JAMHURI WACHAPWA THALATHA ZANZIBAR, MAFUNZO YABANWA

Na Ally Mohamed, Zanzibar

TIMU ya Bandari imetoka sare ya kufungana bao 1-1 na Mafunzo katika Ligi Kuu ya Zanzibar leo kwenye Uwanja wa Amaan, Zanzibar.

Bandari walikuwa wa kwanza kuliona lango la Mafunzo kupitia mshambuliaji wao Mussa Omar 'Kidishi' katika dakika ya 25 na Mafunzo walisawazisha kupitia kwa Mohammed Abdulrahim dakika ya 52.

Kwenye Uwanja wa Gombani, Pemba, Jamhuri ambao ni wawakilishi wa Zanzibar katika Kombe la Shirikisho mwakani, wametandikwa na Chipukizi mabao 3-0. Mabao ya Chipukizi yalifungwa na Muhsin Mohammed dakika ya 11, Faki Maalim dakika ya 21 na 60.

Ligi hiyo inatarajia kuendelea tena kesho kwa mechi moja Uwanja wa Amaan kwa kuzikutanisha timu za Mtende Rangers na Chuoni.

Sunday, September 16, 2012