TANZANIA YAINGIA NUSU FAINALI MICHUANO YA FUTSAL AFRIKA WANAWAKE

TIMU ya taifa ya wanawake ya Tanzania imefanikiwa kuingia Nusu Fainali ya Michuano ya Futsal Afrika baada ya ushindi wa mabao 3-1 dhidi ya Senegal kwenye mchezo wa mwisho wa KUndi C jana Uwanja wa Salle Moulay Abdellah Jijini Rabat nchini Morocco inakofanyika michuano hiyo.
Mabao ya Tanzania yalifungwa na Donisia Minja dakika ya 13, Vaileth Nicholas Mwamakamba dakika ya 20 na Anna Katunzi dakika ya 21, wakati la Senegal lilifungwa na Ndeye Kane dakika ya 29 - na sasa itamenyana na Morocco kesho kuanzia Saa 2:00 usiku hapo hapo Salle Moulay Abdellah Jijini Rabat.

Kipa wa Tanzania na klabu ya JKT Queens, Najiat Abbas Idrisa alishinda Tuzo ya Mchezaji Bora wa mechi hiyo baada ya kazi nzuri ya kuzuia michomo ya wapinzani.

Sunday, April 27, 2025