MFALME WA MABAO ITALI ATUNGIKA DALUGA, KISA KIFO CHA MCHEZAJI MWENZAKE JUMAMOSI

Di Natale

NAHODHA wa Udinese ya Italia, Antonio Di Natale amesemja anaweza kustaafu mwishoni mwa msimu, kufuatia kifo cha mchezaji mwenzake wa zamani, Piermario Morosini akiichezea Livorno Jumamosi.

Kijana wa umri wa miaka 25, Morosini, ambaye alikuwa akicheza kwa mkopo kutoka klabu hiyo ya Serie A, Udinese, alizimia na kufariki dunia baada ya kupata tatizo la moyo katika mechi ya Serie B huko Pescara.
Jana, Di Natale alisema soka inachezwa sana Italia na kwa hilo; ''mwaka jana nilifikiria kustaafu. ... nitacheza hizo mechi sita za mwisho kwa Mario na kasha tutaona.''
Di Natale ana umri wa miaka 34. Mshambuliaji huyo wa Itali amekuwa mfungaji bora wa Serie A kwa misimu  miwili iliyopita.
Kwa sasa anashika nafasi ya pili kwa mabao yake 20, akizidiwa matatu tu na Zlatan Ibrahimovic wa AC Milan.

Tuesday, April 17, 2012