STURRIDGE AITEKETEZA MAN UNITED ANFIELD...LIVERPOOL DUME LA SHETANI

IMEWEKWA SEPTEMBA 1, 2013 SAA 11:48 JIONI

BAO pekee la Daniel Sturridge limeipa Liverpool ushindi wa tatu mfululizo katika Ligi Kuu ya England, baada ya kuwalaza wapinzani wao wa jadi, Manchester United 1-0 jioni hii Uwanja wa Anfield.

Mshambuliaji huyo mwenye umri wa miaka 24 alikuwa katika sehemu mwafaka na kwa wakati mwafaka wakati anaunganishia nyavuni mpira wa kona dakika ya nne.

Hilo lilikuwa bao la tatu kwa Sturridge katika msimu huu na linaipa ushindi wa tatu mfululizo wa 1-0 timu ya Brendan Rodgers kuendeleza redeki ya ushindi asilimia 100 katika mbio za ubingwa.

Philippe Coutinho wa Liverpool alikuwa mchezaji bora wa mechi hiyo.

Kikosi cha Liverpool kilikuwa: Mignolet; Johnson/Wisdom dk78, Agger, Skrtel, Enrique, Henderson, Lucas, Gerrard, Aspas/Sterling dk60, Sturridge na Coutinho/Alberto dk84. 

Man United: De Gea, Jones/Valencia dk37, Ferdinand, Vidic, Evra, Carrick, Cleverley/Young/Nani dk62, Welbeck, Giggs/Hernandez dk75 na Van Persie. 

Tatu: Liverpool imepata ushindi wa tatu mfululizo katika Ligi Kuu ya England, baada ya kuifunga Manchester United 1-0 Anfield

Ameanza na moto: Daniel Sturridge ameipa Liverpool ushindi kwa bao pekee dakika ya nne

Sehemu mwafaka: Sturridge akiunanisha pasi ya Daniel Agger

Yuko moto: Sturridge ameifungia Liverpool katika mechi zote tatu msimu huu

Shangwe: Sturridge akimkumbatia kocha wake Brendan Rodgers baada ya kufunga

Imependeza: Mashabiki wa Liverpool katika Kop End wakitoa heshima kwa Bill Shankly kabla ya mechi

Kuzaliwa: Wachezaji na mashabiki walitumia dakika moja kwa ajili ya Shankly kabla ya mechi

Mkwara: Steven Gerrard na Robin van Persie wakichimbiana mikwara

Kazi: Martin Skrtel, aliyechukua nafasi ya majeruhi Kolo Toure, akiruka juu kupiga mpira kichwa

Jatibio: Gerrard akipiga shuti la mpira wa adhabu ambalo liliokolewa na kipa David de Gea

Rafu: Danny Welbeck akienda chini baada ya kuchezewa rafu na Lucas na Iago Aspas

Alikuwepo: Kocha wa England, Roy Hodgson alikuwapo jukwaani Anfield kushuhudia mechi hiyo

Jukwaani: Mshambuliaji wa Liverpool, Luis Suarez anayetumikia adhabu alikuwepo uwanjani leo

Makocha: Kocha wa Liverpool, Rodgers (kulia) na wa Manchester United, David Moyes wakiwa kazini

Sunday, September 01, 2013