao 2-1 na Tunisia katika mechi ya Kundi B ya michuano ya awali kusaka tiketi ya Kombe la Dunia 2010.
Katika mechi hiyo, wageni Tunisia ndio waliokuwa wa kwanza kupata bao katika dakika ya tano ya mchezo huo mfungaji akiwa ni Ammar Jemal bao ambalo lilidumu kwa kipindi chote cha kwanza.
Kipindi cha pili, Kenya ikishangiliwa na mashabiki wa nyumbani ilisawazisha bao hilo kupitia kwa mchezaji wa kimataifa wa Auxerre ya Ufaransa, Dennis Oliech na kuamsha shamrashamra za mashabiki.
Hata hivyo furaha hizo zilikuwa za muda mfupi kwani dakika mbili baadaye, Tunisia waliongeza bao la pili kupitia kwa Issam Jomaa
Harambee iliwakilishwa na Noah Ayuko, Musa Otieno, George Owino, Pascal Ochieng, John Mwangi/Victor Wanyama, Hillary Echesa/Boniface Ambani, Francis Ouma/Patrick Oboya, Dennis Oliech, MacDonald Mariaga, Mulinge Ndeto na Robert Mambo.
Wachezaji wa akiba ambao hawakucheza ni Joseph Shikokoti, Peter Opiyo, Jockins Atudo na David Okelo.
Timu nyingine katika kundi hilo ni Msumbiji na Nigeria ambazo zinatarajia kuumana leo mjini Maputo.

