GIUSEPPE ROSSI AUMIA TENA MASIKINI

Rossi

KLABU ya Villarreal imesema mshambuliaji Giuseppe Rossi ameumia tena goti lake la mguu wa kulia na atakuwa nje ya Uwanja kwa miezi sita zaidi, na kupoteza matumaini ya kuichezea Itali katika Kombe la Mataifa Ulaya.

Rossi aliumia mguu wake katika mechi dhidi ya Real Madrid, Oktoba 26 na kufanyiwa upasuaji.

Villarrreal imesema Rossi ameumia tena mguu wake katika mazoezi leo na anahitaji upasauji mwingine.

Ataukosa mwanzo wa msimu ujao.

Mchezaji huyo mwenye umri wa miaka 25 ameifungia mabao 32 Villarreal katika mashindano yote msimu uliopita.

Raia huyo wa new Jersey, mtoto wa Wataliano, aliamua kuichezea The Azzurri badala ya Marekani na amefunga mabao sita katika mechi 27 za kimataifa.

Friday, April 13, 2012