COASTAL ‘WABEBA’ TAJI LA KWANZA BAADA YA MIAKA 26

Na Mahmoud Zubeiry, Muscat
MARA ya mwisho Coastal Union ya Tanga kushinda taji ilikuwa ni mwaka 1988 walipotwaa ubingwa wa Ligi Kuu Tanzania Bara, wakati huo ikiitwa Ligi Daraja la Kwanza Tanzania Bara.
Tangu wamekabidhiwa Kombe la ubingwa wa Bara, Coastal hawajawahi kukabidhiwa taji lingine kwa sababu hawajashinda mashindano yoyote mengine baada ya hapo.

Mwenyekiti wa Fanja, Saif Al Sumry kushoto akimkabidhi Ngao Mwenyekiti wa Coastal Union, Hilal Hemed 'Aurora' baada ya mchezo wa jana. Wegine wanaoshuhudia ni Makamu Mwenyekiti wa Fanja kushoto, Ahmed Al  Busaidy, Ofisa wa Ubalozi wa Tanzania hapa Oman, Said Mussa na Meneja wa Coastal, Akida kulia

Lakini jana, ikiwa ni miaka 26 baadaye, timu hiyo ilipewa taji, baada ya kukabidhiwa Ngao ya Urafiki na klabu ya 
Fanja ya Oman, kutokana na kuzuru nchini hapa kucheza mechi ya kirafiki na klabu hiyo kigogo hapa.
Mwenyekiti wa Coastal, Hilal Hemed ‘Aurora’ alikuwa mwenye tabasamu pana wakati anapokea Ngao hiyo kutoka kwa Mwenyekiti wa Fanja, Saif Al Sumry.  Mataji matamu, lakini lazima wayapiganie uwanjani.

Kiungo wa Coastal Union ya Tangam Jerry Santo akimiliki mpira mbele ya kiungo wa Fanja ya Oman jana katika mchezo wa kirafiki uliofanyika Uwanja wa Fanja, Muscat, Oman, Fanja ilishinda 1-0.

Razack Khalfan nyuma akimdhibiti kiungo wa Fanja

Mshambuliaji wa Coastal akikabiliana na mchezaji wa Fanja

Hatari kwenye lango la Fanja

Haruna Moshi 'Boban' wa Coastal hapa alimpiga chenga moja hatari sana mchezaji huyu wa Fanja, kweli ujuzi hauzeeki

Wachezaji wa Fanja na Coastal wakigombea mpira

Jerry Santo kulia akimburuza kiungo wa Fanja

Wachezaji wa Coastal na baridi la Oman hadi kujifunika mablanketi benchi

Wachezaji, viongozzi na makocha wa Fanja na Coastal katika picha ya pamoja kabla ya mechi

Friday, January 17, 2014