YANGA WAIANGUSHA SIMBA DAR

2009-03-28T08:49:00.001-07:00

YANGA jana ilishindwa kulipa kisasi kwa Kagera Sugar ya Bukoba, baada ya kulazimishwa sare ya 1-1 kwenye Uwanja wa Uhuru, zamani Taifa, mjini Dar es Salaam, katika mchezo wa Ligi Kuu ya Vodacom Tanzania Bara.
Kagera imeifunga Yanga mara mbili mfululizo, kwanza ni kwenye mechi ya marudiano ya Ligi Kuu msimu uliopita na pili ni kwenye mechi ya kwanza ya msimu huu mjini Bukoba.
Hata hivyo, Yanga ambayo tayari imekwishatwaa ubingwa wa msimu huu, imetimiza pointi 47, wakati Kagera imebakia kwenye nafasi ya tatu, licha ya kufikisha pointi 28, kwani Mtibwa imeshika nafasi ya pili kwa wastani wake mzuri wa mabao ya kufunga na kufungwa na Prisons imeishusha Simba hadi nafasi ya tano.
Hadi mapumziko, hakuna timu iliyofanikiwa kupata bao. Yanga ilicheza dakika zote 45 za kipindi cha kwnza wakiwa pungufu, kutokana na Nahodha Freddy Mbuna kutolewa nje kwa kadi nyekundu, baada ya kwenda kumpiga shabiki.
Mwamuzi wa mchezo huo, Nassib Mabrouk kutoka Mwanza, alimpa kadi nyekundu Mbuna mara tu baada ya kupuliza kipyenga cha mapumziko, kutokana na beki huyo wa kulia kuruka uzio wa Uwanja na kwenda kumpiga shabiki. Ilidaiwa shabiki huyo wa Simba, alimtukana Mbuna baada ya kukosa bao akiwa yeye na kipa.
Katika mchezo huo, Yanga ilikuwa ya kwanza kupata bao dakika ya dakika ya 79, mfungaji akiwa ni Athumani Iddi ‘Chuji’, baada ya kuupiga mpira kiutaalamu akimchambua Odo Nombo.
Chuji alifunga bao hilo, baada ya kupokea pasi ya Mrisho Ngassa, aliyemnyanyasa beki Said Mourad kwa chenga za maudhi. Mashabiki wa Simba walisimama na kushangilia, bao hilo, wakati Yanga walikuwa wakiwabeza kwa kuimba; “Tumewabeba”.
Hata hivyo, bao hilo halikudumu sana, kwani dakika ya 87, Abdallah Juma aliyeingia kuchukua nafasi ya Paul Kabange aliisawazishia Kagera, baada ya kuunasa mpira uliopigwa na Nurdin Bakari na kwenda kumchambua kipa Juma Kaseja.
Baada ya bao hilo, mashabiki wa Simba walikuwa kimya wakati wa Yanga walikuwa wakiwabeza; “Mbona hampigi kidedea”.
Kutokana na utani wao wa jadi, Simba inapofungwa Yanga hushangilia na Wekundu wa Msimbazi pia hubezwa pia na wana Jangwani wanapofungwa. Lakini jana, Simba walilazimika kuishangilia Yanga kutokana na kutaka Kagera ifungwe, kwa sababu zinawania pamoja nafasi ya pili.
Kikosi cha Yanga jana kilikuwa; Juma Kaseja, Freddy Mbuna, Abubakar Mtiro, Nurdin Bakari/Razak Khalfan, Nadir Haroub ‘Cannavaro’, Castory Mumbara, Mrisho Ngassa, Geoffrey Boniface, Athumani Iddi, Jerry Tegete/Nsajigwa Shadrack na Kiggi Makasy/Shamte Ally.
Kagera; Odo Nombo, Shaabani Ibrahim, Hamisi Athumani, Said Mourad, Bakari Omar, David Charles, George Nketto, Paul Kabange/Abdallah Juma, Mike Katende/ Shija Mkina, Themi Felix na Paul Ngway/John Mwange.
Katika mchezo mwingine, Mtibwa Sugar ya Morogoro iliibuka na ushindi wa 2-1 dhidi ya Villa Squad ya Kinondoni, ambayo nayo imezidi kujichimbia kaburi kuelekea kushuka daraja.
Mtibwa ilitangulia kupata bao dakika ya tano, mfungaji akiwa ni Shaaban Nditi, kabla ya Lameck Dayton kusawazisha dakika ya 28, lakini dakika ya 77 Omar Matuta ‘Wanchope’ aliifungia Mtibwa bao la ushindi, baada ya kuuwahi mpira uliotemwa na kipa, kufuatia shuti kali la Abdallah Juma.
Mtibwa sasa imetimiza pointi 28 na kupanda hadi nafasi ya pili, ikiwa mbele ya Kagera na Prisons ambazo zote zina pointi 28 kila moja, lakini yenyewe iko juu kwa wastani wake mzuri wa mabao ya kufunga na kufungwa.
Katika mchezo mwingine kwenye Uwanja wa Sokoine mjini Mbeya, wenyeji Prisons waliibuka na ushindi wa 1-0 dhidi ya Polisi ya Dodoma. Bao pekee kwenye mchezo huo lilitiwa kimiani na Ismail Suleiman ‘Suma’ dakika ya 38 kwa njia ya penalti. Mwamuzi Peter Mujaya wa Pwani, alimtoa nje kwa kadi nyekundu beki wa Prisons, Henry Mwalugala dakika ya 55, baada ya kumchezea rafu kiungo wa Polisi, Bantu Admin.
Kwa matokeo hayo, Prisons imetimiza pointi 28 baada ya kucheza mechi 18, hivyo kuingia kwenye orodha ya timu zinazowania nafasi ya pili, sambamba na Simba, Kagera na Mtibwa Sugar.
Polisi imeendelea kuporomoka ikiwa inashika mkia kwa kubaki na pointi zake 12, baada ya kucheza mechi 18 pia. Ligi hiyo inatarajiwa kuendelea leo kwa mchezo kati ya Azam FC na Simba, Uwanja wa Uhuru, Dar es Salaam.

