MESSI APATA KASHFA NZITO YA UBAGUZI

Drenthe kushoto akizinguana na Messi

WINGA wa Everton, Royston Drenthe amemshushia shutuma nzito, Mwanasoka Bora wa Dunia mara tatu, Lionel Messi, akidai kwamba nyota huyo wa Barcelona alimuita 'negro' (mtu mweusi) zaidi ya mara moja uwanjani.

Mwanasoka huyo wa kimataifa wa Uholanzi, alikutana uwanjani mara kadhaa na Muargentina huyo wakati akichezea Real Madrid na Hercules, na amesema wakati wote alikuwa anakwaruzana na Messi akiwa hana mpira.

"Tumecheza sana tu dhidi yake, na wakati wote tulikuwa tunazinguana. Unajua nini kinachonisumbua sana mimi? Ile sauti ambayo ainiita 'negro, negro'," Drenthe alisema kwenye mahojiano na jarida la Helden la Uholanzi.

Mchezaji huyo mwenye umri wa miaka 25, Drenthe kwa sasa anachezea Everton ya Ligi Kuu England kwa mkopo na anapenda kuhamia moja kwa moja katika klabu hiyo.

Wednesday, May 09, 2012