STARS YAANZA VEMA MAANDALIZI YA KUIVAA BOTSWANA

Juma Kaseja mazoezini

John Bocco kulia, nyuma yake ni kocha Poulsen

Bocco kulia na Poulsen 

Bahanuzi na Boban kulia

Ngassa na Bahanuzi kulia

Bocco na Boban kujia

Ngassa na Nyoni 

Kocha wa makipa Juma Pondamali kulia, akiwaongoza makipa Kaseja, Dida na Mwadini

TIMU ya soka ya taifa ya Tanzania, Taifa Stars leo imeanza maandalizi ya mchezo wake wa kirafiki wa kimataifa dhidi ya Botswana utakaochezwa Jumatano ijayo mjini Gaborone.

BIN ZUBEIRY ilitembelea Uwanja wa Karume jioni ya leo, na kuwakuta wachezaji wa timu hiyo wakijifua chini ya walimu wao, Mdenmark Kim Poulsen na wasaidizi wake Sylvester Marsh na Juma Pondamali.

Wachezaji waliokuwapo mazoezini ni makipa Deogratias Munishi (Azam), nahodha Juma Kaseja (Simba) na Mwadini Ali (Azam). Mabeki ni nahodha msaidizi Aggrey Morris (Azam), Erasto Nyoni (Azam), Kelvin Yondani (Yanga) na Shomari Kapombe (Simba).

Viungo ni Athuman Idd (Yanga), Frank Domayo (Yanga), Haruna Moshi (Simba), Mrisho Ngassa (Azam), Mwinyi Kazimoto (Simba), Ramadhan Chombo (Azam), Ramadhan Singano (Simba), Salum Abubakar (Azam) na Shabani Nditi (Mtibwa Sugar).

Washambuliaji ni John Bocco (Azam), Mbwana Samata (TP Mazembe, Jamhuri ya Kidemokrasi ya Congo- DRC), Said Bahanuzi (Yanga), Simon Msuva (Yanga) na Thomas Ulimwengu (TP Mazembe, Jamhuri ya Kidemokrasi ya Congo- DRC).

Stars inayodhaminiwa na Kampuni ya Bia Tanzania (TBL), kupitia Bia ya Kilimanjaro Premium Lager, itaondoka Dar es Salaam Jumanne. 

Friday, August 10, 2012