MA PRO WA YANGA KAZINI LEO KENYA, IVORY COAST

2009-03-28T06:03:00.000-07:00

Mmoja wa wachezaji wa Yanga walio kazini kwenye timu za za taifa, Ben Mwalala

BONIPHACE Ambani, George Owino na Ben Mwalala, wachezaji wa Yanga ya Dar es Salaam jioni hii wapo Uwanja wa Kasarani mjini Nairobi, Kenya wakiiongoza timu ya taifa ya nchi yao, Harambee Stars katika mchezo wa kuwania kufuzu kwenye fainali za Kombe la Dunia mwaka 2010 nchini Afrika Kusini, dhidi ya Tunisia.
Aidha, beki wa kimataifa wa Yanga, Wisdom Ndhlovu naye atakuwa akiiongoza timu yake ya taifa, Malawi wakati itapokuwa kwenye mtihani kama huo wa Kenya, dhidi ya Ivory Coast mjini Abidjan.

RATIBA KAMILI
Kenya vs. Tunisia
Rwanda vs. Algeria
Togo vs. Cameroon
Sudan vs. Mali
Burkina Faso vs. Guinea
Morocco vs. Gabon
Mozambique vs. Nigeria
Ivory Coast vs. Malawi
Ghana vs. Benin
Misri vs. Zambia

JAY NA SHEMEJI YAKE KWA LORD EASY...

2009-03-28T05:40:00.000-07:00

Nyota wa muziki wa Hip hop nchini, Profesa Jay (kulia) akiwa na msanii mwingine wa Hip hop Lord Eyes au Lord Easy wa kundi la Nako2Nako. katikati ni shemeji yake Jay kwa Lord Eyes, mdada Ray C. Hapa walikuwa kwenye moja ya michakato ya kuelekea utoaji wa tuzo za Kili mwaka huu

BUSHOKE KUZINDUA ALBAMU BUKOBA

2009-03-28T05:33:00.002-07:00

MSANII Rutta Bushoke (pichani kulia) anatarajiwa kufanya maonyesho la kutambulisha albamu yake mpya, iitwayo Dunia Njia mjini Bukoba Aprili 12 na 13 mwaka huu.
Meneja wa mwanamuziki huyo, Athumani Tippo wa Zizzou Fashons, aliiambia bongostaz mjini Dar es Salaam jana kwamba onyesho la kwanza litafanyika kwenye ukumbi wa Lina’s Night Club Aprili 12 wakati la pili litakuwa kwenye Uwanja wa Kaitaba mjini Bukoba .
Alisema onyesho la Lina’s Night Club, kiingilio kitakuwa Sh. 10,000 kwa kila mtu, wakati Uwanja wa Kaitaba ambalo litaanza alasiri, kiingilio kitakuwa Sh. 1500.
Tippo alisema katika maonyesho yote hayo, Bushoke, mtoto wa mwanamuziki wa zamani wa bendi ya DDC Mlimani Park ‘Sikinde Ngoma ya Ukaye’, Max Bushoke, atasindikizwa na wasanii wengine nyota wa Bongo Fleva.
Aliwataja wasanii hao kuwa ni Mwasiti, Maunda Zorro, Man Ngwair, Mr. Blue na Steve E.
Albamu hiyo iliyotengenezwa na wataalamu mbalimbali, akiwemo Said Comorien, Alan Mapigo, Enrique, inaundwa na vibao vitamu kama Dunia Njia yenyewe, Usiende Mbali, Rain on Me, Lala na nyingine.
Bushoke alizindua albamu yake ya kwanza iliyoitwa Barua, Okoba 15, mwaka 2004 kwenye ukumbi wa Diamond Jubilee, Dar es Salaam akiwa sambamba na Ngwair aliyezindua albamu yake ya Mikasi, iliyokuwa ina vibao vitamu, Bado Niko, Sikiliza, Dakika Moja, Weekend, Zawadi, Mademu Wangu, She Gotta Gwan, Geto Langu, Napokea Simu na Mikasi wenyewe.
Barua ilikuwa inaundwa na nyimbo 12, ambazo ni Neema, Christina Bundala, Hunijui, Fukara, Kwani We Ni Nani, Mtu Mzima Ovyo, Nkurukumbi, Kwa Nini, Harusi, Mapenzi Yana Raha, Barua yenyewe na Mume Bwege aliomshirikisha mrembo Jacqueline Ntuyabaliwe ‘K.Lyinn’.

