AL AHLY YAACHANA NA KOCHA KOLLER BAADA YA KUVULIWA UBINGWA WA AFRIKA

KLABU ya Al Ahly imemfukuza kazi kocha mkuu Marcel Koller siku moja tu baada ya kuondolewa katika michuano ya  Ligi ya Mabingwa Afrika na Mamelodi Sundowns.
Koller alishuhudia timu yake ikitupwa nje kwa sheria ya bao la ugenini baada ya bao la kujifunga la Yasser Ibrahim na kuifanya Mamelodi Sundowns kukata tiketi ya kucheza fainali ya Ligi ya Mabingwa Afrika.
Ilimaanisha kuwa wababe hao wa Misri walishindwa kufika fainali kwa mara ya kwanza baada ya miaka sita, jambo ambalo lilisababisha bodi ya klabu hiyo kuitisha mkutano wa dharura.
Katika mkutano huo iliamuliwa kuachana na mtaalamu huyo wa Uswisi, ambaye alikuwa ameshinda mataji 11 na klabu hiyo.
Koller mwenyewe alikuwa ameelezea kusikitishwa kwake na timu yake kutotolewa kwa 'bahati mbaya' katika kwa Ligi ya Mabingwa ya CAF.
"Sote tumesikitishwa sana, hatukupoteza mchezo," alisema baada ya mechi. Tulijifunga na kutupwa nje. Haifurahishi. Tulitaka kuandika historia, haikufanikiwa na bila shaka hatujafurahishwa na matokeo. Tulikuwa tunaongoza 1-0 na bila shaka hatukutakiwa kukimbilia mbele kushambulia - 1-0 ingetosha. Kwa hivyo, tulijaribu kulinda vyema. Mwishowe, hatukutarajia lengo lao wenyewe, lakini ilimaanisha kuwa haitoshi," amesema Kohler.
Ahly wameshinda mechi mbili pekee kati ya tisa zilizopita na walikuwa wameshuka hadi nafasi ya pili kwenye msimamo wa Ligi Kuu ya Misri.

Sunday, April 27, 2025