JKT TANZANIA YAICHAPA FOUNTAIN GATE 2-0 BABATI

TIMU ya JKT Tanzania imeibuka na ushindi wa mabao 2-0 dhidi ya wenyeji, Fountain Gate katika mchezo wa Ligi Kuu ya NBC Tanzania Bara jioni ya leo Uwanja wa Tanzanite Kwaraa, Babati mkoani Manyara.
Mabao yote ya JKT Tanzania leo yamefungwa na mshambuliaji Paul Peter Kasunda dakika ya 72 na 87, hivyo anafikisha mabao matano sasa na kupanda juu kwenye orodha ya wafungaji Ligi Kuu akimzidi bao moja mchezaji mwenzake wa JKT Tanzania, Saleh Karabaka Kikuya na wote wakiwa mbele ya Mganda, Peter Lwasa wa Pamba Jiji FC.
Kwa ushindi huo, JKT Tanzania wanafikisha pointi 16 katika mchezo wa tisa na kurejea kileleni Ligi Kuu wakiizidi pointi moja Pamba Jiji FC ambayo hata hivyo ina mchezo mmoja mkononi, wakati Fountain Gate inabaki na pointi zake 10 za mechi tisa pia nafasi ya sita.

Sunday, November 30, 2025