KIFUKWE, MALINZI WALIFANYA KAZI KATIKA MAZINGIRA MAGUMU YANGA

2009-03-28T05:33:00.001-07:00

ALIYEKUWA rais wa Yanga, Francis Kifukwe na Katibu Mkuu wake, Jamal Malinzi enzi za uongozi wao kwenye klabu hiyo. Jamaa hawa waliiongoza klabu katika wakati mgumu mno, ikiwa haina mfadhili, lakini bado waliweza kuifanya itwae mataji na kufurukuta kwenye michuano ya Afrika.

Mwaka 2007, wakati huo tayari Malinzi amekwishajiuzulu Kifukwe aliiwezesha Yanga kufika raundi ya Pili ya Ligi ya Mabingwa Afrika na kutolewa na Esperance ya Tunisia.

Kwa kutolewa huko, Yanga ilifanikiwa kuangukia kwenye mechi za mchujo kuwania kucheza hatua ya makundi ya Kombe la Shirikisho, ambako huko nako ilitolewa na El Merreikh ya Sudan.

Hivi sasa, Yanga ikiwa ina wafadhili wawaili, Kilimanjaro Beer na Yussuf Manji, aliyesajili kikosi kikali zaidi, lakini mafanikio yake hayaendani na hali halisi.

Yanga si ya kujivunia ubingwa wa Bara ikiwa na kikosi cha nyota kama iliyonao, ambao inasemekana usajili wake uligharimu si chini ya Milioni 500. bongostaz inawapongeza akina Kifukwe kwa kazi nzito waliyofanya zama zao na kuwapasha viongozi wa sasa chini ya Mwenyekiti, Imani Madega wahakikishe timu inafanya vizuri na klabu inakuwa na hali nzuri pia.

MBUNA NAHODHA MWENYE NGEKEWA JANGWANI

2009-03-28T05:33:00.000-07:00

Freddy Mbuna ni Nahodha mwenye ngekewa ya kipekee ndani ya Yanga, kwani msimu huu atanyanyua Kombe la Ligi Kuu ya Vodacom Tanzania Bara kwa mara ya nne, tangu mwaka 2004 alipopewa mikoba hiyo. Hapa alikuwa akinyanyua taji la ubingwa wa msimu uliopita.

WANAFUNZI WA JANGWANI WALIPOZURU THT...

2009-03-28T02:23:00.001-07:00

Jangwani: Wasanii wa kikundi cha Tanzania House of Talent (THT) kinachodhaminiwa na kampuni ya simu za mkononi ya Zain Tanzania, wakiwa katika picha ya pamoja na wanafunzi wa Shule ya Sekondari ya Jangwani baada ya onyesho maalumu lililoandaliwa kwa wanafunzi wa Dar es Salaam juzi, linaloelimisha kuhusu mbinu za kupambana maradhi ya UKIMWI na matumizi ya dawa za kulevya

