CHELSEA WAMUWEKA ROHO JUU DI MATTEO

Roberto Di Matteo

KOCHA wa muda wa Chelsea, Roberto Di Matteo amehakikishiwa jana kuwa uamuzi juu ya nafasi yake katika klabu huio utafanywa baada ya fainali ya Ligi ya Mabingwa Ulaya.

Kuna tetesi kuwa, kocha huyo wa muda amekua na unyonge kutokana na hisia kwamba atapigwa chini na badala yake wamtafute mtu niwngine, hata ikiwa matokeo ya mechi dhidi ya Bayern Munich yatakua mazuri.

Lakini akizungumza kwenye sherehe ya uzinduzi wa ushirika wa klabu hio na timu ya magari ya mbio za Langalanga ya Sauber, Mkurugenzi mtendaji Ron Gourlay ameliambia shirika la habari Press Association kua, Klabu hio ina imani kubwa na Kocha huyo tangu ajiunge nao kama meneja wa mda na kwamba watafanya tathmini yao mwishoni mwa msimu.

Hata hivyo, Gourlay alishindwa kujibu kama Di Matteo amefanya kazi ya kutosha kuwekwa kwenye orodha ya wagombea wa nafasi ya Meneja wa klabu.

Hata kabla ya kufuzu kushiriki fainali ya Ligi ya mabingwa, mashabiki wengi walimuunga mkono Di Mateo achaguliwe kumrithi Andre Villas Boas.

Licha ya imani zote hizo, endapo Di Mateo atashindwa kuwika mjini Muinich,basi Abramovich ataitumia kama sababu ya kumuondoa Di Mateo ambaye atakua ameshindwa kuipandisha Chelsea kutoka nafasi ya sita kwenye msimamo wa Ligi kuu ya Premiership na hivyo kukosa michuano ya Klabu bingwa barani Ulaya mwakani.

Friday, May 11, 2012