Tetesi za Ijumaa magazeti Ulaya

CHELSEA, REAL MADRID ZAGOMBEA BEKI LA AJAX

Moussa Dembele
Moussa Dembele 
KLABU za Manchester United, Manchester City na Chelsea zinamgombea mchezaji wa Fulham, Moussa Dembele. Mwanasoka huyo wa kimataifa wa ubelgiji anamaliza mkataba wake Craven Cottage mwaka 2013, na pia anawaniwa na Arsenal, Liverpool na Tottenham.
Habari kamili: Metro 
KLABU ya Tottenham inamtaka Ben Foster kurithi mikoba ya kipa wao, Brad Friedel mwenye umri wa miaka 40.
Habari kamili: Daily Mirror 
KLABU ya Chelsea itaingia kwenye vita na Real Madrid na Roma kumgombea mchezaji Gregory Van Der Wiel. Beki huyo wa kulia wa Ajax mazungumzo yake na Valencia yamevunjika.
Habari kamili: talkSPORT 
KLABU ya Manchester City imefanya mawasiliano kwa mara ya kwanza na Napoli juu ya mpango wa kumnunua Edinson Cavani, taarifa kutoka Italia zimesema.
Habari kamili: talkSPORT 
KLABU ya Chelsea inatumai kuipiga bao Liverpool katika kuwania saini ya kinda la Partizan Belgrade la Seria, kiungo mshambuliaji mwenye umri wa miaka 18, Lazar Markovic, ambaye amependekezwa na Avram Grant.
Habari kamili: Daily Mail 
KLABU ya Arsenal inaweza kujiunga kwenye mbio za kuwania saini ya kiungo wa Borussia Dortmund, Shinji Kagawa. Mwanasoka huyo wa kimataifa wa Japan anataka kuiacha klabu hiyo ya Bundesliga mwishoni mwa msimu huu na amekuwa akihusishwa na mpango wa kuhamia klabu kadhaa, zaidi ni Manchester United.
Habari kamili: caughtoffside.com 

DALGLISH ANABAKI LIVERPOOL

KLABU ya Liverpool iko tayari kuendelea na kocha Kenny Dalglish, lakini atapewa fedha kidogo tu za kufanyia usajili wa wachezaji wapya.
Habari kamili: Daily Mirror 
KOCHA Mark Hughes ametenga bonasi ya pauni Milioni 1 kwa wachezaji wake QPR, iwapo wataiwezesha timu hiyo kubaki Ligi Kuu wakicheza mechi ya mwisho na Manchester City Jumapili.
Nedum Onuoha
Nedum Onuoha ameichezea mechi  100 Man City
Wakati huo huo, beki wa Hoops, Nedum Onuoha amesema atakuwa na siku nzuri maishani mwake katika kucheza England, ikiwa Rangers itabaki Ligi Kuu Jumapili kwa kuifunga klabu yake ya zamani, Manchester City.
Habari kamili: Evening Standard 

VAN PERSIE HANG'OKI EMIRATES


    KLABU ya Arsenal inajiamini kwamba Robin van Persie atasaini mkataba mpya, licha ya kutakiwa na Juventus na Manchester City.
Habari kamili: Metro