HUYU NDIYE PATRICK PHIRI, KOCHA WA WEKUNDU WA MSIMBAZI

2009-03-28T02:23:00.000-07:00

KATIKA kujiwekea mazingira ya kufanya vizuri kwenye mzunguko wa pili wa Ligi Soka Tanzania Bara, klabu ya Simba imeamaua kumrejesha kocha aliyewahi kukinoa timu hiyo kwa mafanikio miaka ya nyuma, Mzambia Patrick Phiri.
Phiri, akiwa na Simba, kikosi hicho kiliweza kutwaa ubingwa wa Ligi Kuu mara mbili kabla ya kuondoka kabla ya msimu baada ya kutofautiana na na uongozi katika suala la maslahi, kwa mara ya kwanza alitua Simba mwaka 2004, akirithi mikoba ya Mkenya, James Aggrey Siang’a, ambaye pia ailing`arisha vilivyo timu hiyo kitaifa na kimataifa.
Hata hivyo, baada ya kuondoka kwa Phiri, Simba imeshindwa kudumu na makocha licha ya kufanikiwa kupata makocha bora kutoka nchi mbalimbali duniani na kubwa hasa ni msigano baina ya viongozi na makocha hao.
Baadhi yao, ni pamoja na Trott Moloto wa Afrika Kusini, Neider dos Santos wa Brazil, Nielsen Elias, Milovan Circovic (Serbia) na Krasmir Sminelov Benziski (Bulgaria).
Baada ya kocha wa mwisho (Benziski), kutimuliwa baada ya kushindwa kuipatia mafanikio katika kipindi chake ikiwemo kushindwa kutwaa kombe la Kagame na kufanya vibaya kwenye mzunguko wa kwanza wa ligi kuu, Phiri akawa chaguo kwa mara nyingine.
Hivyo, basi baada ya kuhangaika huku na kule iliamua kumrejea tena Phiri ambaye licha ya kukwazwa katika kipindi kile aliridhisha moyo na kuamua kurejea kwa mara nyingine kukinoa kikosi hicho cha Wekundu wa Msimbazi.
Kocha huyo, Alhamisi iliyopita, alisaini mkataba wa kuinoa timu hiyo kwa miaka miwili ambapo mara baada ya kutua nchini wiki iliyopita, alisema atafanya kadiri awezavyo kuhakikisha timu hiyo inarudi katika uhai wake wa miaka ya nyuma.
Akizungumza katika hafla ya kusaini mkataba huo, Phiri alisema kwamba anajisikia furaha kurudi Tanzania kuifundisha Simba kwani wakati anaifuatilia timu hiyo akiwa Zambia, alikuwa akisikitishwa alipokuwa akisikia haifanyi vizuri katika mashindano.
“Nakumbuka nilipokuwa na timu ilikuwa ikifanya vizuri sana na kuweza kupata mafanikio…lakini katika miaka ya hivi karibuni nilikuwa nakisikia timu haifanyi vizuri, hivyo nimekuja kuitengeneza timu yangu ili iwe na uhai kama zamani,” alisema Phiri.
Hata hivyo, Phiri alisema anahitaji muda kidogo wa kukaa na wachezaji ili kufahamu mapungufu yaliyopo kabla ya kuanza kuyarekebisha makosa, ili kujenga kikosi imara cha ushindi.
“Nimeikuta timu ikiwa katika nafasi ya sita katika msimamo wa ligi Kuu bara, hivyo natarajia baada ya muda nitakapokaa na kurekebisha kasoro, timu itakuwa katika nafasi nzuri zaidi,” alisema.
Akijibu swali kwamba ni kwanini anajiunga na Simba ambayo imekuwa ikibadili makocha usiku na mchana, Phiri alisema ni vigumu kwake kuzungumzia matatizo ya makocha wengine.
“Siwezi kuzungumzia matatizo ya makocha wengine au mtu fulani…nipo hapa kwa ajili ya kuinoa Simba ili ipate mafanikio si vinginevyo,”alisema.
