AMBAVYO WENGER HATOMSAHAU DROGBA ALIYEKATAA KUMSAINI KWA PAUNI 100,00 TU AKIWA KINDA TENA UFARANSA

IMEWEKWA AGOSTI 6, 2013 SAA 1:37 ASUBUHI

KAMA Arsene Wenger alihitaji ukumbusho wowote wa kosa alilofanya katika usajili akiwa kazini Arsenal, Didier Drogba alifanya hivyo Uwanja wa Emirates Jumapili.

Mabao mawili ya Drogba ya dakika za lala salama dhidi ya Arsenal yaliyowezesha Galatasaray kubeba Kombe la Emirates yameendeleza rekodi ya mshambuliaji huyo dhidi ya The Gunners na kufika mabao 15 katika mechi 15.

Kwamba, katika dakika 1175 ambazo Drogba amecheza dhidi ya Arsenal, amefunga wastani wa bao moja katika kila dakika 78 na sekunde 20.

Alifunga: Mabao mawili ya dakika za lala salama ya Drogba aliyoifungia Galatasaray ikibeba Kombe la Emirates yameendeleza rekodi yake ya kuwafunga Arsenal

REKODI YA MABAO YA DROGBA LIGI KUU DHIDI YA TOP FIVE 

WAPINZANI	MABAO	MECHI ALIZOCHEZA	MABAO KWA MECHI
Arsenal	8	11	0.73
Man City	5	13	0.38
Spurs	3	14	0.21
Liverpool	2	12	0.17
Man Utd	1	11	0.09

Ulikuwa usiku wa pigo kwa Wenger, ambaye alikataa kumsajili Drogba kwa Pauni 100,000.

Akiwa anachipukia nyota huyo wa Ivory Coast katika miaka yake minne Le Mans kati ya mwaka 1998 na 2002, jicho la skauti wa Wenger lilimnasa mchezaji huyo.

Wenger alikataa kumsajili, na Drogba akahamia timu nyingine ya Ligue 1, Guingamp akiwa ana umri wa miaka 23 kwa Pauni 80,000.

Wenger alisema mwaka 2009: "Tumemuangalia kwa umakini alipokuwa Le Mans. Siyo sisi tu tuliomuangalia. Lakini tulifikiri hawezi tayari kiasi cha kutosha.

"Lilikuwa ni kosa, lakini ukiwa kwenye soka, kila mmoja anaweza kuelewa. Tulikuwa na Thierry Henry. Tulisema tutafuatilia maendeleo ya Drogba. Hatukuwahi kumkataa,".

Maumivu zaidi: Wenger aliachiwa pigo na Drogba alipoisambaratisha Arsenal yake Jumapili

UMUHIMU WA DROGBA 

Katika mechi 35 zilizopita za Ligi Kuu kati ya Arsenal na Chelsea, rekodi ya The Blues ikiwa na Drogba ni nzuri mno tofauti waakti hayupo.Akiwepo:   W7 D3 L1           Hayupo:    W2 D9 L13

Mwaka 2004, kufuatia msimu wa mafanikio makubwa akiwa Marseille, Drogba alisaini Chelsea kwa ada ya Pauni Milioni 24.

Kana kwamba hilo halikuwa pigo tosha katika jino la Wenger, Drogba aliifanyizia ile mbaya timu yake uwanjani.

Alifunga mabao 13 katika mechi 14 dhidi ya Arsenal enzi zake akiwa Stamford Bridge, mengi kati yao akifunga katika mechi muhimu.

Wenger alipata ahueni wakati Drogba alipoondoka Chelsea kuhamia Shanghai Shenhua mwaka jana, akisema wakati huo: "Sijui ni kiasi gani Chelsea wamempoteza, lakini hatumkumbuki. Amefanya madhara mengi dhidi yetu katika kila mechi,".

Drogba anaweza kuwa ukingoni mwa soka yake akiwa na umri wa miaka 35 sasa, lakini kwa Emirates atabakia kukumbukwa kama kiboko ya timu ya Wenger hadi siku atakapotungika daluga zake.

Mfaransa huyo sasa atakuwa anaomba dua Arsenal isipagwe kundi moja na Galatasaray katika Ligi ya Mabingwa katika droo inayotarajiwa kupangwa mjini Monaco Agosti 29.

BIN ZUBEIRY INAKULETEA PICHA KUTOKA MECHI 15 ZA DROGBA DHIDI YA ARSENAL...

Agosti 7, 2005 - Ngao ya Jamii- Chelsea 2-1 Arsenal

Drogba alifungua akaunti yake ya mabao dhidi ya Arsenal mwaka 2005 katika Ngao ya Jamii Uwanja wa Millennium, Cardiff, akifunga dakika ya nane

Drogba aliifungia bao la pili katika ushindi wa 2-0 kwa Chelsea dakika ya 58

Agosti 21, 2005 - Ligi Kuu - Chelsea 1-0 Arsenal

Drogba alifunga bao la kubahatisha na kuipa ushindi wa kwanza Chelsea katika Ligi Kuu dhidi ya Arsenal ndani ya miaka karibu 10

Februari 25, 2007 - Fainali ya Carling- Chelsea 2-1 Arsenal

Baada ya Theo Walcott kufunga la kwanza dakika ya 12 Uwanja wa Millennium, Drogba alisawazisha dakika nane baadaye

Drogba alifunga la ushindi zikiwa zimesalia dakika sita na kubeba Kombe la Carling

Machi 23, 2008 - Ligi Kuu - Chelsea 2-1 Arsenal

Baada ya kuwa nyuma kwa 1-0 Uwanja wa Stamford Bridge, Drogba alisawazisha dakika ya 73 kwa shuti dhaifu

Mabao mengine mawili kwa Drogba, akifunga la ushindi dakika ya 82

Aprili 18, 2009 - Nusu Fainali FA- Arsenal 1-2 Chelsea

Bao la ushindi la Drogba dakika ya 84 Uwanja wa Wembley liliipeleka Chelsea fainali

Novemba 29, 2009 - Ligi Kuu - Arsenal 0-3 Chelsea

Drogba aliwafungia wageni bao la kwanza dakika ya 41 akiunganisha krosi ya Ashley Cole

Drogba alihitimisha ushindi wa 3-0 Uwanja wa Emirates kwa shiti la mita 25 la mpira wa adhabu baadaye

Februari 7, 2010 - Ligi Kuu - Chelsea 2-0 Arsenal

Katika mechi ambayo Arsenal ilitakiwa kushinda kuweka hai matumaini ya ubingwa, Drogba alifunga bao la kwanza dakika ya nane

Drogba akaifungia la pili Chelsea dakika ya 23

Oktoba 3, 2010 - Ligi Kuu - Chelsea 2-0 Arsenal

Krosi ya Ashley Cole karibu na nguzo ya lango ilikutana na Drogba akafunga bao la kwanza dakika ya 39

Agosti 4, 2013 - Kombe la Emirates- Arsenal 1-2 Galatasaray

Zikiwa zimesalia dakika 11 Arsenal kusherehekea Kombe la Emirates, Drogba alisawazisha kwa penalti

Drogba alifunga bao lake la 15 dhidi ya Arsenal na kutwaa Kombe la Emirates akiwa na Galatasaray, baada ya kazi nzuri ya Wesley Sneijder waliyeingia naye kipindi cha pili siku hiyo.

Tuesday, August 06, 2013