TANZANIA YAMALIZA NAFASI YA TATU KUNDI C KOMBE LA DUNIA FUTSAL

TANZANIA jana ilikamilisha mechi zake za Kundi C michuano ya Kombe la Dunia la Futsal Wanawake kwa kuchapwa mabao 9-0 na Japan Uwanja wa PhilSports Arena Jijiji Pasig, Ufilipino.
Mechi iliyopita Tanzania ilishinda mabao 4-2 dhidi ya New Zealand na kuamsha kidogo matumaini ya kusonga mbele kufuatia mwanzo mbaya awali ikifungwa mabao 10-0 na Ureno katika mchezo wa kwanza wa Kundi C Novemba 23 mechi zote zikipigwa Uwanja wa PhilSports Arena Jijiji Pasig, Ufilipino.
Tanzania ambayo inashiriki Fainali hizi kwa mara ya kwanza inakamilisha mechi zake za kundi hilo ikiwa na pointi tatu katika nafasi ya tatu nyuma ya Ureno iliyoongoza kwa pointi zake tisa ikifuatiwa na Japan yenye pointi sita na zote zinakwenda Nusu Fainali.
New Zealand ndiyo vibonde wa Kundi C ambao wameshika mkia baada ya kufungwa mechi zote tatu. 

Sunday, November 30, 2025