Kihistoaria, Phiri alizaliwa nchini Zambia, mwaka 1956. Aidha, mbali ya kucheza soka na ndani ya miaka miwili iliyopita, alikuwa kocha mkuu wa timu ya Taifa ‘Chipolopolo Boyz’ akisaidiana na mchezaji wa zamani wa timu hiyo, Kalusha Bwalya, katika fainali za kombe la Mataifa ya Afrika mwaka 2008 huko Ghana.
Alianza kucheza soka tangu utotoni kabla ya nyota yake kung’ara akiwa kwenye timu ya Ronkana ambayo miaka ya 1970 ilibadilishwa jina na kuwa Nkana Red Devils na mwanzoni mwa karne ya 21 ikabadilishwa tena jina na kuwa Nkana FC, kabla ya kuhamia Red Arrows mwanzoni mwa miaka ya 1980.
Akiwa na Ronkana, alikiwezesha kutwaa taji la kwanza la kimataifa hivyo kupachikwa jina la utani ‘Mathetician’ kabla ya kuwa mmoja ya wachezaji wa timu ya Taifa iliyoshiriki fainali za Mataifa ya Afrika huko Ghana mwaka 1978.
Katika kikosi hicho, Phiri alitumika zaidi kama mchezaji wa akiba na alikuwa akipigania kuwa kikosi cha kwanza na katika nafasi ya kiungo akikabana koo na Alex Chola, Evans Katobe, Willie Phiri, Peter Kaumba na Stone Chibwe.
Kipaji cha Phiri cha kufundisha soka kilianza kujionyesaha alipokuwa anamaliza soka yake katika timu ya Arrows.
Na Chama cha Soka cha Zambia (ZAF), hakikusita kumpeleka Ujerumani baada ya ushauri toka kwa Ofisa wa michezo wa ZAF wa wakati huo, Boniface Simutowe (ambaye sasa ni kocha wa Profound).
Aliporejea kutoka Ujerumani, Phiri alipewa jukumu la kukinoa kikosi cha Red Arrows na kocha huyo mdogo hakuwaangusha watu hao waliomuamini kabla ya kuhamia Lusaka Dynamos, ambako aliiwezesha timu hiyo kuwa tishio.
Sifa za kikosi hicho ni wachezaji kuwa na stamina na nguvu, kuwabana wapinzani bila kuwapa nafasi ya kucheza watakavyo na uchapaji kazi. Uwezo huu wa timu hii ya Phiri ulileta mshtuko mkuu katika Ligi Kuu ya Zambia.
Baadhi ya nyota waliozalishwa na Phiri wakati akiinoa Dynamos, ni pamoja na Perry Mutapa aliyewahi kukipiga Ureno na Orlando Pirates ya Afrika Kusini, Alex Namazaba na Nsofwa Chaswe ambaye sasa ni marehemu (Malaysia na Israel).
Mafanikio yake yaliifanya FAZ kumpa ofa ya kukinoa kikosi cha taifa cha vijana wenye umri chini ya miaka 20 mnamo mwaka 1996 ambapo kikosi hicho kilishiriki michuano ya vijana ya Afrika iliyopigwa mwaka 1997 huko Morocco.
Kikosi hicho kiliondolewa katika hatua ya makundi kwa kufungwa bao 1-0 na Benin, sare ya 2-2 na Ivory Coast kabla ya kutoka tena sare ya bao 1-1 na Mali.
Kitu cha kustaajabisha ni kwamba kuna wachezaji walikuwemo kwenye kikosi hicho ambao mpaka sasa bado wanasakata kabumbu ya uhakika, wachezaji hao ni Andrew Sinkala anayecheza Ujerumani na Harry Milanzi anayecheza Angola tofauti na wenzao waliokuwa nao katika kikosi hicho Rotson Kilambe,Edward ’Bubble’ Kangwa, Emmanuel Zulu, George Kampembwa, Gift Kampamba, Gerald Sakala na Perry Mutapa Mutapa.
Baada ya mashindano hayo, Phiri aliondolewa katika timu hiyo na kupewa Benjamin Bwalya ambaye ni kaka mkubwa wa Kalusha, kabla ya Bwalya kufariki mwaka 1998. Hata hivyo, Phiri alirejeshwa tena kukinoa kikosi hicho.
