20 BORA HATUA YA MAKUNDI EURO 2012, HAKUNA MUINGEREZA, MFARANSA MMOJA TU

Iniesta

Getty Images

MABINGWA watetezi, Hispania wameongoza kundi lao, licha ya kupitia wakati mgumu, wakati washindi wa pili wa Euro 2008, Ujerumani wamemaliza hatua ya makundi kwa rekodi baab kuibwa kwenye Kundi la Kifo na Jamhuri ya Czech licha ya mwanzo mbaya wamefuzu pia na England wamewastaajabisha wengi kwa kuongoza Kundi D mbele ya Ufaransa ambao wamekuwa katika kiwango kizuri kabla ya michuano hii.

Sasa mambo yameiva na kuelekea Robo Fainali, BIN ZUBEIRY kwa msaada wa Goal. com wanakuletea 20 Bora ya wachezaji waliofanya vizuri katika hatua ya makundi angalau kwa asilimia 40.

WACHEZAJI  20 BORA HATUA YA MAKUNDI EURO 2012

NAMBA	MCHEZAJI	WASTANI WA KIWANGO
1	ANDRES INIESTA
2	BASTIAN SCHWEINSTEIGER
3	MICHAEL KROHN-DEHLI
4	PEPE
5	NICKLAS BENDTNER
6	MATS HUMMELS
7	ANDREA PIRLO
8	ANDRIY SHEVCHENKO
9	XAVI
10	ZLATAN IBRAHIMOVIC
11	PHILIPP LAHM
12	MARIO GOMEZ
13	CESC FABREGAS
14	FRANCK RIBERY
15	JOAO MOUTINHO
16	DAVID SILVA
17	STEPHAN ANDERSEN
18	LUKA MODRIC
19	MESUT OZIL
20	SAMI KHEDIRA

Katika orodha hiyo, Ujerumani imeingiza wachezaji sita wakati Hispania ina wanne. Andres Iniesta analingana na Bastian Schweinsteiger kileleni baada ya wote kufanya 'mavituuz' yanayoelekea kulingana katika hatua ya makundi.

Denmark ina wachezaji wawili katika tano bora licha ya kutolewa, baada ya kufungwa na Ureno na Ujerumani.

Pepe na Mats Hummels wamekuwa wagumu katika safu ya ulinzi wakati kiungo Xavi na Andrea Pirlo wametawala kwenye idara yao.

Andriy Shevchenko na Zlatan Ibrahimovic wamo ndani ya 10 Bora ingawa makali yao hayakuzisaidia timu zao kuingia Nane Bora.

Franck Ribery ni Mfaransa pekee ndani ya 20 Bora hiyo, wakati hakuna mchezaji hata mmoja wa England, licha ya Three Lions kuongoza kundi.

Mario Gomez, ambaye anaongoza kwa mabao kwenye michuano hiyo hadi sasa, akiwa amefunga mara tatu, anashika nafasi ya 12 na Luka Modric ni mchezaji pekee wa Croatia katika orodha hiyo.

Nyota wa Denmark, Stephan Andersen ni kipa pekee kwenye orodha hiyo, wakati viungo 13 wameingia kwenye orodha hiyo.

Goal.com imekuwa ikifanya tathmini ya viwango vya wachezaji katika kila mechi kwenye hatua ya makundi na imeahidi kuendelea hadi mwisho wa michuano hii Julai 1, mwaka huu na BIN ZUBEIRY itaendelea kumulika huko, ili kuwaletea uhondo wasomaji wake.  

Wednesday, June 20, 2012