%202.png)
IMEWEKWA MEI 10, 2013 SAA 4: 22 ASUBUHI
KOCHA mpya wa Manchester United, David Moyes inasemekana anajiandaa kuwasajili wachezaji wa klabu yake ya zamani, Everton Marouane Fellaini na Leighton Baines aanze nao kazi katika klabu yake mpya akirithi mikoba ya Sir Alex Ferguson.
Mscotland huyo mwenye umri wa miaka 50 aliteuliwa kuwa mrithi wa Sir Alex Ferguson Manchester United jana akisaini mkataba wa miaka sita na tayari anaweza kuwa anatazama wachezaji wapya wa kusajili.
Kwa mujibu wa Daily Mirror, Moyes anatumai kuwahamishia Old Trafford, kiungo Mbelgiji Fellaini kama mbadala wa Wayne Rooney anayetaka kuondoka, na pia ana matumaini nyota wa England, Baines atafuatana naye.
Wanaondoka na kocha: Leighton Baines (kushoto) na Marouane Fellaini (kulia) wanaweza kumfuata David Moyes kuhama Goodison