Aliendelea na kikosi hicho mpaka alipokiacha, akiacha historia ya kukiwezesha kufuzu fainali za kombe la FIFA kwa vijana zilizofanyika nchini Nigeria mwaka 1999 ambako ilikuwa ni mara ya kwanza kwa nchi hiyo kufuzu.
Katika fainali chini ya nahodha wao, Andrew Sinkala, Zambia iliifunga Honduras mabao 4-3 na kulazimisha sare na mabingwa watetezi, Hispania wakiwa na nyota wa Real Madrid, Iker Casilas na Guti.
Kikosi cha Zambia kiliundwa na wakali kama Gift na Chintu Kampamba, Milton Tembo, Amon Simutowe,Ronald Mbambara, Chaswe, Zulu na Ian Bakala, hata hivyo walitolewa katika mashindano na Brazil baada ya kufungwa mabao 5-1.
Phiri akiwa na kikosi cha vijana chini ya miaka 23 ‘Bamfuchile’, kikiongozwa na Moses Sichone, Mutapa na Kilambe walishinda nafasi ya pili katika fainali za All Africa Game, ambako kwa ZAF ilijivunia mafanikio ya tatu kwa michuano ya COSAFA chini ya miaka 20 hayo yalikuwa mafanikio makubwa na ya kukumbukwa na Phiri.
Phiri, mchezaji wa zamani wa Nkana na Red Arrows, alikuja Tanzania mwaka 2002 na kujiunga na Simba FC baada timu yake kuondolewa katika hatua ya kwanza kwenye Fainali za kombe la Mataifa ya Afrika zilizopigwa nchini Mali.
Phiri alitangazwa kuchukua nafasi ya Mjerumani, Burkand Ziese kama kocha wa Chipolopolo.
Hata hivyo, Mjerumani huyo aliiwezesha Zambia kufanya vizuri katika michezo yake ya fainali za Mataifa ya Afrika zilizopigwa Tunisia, lakini bahati haikuwa yao kwani walifungwa na Benin 3-1 katika mechi ya mwisho.
Kujiunga kwake Simba, kuliiwezesha timu hiyo kufanya vizuri katika mechi yake, hata hivyo alipokwenda kwao kwa mapumziko, alipata ajali ambayo ilimfanya ashindwe kurudi nchini kuendelea kuinoa timu hiyo, nafasi yake ikatwaliwa na Trott Moloto wa Afrika Kusini.
Baada ya kupata nafuu, Phiri aliazimwa na timu yake ya zamani ya Nkana akipewa cheo cha Mkurugenzi wa Benchi la Ufundi na kipindi hicho kilimpandisha chati zaidi ambako FAZ iliweza kumpa mikoba ya kukinoa kikosi cha Taifa cha Zambia baada ya kuziba nafasi ya Kalusha Bwalya, baada ya muda wake kufika ukomo.
Kipindi hicho, Phiri alikiandaa kikosi kwa ajili ya ushiriki wa michuano ya Castle COSAFA na ile ya CHALENJI mwaka 2006, hiyo ilikuwa ni mara kwanza kwa Zambia kutwaa taji tangu mwaka 1998.
Ikiwa imebakiza mechi moja ugenini dhidi ya Afrika Kusini, Bafana Bafana, ambao walikuwa wanaizidi pointi tatu timu ya Phiri, hakika nafasi ya Zambia kufuzu kwenye fainali za Ghana mwaka jana ilikuwa finyu.
Wakati mashabiki wa soka nchini Zambia wakiwa wamekata tamaa, Phiri aliiongoza timu hiyo kufanya maajabu kwa kuifunga Bafana iliyokuwa inanolewa na Mbrazil, Pereira mabao 3-1 nyumbani kwake, hivyo kukata tiketi ya kucheza fainali za Ghana.
Je, baada ya kuing`arisha Zambia katika fainali za Ghana, makali hayo yataweza kurejesha moto wa Simba katika mashindano ya kitaifa na kimataifa ambao umefifia? Ni jambo la kusubiri na kuona