%202.png)
IMEWEKWA JULAI 5, 2013 SAA 12:00 JIONI
KLABU ya Arsenal sasa inakabiliwa mpambano mkali ili kumnasa Gonzalo Higuain kutoka Real Madrid, baada ya taarifa nchini Hispania kusema kwamba vigogo hao wa Hispania watataka ada kubwa ya uhamisho wa nyota huyo wa Argentina.
Licha ya tetesi kuenea kwamba mchezaji huyo mwenye umri wa miaka 25 yuko njiani kutua Kaskazini mwa London, gazeti la Marca limesema hakukuwa na makubaliano baina ya klabu hizo mbili, maana yake zoezi la muda mrefu la uhamisho wa nyota hiyo linaendelea.
Tayari au hapana? Sakata la Higuain kuhamia Arsenal bado bichi
Kuwasili kwa Carlo Ancelotti kama kocha wa Real kulifikiriwa kungefungua milango ya uhamisho huo, lakini gazeti la Hispania limesema Higuain zaidi anaweza akabaki Bernabeu.
Bei ya Pauni Milioni 23 iliyotajwa, inafikiriwa ni uzushi kwani vigogo hao wa Hispania hawajataja bei rasmi ya kumuuza mwanasoka huyo wa kimataifa wa Argentina, ambayo inaweza kuwa pigo kwa Arsene Wenger.
Baba yake Higuain alisema mapema wiki hii kwamba uhamisho huo unaweza kukamilika muda si mrefu, lakini taarifa za Hispania zinasema Real inaweza kuamua kubaki na mshambuliaji huyo.
.jpg)
