%202.png)
TAJIRI Mohamed Al Fayed amethibitisha kuiuza klabu ya Fulham kwa vilionea wa Kimarekani, Shahid Khan, ambaye tayari anamiliki timu ya NFL, Jacksonville Jaguars.
Uhamishwaji umethibitishwa na Ligi Kuu ya England. Khan anamiliki asilimia 100 ya hisa za klabu sasa na hakuna deni. Tangazo rasmi linatarajiwa kutolewa saa 7 mchana wa leo Craven Cottage.
"Wakati wa kuwa mmiliki wa Fulham Football Club siku moja utafika mwisho, na nafikiri wakati huo sasa umefika,"alisema Al Fayed.
Mazungumzo: Mmiliki wa Jacksonville Jaguars, Shahid Khan akizungumzia kuinunua Fulham
TOFAUTI YAO...
| AL FAYED | KHAN | |
|---|---|---|
| UMRI | Miaka 84 | Miaka 62 |
| KUZALIWA | Alexandria, Misri | Lahore, Pakistan |
| UTAJIRI | Pauni Milioni 872 | Pauni Bilioni 1.7 (2012) |
| BIASHARA ZAO | Fulham FC, Ritz Hotel, Paris, Balnagowan Castle & Estates, Cocosa | Flex-N-Gate na Jacksonville Jaguars |
"Wakati ni mwafaka kwa sababu nimempata mtu mzuri sana wa kuichukua, Shahid Khan amekubali kupokea majukumu na kipaumbele ambacho nimekuwa nacho Fulham tangu mwaka 1997.
"Fulham itakuwa katika mikono mizuri sana na Shahid, ambaye ni mfanyabiashara mwenye mafanikio na mwenye mapenzi na michezo kwa kila ushahidi. Naomba kila mmoja anayependa Fulham na Uwanja wetu wa nyumbani wa Craven Cottage kumkaribisha Shahid kuanza safari yake ya kuwa mlezi mpya wa Fulham Football Club,"alisema.
Khan alisema: "Nimekuwa mwenye bahati sana hivi karibuni, kutambulishwa na Mohamed Al Fayed, mtu ninayemuheshimu na kumzimikia kwa mambo aliyoyafanya katika maisha yake na - juu ya yote, kwa aliyowafanyia wengine,".
