BREAKING NEWS; AC MILAN YAMFUKUZA SEEDORF, INZAGHI KOCHA MPYA RASSONERI

KLABU ya AC Milan imemfukuza kocha Clarence Seedorf na kumteua Filippo Inzaghi kurithi mikoba.

Mholanzi, Seedorf alianza kazi San Siro mwezi Januari mwaka huu, akirithi mikoba ya Massimiliano Allegri baada ya klabu kuanza vibaya msimu huu, lakini naye ametupiwa virago baada ya Milan kushika nafasi ya nane Serie A.

Inzaghi, gwiji wa San Siro kama Seedorf, hajawahi kufundisha timu ya wakubwa, lakini amepandishwa kutoka timu ya vijana ya Milan chini ya umri wa miaka 19.

Kazi basi: Clarence Seedorf amefukuzwa AC Milan

+2

Mtu mpya: Inzaghi, pichani enzi zake akiichezea Milan ameteuliwa kuwa kocha mpya AC Milan 

Taarifa yao imesema; "AC Milan inapenda kutaarifu kwamba, kocha Clarence Seedorf amefukuzwa, na timu ya kwanza imekabidhiwa kwa Pippo Inzaghi hadi Juni 30, 2016,".

Kufukuzwa kwa Seedorf, kufuatia Rais wa Milan, Silvio Berlusconi kusema Ijumaa kwamba kiungo huyo wa zamani wa Rossoneri alichangia matokeo mabaya.

Monday, June 09, 2014