SIMBA NA YANGA BUKU TANO KWA WALALAHOI, VIBOSILE 30,000 TU

Kiiza wa Yanga kushotona Chollo wa Simba kulia

KIINGILIO cha chini katika mechi ya wapinzani wa jadi, Simba na Yanga keshokutwa Uwanja wa Taifa, Dar es Salaam kitakuwa Sh. 5,000 na kwa vibosile wa ukweli, yaani VIP A itakuwa ni Sh. 30,000- huko unashuhudia mechi kwa raha zote.

WAKATI vinara wa ligi kuu bara Simba wakitarajiwa kutua jijini leo tayari kwa mchezo wao dhidi ya mahasimu wao Yanga kesho kwenye dimba la Taifa, mahasimu wao Yanga wameficha juu ya ujio wao.

Timu hizo zinatarajiwa kukwaana kwenye dimba la taifa katika moja ya mchezo wa funga dimba la ligi hiyo itakayofikia tamati hiyo kesho.

Akizungumza na gazeti hili jana,ofisa habari wa Simba Ezekiel Kamwaga alisema kwamba kikosi cha timu hiyo kitatua leo kwa ndege maalum kutoka Visiwani Zanzibar kilipokwenda kujiandaa na mchezo huo.

Alisema wachezaji wote wapo katika hali nzuri na wameapa kucheza kufa kupona kuhakikisha wanashinda mchezo huo ambao kama mambo yakienda vema watatangaza ubingwa wa msimu wa 2011/2012.

“Kikosi chetu chote kipo fiti na vijan a watakuja kesho (leo)kwa ndege maalum na kisha wataelekea katika hoteli moja ya kitalii kwa ajili ya kusubiria mchezo wetu na Yanga,”alisema.

Kwa upande wa Yanga kupitia kwa msemaji wao Louis Sendeu, kikosi cha timu hiyo kilichopo Bagamoyo mkoani Pwani kipo katika hali nzuri wakiendfelea na maandalizi ya  mchezo huo, huku viongozi wakiwajenga zaidi kisaikolojia.

Hata hivyo Sendeu alishindwa kuweka wazi ni lini timu yao itarejea jijini Dar es Salaam na kusema kuwa Bagamoyo na Dar es Salaam hakuna umbali mkubwa hivyo timu itarejea siku yoyote.

Katika hatua nyingine, kiingilio cha chini katika mchezo huo kinatarajiwa kuwa sh.5,000 kwa watakaokaa jukwaa la kijani bluu, wakati kiingilio cha juu kitakuwa shilingi 40,000 kitakachohusisha mashabiki watakaokaa jukwaa la VIP A.

Mashabiki watakaokaa VIPB watalipa sh.30,000, VIP B shilingi 20,000 huku watakaokaa jukwaa la orange watalipa shilingi 10,000.

Friday, May 04, 2012